古乳有暈：有強J，冇焗賭。
即係牛唔飲水唔撳得牛頭低。
最近朋友阿山就啱啱經歷咗一件「偷嘢食」被發現嘅事。
佢話自己偷嘢食其實只係「一時衝動」，唔係有意為之。
不過佢老婆就當然唔信啦。
1. 所謂一時衝動
阿山偷嘢食被發現後，佢老婆係咁質問佢：
「你上網溝女嘅時候，有冇諗過我感受？有冇諗過後果？有冇諗過自己做緊乜？」
阿山當然都係同其他男人一樣嗰句說話：
「我知我唔啱，係我唔好，一時衝動做咗啲傷害你嘅事。」
阿山老婆當然唔肯過佢，二人冷戰超過10日，凍過而家廣東天氣。
我聽到阿山咁樣覆述之後，就問佢：
「你所謂嘅一時衝動，究竟係咩意思？」
阿山呆咗呆，似乎估唔到我會咁問。
2. 每一步都可預見
阿山之後話，自己所謂一時衝動，可能係指自己冇諗過件事嘅後果。
我話，你一定有諗過，男人出去偷嘢食之前，一定都有諗過。
阿山諗返轉頭，話當時腦入面係有好多諗法：
「佢好似幾鍾意我、佢好似冇抗拒我、如果約佢出去會點？除咗見面會唔會有下一步？下一步有冇可能係咩⋯⋯」
唔好話男人每一步都有預謀，但起碼每一步都有預見。
一開始只係網上無聊傾計，之後開始試探，最終一步步發展，以滿足自己心入面某啲想法⋯⋯
所以話一時衝動，只不過係強調自己表面嘅刺激感，其實一切都係有跡可循。
3. 一直選擇偷嘢食，直到
既然偷嘢食，係一步一步選擇中嘅循序漸進。
咁忠誠，是否都係一種選擇。
因為如果冇被發現，佢哋往往會選擇繼續偷嘢食。
一步步選擇，一步步偷嘢食，直到被發現，然後被逼選擇忠誠（暫時）。
當然，如果話自己「衰鹹濕」「衰衝動」都冇問題。
不過幾「衰鹹濕」幾「衰衝動」都好，每一步自己都好清楚，肯定唔係一時衝動。
◂ END ▸
