TVB咪神，拜拜
文摘
2024-12-19 23:23
广东
34歲嘅「TVB咪神」陳婉衡，一向以魔鬼身材著稱。日前，陳婉衡喺IG上載幾張舊工作相，分別配上感性文字：I’ll miss you、The beginning of a new chapter。陳婉衡2012年參選港姐落選，不過憑著健康又性感嘅形象，又有著「翻版泳兒」之稱，成功出圈。佢先後喺TVB娛樂新聞台擔任主播，後來又主持《3日2夜》同《Go! Yama Girl》等綜藝節目。自從被封為「TVB咪神」之後，陳婉衡就經常穿著泳衣或者緊身運動服拍攝節目。雖然作為藝人小花，靠住身材吸睛可以理解，但唔代表咁樣就會穩陣。無論係做主持定係拍劇，如果冇紮實演技同突破性表現，始終都難以突圍而出。尤其係TVB呢個小花眾多，年年都有卜卜脆新血後生女嘅夢工場。所以對於演技一般嘅陳婉衡嚟講，近年佢喺節目上出現嘅次數，亦都逐漸減少。睇嚟，喺娛樂圈搵唔到出路之際，陳婉衡已經另闢蹊徑。就好似殘廁gathering嘅林芊妤一樣，拓展自己嘅健康網紅事業。「講女系列」雖然經常會介紹TVB樣靚身材正嘅小花。不過無數事實證明，要喺娛樂圈立足，單單係靠樣靚身材正係唔夠嘅。希望陳婉衡以後有機會以更有深度與內涵嘅方式，帶畀大家新觀感啦。
