佢嘅藝員訓練班，從1971年正式開辦以嚟，就培養出唔少優秀演員人才。
包括唔少天王級影帝級嘅明星，好似周潤發、劉德華、梁朝偉、周星馳等等等等。
都係出自於TVB藝員訓練班。
不過藝員訓練班人數眾多，所以並非每一個畢業生藝員，都能夠喺競爭激烈嘅娛樂圈中，脫穎而出。
最近有一個「打破TVB多項紀錄」，第31期藝員訓練班（2021年）畢業嘅演員。
就喺社交平台宣布放棄演員夢，離巢TVB。
● 破紀錄嘅茄哩啡
TVB演员黃一鳴，如果唔係佢自我介紹「破紀錄」，大概冇咩人識佢。
佢喺IG上面話：「3年跑足61套劇 終於心息 再見喇 演員夢」。
然後又列出自己喺TVB期間嘅多項「破紀錄」，包括：
- 36歲入讀藝員訓練班，打破盧海鵬35歲紀錄
- 首年通告達420次，超越梁鴻華嘅240次紀錄。
- 參與超過9成嘅劇集拍攝。
- 多次喺同一部劇中分飾10角，追平馬國明紀錄。
- 9組通告，連續開工74小時，追平鄭裕玲紀錄。
- 曾同日兼顧5個劇組通告，包括廠景及外景。
- 喺《愛回家之開心速遞》中客串超過200集。
- 從未推辭通告、遲到、早退、缺席或休假。
- 小紅書視頻過120萬觀看及7千5讚（呢個都算？）
話說Do姐鄭裕玲，曾經因為同時要拍攝9組通告，得名「鄭九組」，並且可以呻足一世。
可想而知，喺電視台內連踩多組，又日夜顛倒拍戲，強度有幾大。
所以黃一鳴呢啲破晒TVB嘅紀錄，除咗真係堅·捱得之外，就真係堅·捱得。
不過捱得又點，喺某啲高層眼中，茄哩啡始終都係茄哩啡。
● 一係咬緊牙關，一係走
不過就算幾咁捱得都好，以一個「茄哩啡」嘅身分，喺電視台月薪大概只有8千至1萬2左右。
新人茄哩啡，大概要再減2千。
重點係，好多時候電視台仲有好多「隱性要求」，即係要自己畀錢。
例如電視台會要求藝人保持高端形象，盡量唔好搭乘公共交通工具。
即係話，你可以搭的士就搭的士，以免影響公眾對藝人嘅觀感。
近年呢個規定好似相對寬鬆咗唔少，特別係簽基本合約嘅藝人。
另外，作為茄哩啡，仲有其他自己畀錢嘅支出，例如化妝、買戲服等等。
薪酬待遇同工作強度之間嘅矛盾，的確令唔少綠葉、綠葉王離巢。
轉行或轉投其他平台，尋求更好嘅發展機會同生活質素。
例如冯素波、杜燕歌、郑世萧、徽勇豪、杨潮凯、李漫芬等等。
古乳有暈：紅花雖好，必用綠葉扶持。
近年TVB唔單止綠葉、綠葉王流失，唔少花旦小生都離巢，真係幾可惜。
● 夢想，可唔可以當飯食
雖然星爺話齋：做人如果冇夢想，同條鹹魚有咩分別呀？
但連生活都成問題嘅時候，夢想又可唔可以當飯食啊。
港真，再好嘅名人名言，都係要分場合分場景嘅。
雖然星爺嘅「夢想論」，可能啟發過無數有理想嘅人，踏上演藝之路。
但現實往往會話畀我哋聽，夢想，好多時候唔係一條養活自己嘅生路。
特別係喺娛樂圈，如果一嚟冇演技，二嚟冇優勢，三嚟冇背景。
夢想再偉大都好，反而係一種負擔。
講白啲，就係天生唔係做明星嘅料——
就算夾硬嚟，就算係二代，就算係影壇大亨之後，都要——
「向左」，行埋一邊。
◂ END ▸
