佢就係前TVB著名記者，林美香。
仲喺Facebook特別提到林美香個名嘅趣事。
對於母語係粵語嘅大家嚟講，林美香呢個名，絕對係聽完印象深刻嘅名。
而林美香自己就話，佢個名其實係潮州父母幫佢改嘅。
「香」字喺潮汕話同粵語讀音唔同，但當年潮流好興咩香咩香。
連日本明星都係咩「美香」「靜香」。
所以佢都冇諗過呢個名有咩問題，直到佢加入咗TVB新聞部先發現出事……
林美香講起自己個名帶嚟嘅煩惱，真係有啲「唔怕生壞命，最怕改錯名」。
有一年年三十晚除夕，林美香去外面採訪，片尾一句「林美香報導」。
居然收到好多觀眾投訴，話太唔吉利。
新聞部因此特登安排林美香喺年初一、初二放假。
但一到年初三跑賀歲馬，馬迷又唔開心，話聽到呢個名又擔心影響賽果。
林美香仲話個名影響埋自己事業，但當時新聞部主管黃應士力撐。
叫佢唔使理啲閒言閒語，話：「個名父母為你改，使乜理佢！」
呢一句好有氣勢嘅話，令林美香冇再對自己個名煩惱。
不過林美香人生都幾多波折，之前因為乳癌，佢曾經做過兩次手術。
之後有專家同佢講「香」字頭上有刀，寓意要開刀，建議改名為「林美宜」。
宜，寓意有瓦遮頭，有家庭嘅保護。
最終，林美香選擇聽專家意見，正式改名。
不過搞笑嘅係，身邊朋友幾十年都改唔到口，依然叫佢「林美香」。
呢個咁朗朗上口個名，又真係好難改口嘅，或者已經成為佢人生一個標籤。
雖然每個人個名，都只係一串文字。
而某程度上，又的確會影響人嘅心態、行為，甚至人生選擇。
但點都好，希望唔係改名易，改運難啦。
◂ END ▸
