最近喺IG曬出一輯「小背心飲咖啡」嘅靚相，即刻引起唔少男網民關注。
雖然而家天氣好鬼凍，不過相中邱晴身穿小背心，青春感爆棚。
除咗熱辣辣嘅小背心之外，唔少眼尖嘅網民，都發現佢心口有個紅印。
1. 啱啱食完咖喱雞
自從離巢TVB之後，邱晴愈嚟愈放得開。
冇計，搵食艱難。
從海灘比堅尼到冬天小背心，邱晴近年喺IG經常發放福利。
而呢輯「小背心飲咖啡」中嘅「咖喱雞」亦都即刻引起網民迴響。
唔少留言都搞笑咁問佢：「係咪啱啱食完咖喱雞？」
雖然邱晴一次又一次靠靚相引起話題，不過無奈總係紅唔起。
2. 嫩版珊珊星途不順
2017年，當時只有17歲嘅邱晴參選香港小姐。
因為長相甜美，又與前港姐李珊珊有幾分相似，於是被封為「嫩版李珊珊」。
雖然最終只係進入五強，但TVB隨即簽佢成為「親生女」，更安排佢入讀藝員訓練班。
初入行時，邱晴主要主持兒童節目《Think Big天地》。
佢以甜美形象吸引一班細路Fans，並且收入唔錯，試過月袋五萬蚊，可惜好景不長。
經歷咗幾年平淡發展，2021年邱晴選擇離巢，轉簽一年一騷嘅自由合約。
當時佢話會轉型做KOL，專攻小朋友市場，仲開咗YouTube Channel。
不過呢個Channel似乎更新得相當佛系，仲被粉絲笑係「開嚟擺」。
3. 始終都係「紅唔起」
離開TVB後，邱晴除咗喺IG曬靚相派福利，亦都有參與過ViuTV真人騷《家務戰場》。
之後佢仲推出埋寫真集，不過都未能打開更大市場。
佢之前話過，以前諗住入行會遇到好多新挑戰，點知有時候只係一個崗位做嚟做去。
就好似喺TVB佢一直都只係客串一啲小角色，大概係發展有限，所以選擇離巢。
雖然形象青春、樣貌甜美、身材吸睛，邱晴始終未能突破「紅唔起」嘅魔咒。
好多戥佢唔抵嘅粉絲就話，邱晴又靚又甜仲咁大，點解一直紅唔起。
不過娛樂圈呢啲嘢，不嬲無解。
◂ END ▸
