ང་ཚོ་ཐུན་མོང་ལ་དབང་བའི་རྩོམ་རིག་གི་སྡིངས་ཆ་ཆེན་མོ་ཁྱུང་སྔོན་རྩོམ་རིགས་དྲ་བ།
琼翁文学网 属于我们共同的文学大舞台
国泰民安！世界和平！
树立中华民族共同体意识，坚定文化自信，促进文化繁荣，为民族复兴，国家强盛而不懈努力
——习近平
༄༅།།སྐྱབས་མགོན་ལྕང་སྐྱ་རིན་པོ་ཆེའི་ཞབས་དྲུང་དུ་ཕུལ་བ།
ཀུན་མཁྱེན་འཇིགས་མེད་དབང་པོ།
ཐུབ་པ་གཞན་ལས་ལྷག་པའི་ཐུགས་བསྐྱེད་ཀྱི། །ཆ་ཤས་ཡོངས་སུ་རྫོགས་པས་མཐའ་འཁོབ་ཏུ། །གདུལ་དཀའ་འདུལ་ལ་མཚུངས་ཟླ་མ་མཆིས་པ། །བསླུ་མེད་སྐྱབས་གནས་དམ་པའི་ཞབས་དྲུང་དུ། །གང་གི་མཚན་དཔེའི་དཀྱིལ་འཁོར་ཟླ་བའི་གཟུགས། །སྙིང་དབུས་རོལ་མཚོར་ཡང་ཡང་ལྷུང་བ་ན། །དད་པའི་རླབས་གཡོས་ཞུ་འཕྲིན་ངང་མོའི་སྒྲ།།མུ་ཅོར་སྒྲོགས་འདིར་བརྩེ་བས་ཡུད་ཙམ་དགོངས། །གསེར་གྱི་ས་འཛིན་དབུས་སུ་ལྷུན་པོ་འམ། །རྒྱུ་སྐར་ཁྲོད་དུ་མཚན་མོའི་མགོན་པོ་བཞིན། །སྙིགས་མའི་བསྟན་འཛིན་བྱེ་བ་ཁྲག་ཁྲིག་དབུས། །འགྲན་ཟླ་ཀུན་བྲལ་སྐྱེས་མཆོག་དམ་པ་ཁྱོད། །དབང་ཕྱོགས་མཆོག་དམན་མགྲིན་སྔོན་རལ་པ་རུ། །ཞབས་སྐྱེས་རི་བོང་འཛིན་པ་ངལ་གསོ་ཞིང་། །གཞན་ཕན་མཛད་པའི་འོད་ཟེར་སྤྲོ་བ་ཡིས། །སྐལ་ལྡན་ཀུ་མུད་སྐྱོང་བཞིན་བཞུགས་ལགས་གྲང་། །བགྲང་ཡས་ལུང་དང་རྟོགས་པའི་ཟ་མ་ཏོག །ངེས་པའི་དོན་དུ་རྒུད་པ་ཀུན་སྤངས་མོད། །ཐུན་མོང་སྣང་ངོར་ཉེ་ཞོའི་དྲི་མ་ཡིས། །རེག་པ་མེད་པར་འཚོ་ཞིང་གཞེས་ལགས་སམ། །ཆོས་སྲིད་ཀུན་ལ་ཚད་མེད་འཇུག་པ་ནི། །ནམ་མཁའི་མཐའ་ལྟར་མཉམ་ཉིད་ཀློང་དབྱིངས་ནས། །བཀའ་འབངས་བདག་ཀྱང་བརྩེ་བས་མ་བོར་བར། །ཤ་ཚའི་གསུང་མཆིད་སོན་པས་སྤྲོ་དགའ་སྐྱེས། །འདི་ན་ལས་ཀྱི་མཐུ་ནི་བཟློག་དཀའ་བས། །འདུ་འཛིའི་ཁུར་བོས་རི་བཞིན་ཅི་ཡང་ནོན། །འོན་ཀྱང་རེས་འགའ་བཤད་དང་རེས་འགའ་བསྒོམ། །ཕལ་ཆེར་ཆོས་བརྒྱད་འཁོར་ལོ་བསྐོར་བཞིན་མཆིས། །ཉིན་བྱེད་ཟེར་དང་བྲལ་བའི་འདམ་སྐྱེས་དང་། །བསིལ་ཟེར་དབང་པོས་སྤངས་པའི་ཀུ་མུད་བཞིན། །བསྟན་འཛིན་གཞན་གྱི་དོར་བའི་ཐུབ་བསྟན་ལྷག །ཁྱོད་ཀྱི་ཁུར་ཡིན་སྙིང་སྟོབས་ཕྲག་པར་ལོང་། །དབུས་གཙང་ཁམས་གསུམ་རྒྱ་ཧོར་ཡུལ་རྣམས་སུ། །ཐུབ་བསྟན་འཛིན་པར་རློམ་པ་འགའ་མཆིས་ཀྱང་། །མེ་ཁྱེར་འོད་ཀྱིས་པདྨའི་ཚལ་ལ་བཞིན། །བཤད་སྒྲུབ་ཟེའུ་འབྲུ་འབྱེད་པར་ནུས་མ་ཡིན། །སྡེ་སྣོད་གསུམ་དང་ངེས་གསང་རྒྱུད་སྡེ་བཞིའི། །མཐར་སོན་གྲུབ་མཐའ་རྒྱ་མཚོའི་དེ་ཉིད་རྟོགས། །ཐོས་དོན་སྒྲུབ་ལ་རྩེ་གཅིག་གཞོལ་བ་ཁྱོད། །ཐུབ་བསྟན་རྒྱལ་མཚན་འཛིན་པའི་སྲོག་ཤིང་ཡིན། །དེ་ཕྱིར་དམན་པ་རྣམས་ནི་མངོན་མཐོ་དང་། །བར་མའི་འགྲོ་རྣམས་ངེས་པར་ལེགས་པའི་དཔལ། །དབང་པོ་མཆོག་རྣམས་ཀུན་མཁྱེན་སར་བཀྲི་བའི། །འཕྲིན་ལས་སྒོ་འཕར་སྐལ་བ་བཞིན་དུ་ཕྱེ། །འདས་དང་མ་འདས་དགེ་ལེགས་གཞི་རྟེན་ནི། །ཚུལ་ཁྲིམས་ཡིན་ཞེས་ཐུབ་པ་མཆོག་གིས་གསུངས། །རྣམ་དག་ཚུལ་ཁྲིམས་ལྡན་པའི་འདུས་སྡེ་ཡིས། །ནོར་འཛིན་བཞིན་རས་ཡོངས་སུ་ཁྱབ་པར་མཛོད། །གུར་ཀུམ་མཚོན་དང་ལྡན་པའི་ལུས་མཛེས་ཀྱང་། །བག་མེད་སྤྱོད་པ་ཁོ་ནས་འཚོ་བ་ཀུན། །ཁྱོད་ཀྱི་ལེགས་མཛད་སྦྱོར་བས་ཚར་བཅད་དེ། །ཆོས་འདུལ་ནོར་བུའི་བྱི་དོར་མཛད་པར་ཞུ། །ཉིན་མཚན་ཁོར་ཡུག་ཟབ་མོའི་རྣལ་འབྱོར་ལ། །རྩེ་གཅིག་གཞོལ་བ་མཁས་པས་བསྔགས་འོས་ཀྱང་། །མི་བསྲུན་སྐྱེ་བོ་འདི་དག་གདུལ་དཀའ་བས། །གང་འཚམ་མཛད་པ་མོས་པ་བཞིན་དུ་སྟོན། །མཐའ་དབུས་སྐྱེ་འགྲོ་ཀུན་གྱི་ཕན་བདེ་ཡི། །གཞི་དང་རྟེན་གྱུར་མགོན་པོ་ཁྱོད་ཉིད་ལགས། །དེ་ཕྱིར་གཟུགས་སྐུའི་བཀོད་པ་སྲིད་མཐའི་བར། །རྟག་པར་འཚོ་གཞེས་ཟབ་རྒྱས་ཆོས་འཁོར་བསྐོར། །གང་གི་གསུང་གི་ཟེགས་མའི་ཆ་ཤས་ཙམ། །ཡིད་ཀྱི་བུམ་པར་ཐོབ་པའི་སྙོམས་ལས་བདག །བརྩེ་བའི་ལྕགས་ཀྱུས་ནམ་ཡང་མི་འདོར་ཞིང་། །འདི་ཕྱིར་ཕན་པའི་ཞལ་གདམས་ཡང་ཡང་སྩོལ། །དེ་ལྟར་མདོ་སྨད་ནགས་ཀྱི་སྨན་ལྗོངས་ནས། །བཀའ་དྲིན་དྲན་ཚེ་གང་ཤར་ཐོལ་བྱུང་དུ། །བཀའ་འབངས་གང་དེས་གསོལ་བའི་ཞུ་མཆིད་འདི། །ཀུན་མཁྱེན་དགྱེས་པའི་མཆོད་ཡོན་ཉིད་གྱུར་ཅིག །རྟེན་མཚོན་པར་མཛོད་བཏགས་བཅས་ས་ཁྱི་ཟླ་༡ཚེས་༥དགེ་བར་བཀྲ་ཤིས་འཁྱིལ་བླ་བྲང་ནས།
版权声明：版权归《卡加琼翁综合文学网》所有，未经允许任何单位或个人不得转载、复制或以任何其他方式使用排版素材与本文全部或部分，侵犯必究。
བདག་དབང་། ངེད་འཕྲིན་སྟེགས་འདིར་བཀོད་ཟིན་པའི་རྩོམ་ཡིག་དང་འཆད་ཁྲིད། རྒྱུ་ཆ་སོགས་གང་ཡིན་ཡང་ཆོག་མཆན་མེད་པར་རྐུ་འཁྱེར་དང་བཤུ་འགོད། ནང་དོན་དང་རྒྱུ་ཆ་སོགས་བཅད་གཏུབ་ཀྱིས་སྤེལ་ན་ཁྲིམས་ལྟར་རྩད་གཅོད་ཡོད།
དོ་ཁུར་གནང་རོགས།
谢谢关注视频号
དཔེ་ ཀློག
དཔེ་ཀློག| ཤེས་རབ་ཀྱི་མི་ཚེ།
འཆད་ཁྲིད།|བརྩོན་འགྲུས་ཀྱི་སྟོབས།
རྩོམ་རིག|གཞུང་ལུགས་ཀྱི་འཇིངས།
赞赏
འཕྲིན་སྟེགས་སུ་ཚོགས་པ་དང་མི་སྒེར་གང་རུང་གི་ཁེ་དབང་ལ་གནོད་པའི་ནང་དོན་ཅན་ཡོད་ཚེ་མྱུར་དུ་འབྲེལ་གཏུགས་བྱོས་དང་དྲྭ་ལམ་ནས་བསུབ་ཆོག
རྩོམ་པ་བོ་དག་གིས་ཡིད་གཟབ་གནང་རྒྱུ་ཞིག་ལ། སྐུ་ཉིད་ཀྱི་བརྩམས་ཆོས་གང་ཡིན་གཞན་གྱི་འཕྲིན་སྟེགས་སུ་བསྐུར་ཟིན་པ་དག་འདིར་མི་བསྐུར་བར་ཞུ། རྒྱུ་མཚན་བརྩམས་ཆོས་དེ་སྟེགས་བུ་གཅིག་ལ་དབང་ན་ལེགས་པ་དང་དེ་མིན་འགོད་མི་ཐུབ་པའི་དཀའ་ལས་སུ་འཕྲད་པས་དེའི་ལུགས་ལ་ཡིད་འཇགས་འཚལ།
ནང་དོན་འགོད་ལུགས།
༄༅།།ཁྱུང་སྔོན་བོད་ཡིག་རྩོམ་རིག་སྤྱི་སྟེགས་ནི་བོད་ཀྱི་རྩོམ་པ་པོའི་དཔུང་སྡེའི་ཐུན་མོང་ལ་དབང་བའི་སྣ་འཛོམས་རང་བཞིན་ཅན་གྱི་དྲ་ལམ་རྩོམ་ཡིག་སྤེལ་སའི་སྡིངས་ཆ་ཞིག་ཡིན།དེར་དཔྱད་རྩོམ་དང་འབོལ་རྩོམ་ལྷུག་རྩོམ་སྙན་ངག འཆད་ཁྲིད། གླུ་གཞས་དང་གྱེར་འདོན། ཡིག་གཟུགས་དང་དེབ་འཕྲིན་སོགས་འགོད་ཀྱིན་ཡོད་པས་ཁྱེད་ཅག་གིས་རྩོམ་ཡིག་སྤུས་གང་དག་རེ་བསྐུར་གནང་ཡོང་བར་ཞུ།
琼翁藏文文学平台是属于整个藏族作家的一种多样性的文学平台，在这里你可以阅读到论文、散文、诗歌、随笔、书法及书信；还可以聆听到讲座、歌曲、朗诵。这里无奇不有，应有尽有。也欢迎各位作家前来投稿！
