རྨེ་གྲྭ་ཚེ་རིང་བསམ་འགྲུབ་ཀྱིས་འཆད་ཁྲིད་གནང་རྒྱུ་ཡིན་པས་ཕེབས་བསུ་ཞུ།
དུས་བབ་ཀྱི་དགོས་མཁོ་ཁྱད་པར་ཅན་ལ་དམིགས་ནས་རྨེ་གྲྭ་ཚེ་རིང་བསམ་འགྲུབ་ལགས་ཀྱིས་རིན་མེད་ངང་འཆད་ཁྲིད་གནང་རྒྱུ་ཡིན་པས་ཕེབས་བསུ་ཞུ།
དཔེ་ཁྲིད་གསར་བརྡ།
བོད་ཁུལ་གྱི་ས་ཆ་སོ་སོ་ནས་བོད་རང་གི་སྐད་ཡིག་དང་བརྡ་སྤྲོད་སློབ་འདོད་ཆེ་བའི་གཞོན་སྐྱེས་ཕོ་མོ་རྣམ་པ་ལགས། རང་གི་སྐད་ཡིག་ལ་དུང་བ་ཆེ་བའི་སློབ་མ་སྐོར་ཞིག་གི་རེ་སྐུལ་ལྟར ༢༠༢༤ ལོའི་སྤྱི་ཟླ ༡༡ ཚེས ༡ ཉིན་ནས་བོད་ཀྱི་སློབ་སྟོན་པ་གྲགས་ཅན་དང་བོད་ཀྱི་བརྡ་སྤྲོད་ཆེད་མཁས་པ་རྨེ་གྲྭ་ཚེ་རིང་བསམ་འགྲུབ་ལགས་ཀྱིས་དེང་སྐབས་ང་ཚོའི་སྐད་ཡིག་གི་ཡ་ང་བའི་ཉམས་རྒུད་ལ་དམིགས་ཏེ་བོད་ཞིང་འབྲོག་མང་ཚོགས་དང་གསར་སྐྱེས་སློབ་མ་ཚོ་ལ་དྲྭ་ལམ་ནས་བོད་ཀྱི་བརྡ་སྤྲོད་སྐོར་དང་སྤྱི་ཚོགས་གནས་བབ་ཀྱི་རྒྱུན་ཤེས་གལ་ཆེན་སྐོར་རིན་མེད་དུ་འཆད་ཁྲིད་གནང་རྒྱུ་ཡིན་པས་དེ་ལུགས་གོ་སྐབས་བཟང་པོ་དམ་འཛིན་བྱས་ནས་ཚོགས་པའི་ནང་ཞུགས་རོགས།
གསལ་བཤད།
འཆད་ཁྲིད་མཁན། རྨེ་གྲྭ་ཚེ་རིང་བསམ་འགྲུབ།
ཧི་མ་ལ་ཡ་རིག་མཛོད་ཁང་གི་གཙོ་འཛིན་གཞོན་པ།
བོད་ཀྱི་སྤྱི་ཚོགས་སློབ་གསོ་བ་གྲགས་ཅན།
བརྩམས་ཆོས་ལ་པོད་དྲུག་བཞུགས།
སློབ་མའི་ཆ་རྐྱེན།
༡སྐྱ་སེར་ཕོ་མོ་རྒན་གཞོན་ལ་ཁྱད་པར་མེད།
༢ བོད་ཀྱི་སྐད་ཡིག་སྦྱང་བ་ལ་རེ་འདུན་ཆེ་བ།
༣ དུས་ཚོད་ལྟར་སློབ་ཁྲིད་ལ་གསན་སྦྱང་གནང་ཐུབ་མཁན།
༤ དགེ་རྒན་དང་ཚོགས་པའི་སྒྲིག་གཞི་ལ་བརྩི་སྲུང་ཤེས་པ།
༥ ལྷག་ཏུ་བོད་ཡིག་འབྲི་ཀློག་གི་རྨང་གཞི་ཡག་པོ་ཡོད་མཁན་ཞིག་ཡིན་དགོས།
༦ ལས་དང་པོ་བ་དང་བསྟུན་ནས་རྨང་གཞིའི་བརྡ་སྤྲོད་ནས་ཁྲིད་རྒྱུ་ཡིན་པས་དེ་ལུགས་ཞུ།
འཁྲིད་བྱ།
སུམ་ཅུ་པ་ལེགས་བཤད་ལྗོན་དབང་། རྟགས་འཇུག་དཀའ་གནད་གསལ་མེ།
བདེ་ཐང་དང་སྤྱི་ཚོགས་སྟེང་གི་རྒྱུན་ཤེས་སྐོར་གྱི་སློབ་ཁྲིད་བཅས་ཡོད།
དོ་དམ་པའི་འབྲེལ་གནས།
འཕྲིན་ཕྲན་གྱི་འབྲེལ་ལམ་འདི་བརྒྱུད་ནས་ཚོགས་པའི་ནང་ཞུགས་དགོས།
chanpin1234
