ཟླ་1ཚེས་7ཉིན་གྱི་ཆུ་ཚོད་9དང་སྐར་མ་5ལ། བོད་ལྗོངས་དིང་རི་རྫོང་དུ་ས་ཡོམ་རིམ་པ་6.8བརྒྱབ་པས་གང་དེ་མི་རྣམས་སེམས་ཁྲལ་བྱ་ཡུལ་དུ་གྱུར་ཡོད།
སྐབས་དེར“བུ་ཆུང་ཆུང་གཅིག་ཞིག་རོའི་འོག་ལུས་པའི་པར”མང་པོ་དྲ་རྒྱའི་ཐོག་ཏུ་བརྒྱུད་བསྐུར་བྱེད་བཞིན་ཡོད་པ་མ་ཟད། འོག་ཏུ་གཞིས་རྩེའི་ས་ཡོམ་བརྒྱབ་ཁུལ་ཡིན་པའི་སྐོར་བཀོད་ཡོད་པས་དྲ་དམངས་ཁྲི་མང་པོས་དོ་ཁུར་བྱས་ཡོད།
པར་དེར་AIཡིས་བཟོས་པའི་ཤུལ་མང་པོ་ཡོད་པར་གཞིགས་ནས། སྤྱི་བདེ་ལས་ཁུངས་དྲ་རྒྱའི་བདེ་འཇགས་སྡེ་ཚན་གྱིས་ཞིབ་བཤེར་བྱས་པ་བརྒྱུད། གོང་གསལ་གྱི་པར་དེ་དག་ནི་AIཡི་ལག་རྩལ་སྤྱད་ནས་བཟོས་པ་དང་པར་དང་ཐོག་བཟོ་མཁན་དེས་2024ལོའི་ཟླ་11ཚེས་18ཉིན་པར་དེ་དག་གིས་བརྙན་ཐུང་ཞིག་ཀྱང་བཟོས་ཡོད་པ་དང་། སྐབས་དེར་ས་ཡོམ་དང་འབྲེལ་བ་ཡོད་པའི་གནས་ཚུལ་བཀོད་མེད་པ་མ་ཟད་དེ་དག་ཚང་མ་AIཡིས་བཟོས་པའི་གསལ་བསྒྲགས་སྤེལ་ཡོད་པ་རེད།
ཞིབ་བཤེར་བྱས་པ་བརྒྱུད། མཚོ་སྔོན་གྱི་དྲ་དམངས་ཤིག་གིས་མི་རྣམས་ཀྱི་དོ་སྣང་ཐོབ་ཆེད། “ཕྲུ་གུ་གཅིག་ཞིག་རོའི་འོག་ཏུ་ལུས་པའི་པར”དེ་དང་གཞིས་རྩེའི་ས་ཡོམ་གྱི་འབྲེལ་ཡོད་ཆ་འཕྲིན་མཉམ་དུ་སྦྲགས་ནས་བསྐུར་བས་མི་རྣམས་ལ་གོ་འཛོལ་ཐེབས་ཏེ་དཀྲོག་གཏམ་གྱི་ཆ་འཕྲིན་དེ་གང་སར་ཁྱབ་ཡོད། མིག་སྔར་གྱོད་འབྲེལ་མི་སྣ་ཁོངས་གཏོགས་སྤྱི་བདེ་ལས་ཁུངས་ཀྱིས་ཁྲིམས་ལྟར་སྲིད་འཛིན་བཀག་ཉར་བྱས་ཡོད་པ་རེད།
