ས་ཡོམ་རྒྱག་ཁུལ་དུ་རླངས་འཁོར་35དང་མི་198རོགས་སྐྱོབ་ལ་བཏང་བ་དང……

政务 2025-01-07 14:52 西藏

ཟླ་1ཚེས་7ཉིན་གྱི་ཆུ་ཚོད་9དང་སྐར་མ་5ཡི་ཐོག་བོད་ལྗོངས་གཞིས་རྩེ་གྲོང་ཁྱེར་དིང་རི་རྫོང་དུ་ས་ཡོམ་རིམ་པ་6.8བརྒྱབ་པ་རེད།

ས་ཡོམ་བརྒྱབ་རྗེས། བོད་ལྗོངས་མེ་ཟོན་རོགས་སྐྱོབ་སྤྱི་ཁྱབ་རུ་ཁག་གིས་འཕྲལ་མར་སྤྱི་ཁྱབ་རུ་ཁག་གི་ལས་སྒྲུབ་བཀོད་འདོམས་པུའི་རླངས་འཁོར་4དང་མི་14དང་། དིང་རི་རྫོང་མེ་ཟོན་རོགས་སྐྱོབ་རུ་ཆེན་གྱི་རླངས་འཁོར་2དང་མི་12 ལྷ་རྩེ་རྫོང་མེ་ཟོན་རོགས་སྐྱོབ་རུ་ཆེན་གྱི་རླངས་འཁོར་2དང་མི་12 ལྷ་སའི་རོགས་སྐྱོབ་རུ་ཆེན་གྱི་རླངས་འཁོར་15དང་མི་100 གཞིས་རྩེའི་རོགས་སྐྱོབ་རུ་ཆུང་གི་རླངས་འཁོར་12དང་མི་60བཅས་ཁྱོན་རླངས་འཁོར་35དང་མི་198ཡོམ་ལྟེར་རོགས་སྐྱོབ་བྱེད་པར་བཏང་བ་དང་། མི་སྣར་གནོད་འཚེ་ཕོག་པའི་གནས་ཚུལ་གྲལ་བཤེར་བྱས་དང་བྱེད་བཞིན་ཡོད།

མིག་སྔའི་བར། བོད་ལྗོངས་མེ་ཟོན་རོགས་སྐྱོབ་སྤྱི་ཁྱབ་རུ་ཁག་གིས《ས་ཁོངས་བརྒལ་བའི་ས་ཡོམ་རོགས་སྐྱོབ་དང་ལེན་སྔོན་ཇུས》ལག་བསྟར་བྱེད་འགོ་ཚུགས་པ་དང་། དོ་དམ་དང་། འཚོལ་ཞིབ། འཚོལ་སྐྱོབ། ལས་སྒྲུབ། སྨན་བཅོས་བཅས་ལས་དོན་ཁག་ཆེན་པོ་ལྔ་ལ་གཞིགས་ནས། ཆབ་མདོ་དང་། ཉིང་ཁྲི། ལྷོ་ཁ། ནག་ཆུ། མངའ་རིས་བཅས་གྲོང་ཁྱེར་དང་ས་གནས་ཀྱི་ཉིང་ལག་རུ་ཁག་5དང་། ས་ཡོམ་གྱི་འཚོལ་སྐྱོབ་རུ་ཆུང་5སོ་སོར་བསྐོངས་ནས་ཁྱོན་རོགས་སྐྱོབ་མི་སྣ་337དང་། རླངས་འཁོར་75 རྫི་ཁྱི་4 སྒྲིག་ཆས་ཆ་ཚང་7030བཅས་གྲ་སྒྲིག་བྱས་ཟིན་ཡོད། ནག་ཆུ་དང་མངའ་རིས་ཀྱི་རོགས་སྐྱོབ་རུ་ཁག་ཡོམ་ཁུལ་དུ་ཐོན་ཟིན་ཡོད།

▶ གློག་སྒུལ་སྦག་སྦག་འདི་རིགས་ལ་སྲིད་གཞུང་ནས་ཁ་གསབ་སྤྲོད་ཀྱི་འདུག

ས་ཆ་མང་པོ་ཞིག་ལ་གངས་འབབ་རྒྱུ་མ་ཟད་དྲོད་ཚད་ཀྱང་ཤུགས་ཆེན་ཆག་པ་འདུག

ཁ་ས་ནས་ལག་ལེན་བསྟར་བའི་གཏན་འབེབས་གསར་པ་འདི་དག་ང་ཅག་དང་འབྲེལ་བ་ཆེ

རྩོམ་སྒྲིག་པ་གཙོ་བོ། བསྟན་འཛིན་རྒན་པ།

འགན་འཁུར་རྩོམ་སྒྲིག་པ། བསོད་ནམས་སྟོབས་ལགས།

ལག་བསྟར་རྩོམ་སྒྲིག་པ། བསོད་ནམས་མཚོ་མོ། ཉི་མ་བཀྲ་ཤིས།

རྩོམ་ཡིག་སྐུར་ས་དང་འབྲེལ་གཏུག་བྱ་ཡུལ།

xzrbzwmt@163.com