ལྷ་ས་དགེ་འོས་མཐོ་རིམ་ཆེད་ཚན་སློབ་གྲྭའི“ཆེད་ཚན་ནས་དངོས་གཞིར་རིམ་པ་སྤོར་བར”སྐུལ་འདེད་གཏོང་རྒྱུ་དང་། ལྷ་ས་མཐོ་འབྲིང་ལྔ་པ་དང་། སྟག་རྩེ་སློབ་ཆུང་གཉིས་པ། སྣེའུ་སློབ་ཆུང་གཉིས་པ། འབྲིང་རིམ་ལས་རིགས་ལག་རྩལ་སློབ་གྲྭ་དང་པོའི་དུས་ཐེངས་གཉིས་པ་སོགས་ཀྱི་རྣམ་གྲངས་འཛུགས་སྐྲུན་ལ་སྐུལ་འདེད་བཏང་ནས་སློབ་གསོའི་སྒྲིག་བཀོད་ཀྱི་ཞན་ཆ་སྔར་བས་སེལ་རྒྱུ།
♦ ལས་ཞུགས་ལས་གཏོད་ཀྱི་གཟིགས་སྐྱོང་དང་ཁ་གསབ་སྲིད་ཇུས་ཁག་དོན་འཁྱོལ་ཡག་པོ་བྱས་ཏེ་གཞི་རིམ་དུ་ལས་ཞུགས་དང་། ལྗོངས་ཕྱིར་ལས་ཞུགས། རང་བརྟེན་ལས་གཏོད་བཅས་ལ་སྐུལ་ལྕག་དང་རྒྱབ་སྐྱོར་བྱ་རྒྱུ་དང་། གཞི་ཁྱོན་ཆེ་བའི་རྩལ་ནུས་ལེགས་གཏོང་གི་གསོ་སྦྱོང་སྤེལ་རྒྱུ།
♦ ཐོན་སྐྱེད་ཆུང་ངུ་དང་ཁྲོམ་ར་ཆེན་པོ་ཟུང་འབྲེལ་དམ་ཟབ་བྱས་ཏེ་ཞིང་འབྲོག་པ་ཁྲི་8.5ཡན་གནས་སྒྱུར་ལས་ཞུགས་བྱ་རྒྱུ་དང་འབབ་འཕར་སྒོར་དུང་ཕྱུར་8.88ཡན་ཟིན་པ་བྱ་རྒྱུ།
♦ བྱང་སྐོར་གྱི་ནུབ་བསྲིངས་ལམ་དང་མཉེས་ཐང་ཟམ་ཆེན་སོགས་རྣམ་གྲངས་འཛུགས་སྐྲུན་ལ་སྐུལ་འདེད་གཏོང་རྒྱུ་དང་། ལྷ་སའི་རིག་ནུས་འཁོར་ལམ་དང་། གཙང་འགྲམ་ལམ་གྱི་དཔལ་འབྱོར་གསར་སྤེལ་ཁུལ་གྱི་དུས་ཐེངས་དང་པོ་དང་མཐོ་གསར་ཟམ་ཆེན་སོགས་ཀྱི་རྣམ་གྲངས་ལས་འགོ་བཙུགས་ནས་བསྐྲུན་རྒྱུ།
♦ ལྷ་སའི་གྲོང་སྐོར་མྱུར་བགྲོད་གཞུང་ལམ་དང་བྱེད་ནུས་གླིང་གི་འབྲེལ་མཐུད་ལམ་བུ་སོགས་རྣམ་གྲངས་ཀྱི་དུས་འགོར་ཕྱོགས་ཡོངས་ནས་སྐུལ་འདེད་གཏོང་རྒྱུ།
♦ མི་རྩ་བར་འཛིན་པའི་གྲོང་ཁྱེར་དང་གྲོང་རྡལ་ཅན་གསར་པར་སྐུལ་འདེད་བཏང་ནས་སྲིད་ཇུས་ཀྱི་དཀའ་གནད་བསལ་ཏེ་གྲོང་མི་གསར་པའི་སྡོད་ཁང་ཐད་ཀྱི་དགོས་མཁོ་དེ་བས་ལེགས་པའི་སྒོ་ནས་འགན་སྲུང་བྱ་རྒྱུ།
♦ ཁུལ་ཆུང་རྙིང་པ་49སྒྱུར་བཀོད་བྱ་རྒྱུ་དང་། ལྷ་སའི་གནའ་གྲོང་སྲུང་སྐྱོང་དང་གྲོང་ཁུལ་རྙིང་པ་སྒྱུར་བཀོད་བྱ་རྒྱུ། སོལ་རླངས་མདོང་ལམ་གསར་བརྗེས་སྒྱུར་བཀོད་དང་། ཐོག་ཁང་རྙིང་པར་གློག་སྐས་བསྒར་རྒྱུར་སྐུལ་འདེད། གྲོང་ཁྱེར་དང་གྲོང་གསེབ་ཀྱི་གཅིག་སྡུད་ཆུ་མཁོ་འདོན་ལ་རྒྱུན་མཐུད་སྐུལ་འདེད་བཅས་གཏོང་རྒྱུ།
♦ ཞིང་འབྲོག་ཁུལ་གྱི་ཆུ་དང་། གསང་སྤྱོད། ལམ། ཐབ་ཚང་། ཁང་པ། བ་ཚང་བཅས་སྒྱུར་བཀོད་ཀྱི“སྒྱུར་བཀོད་དྲུག”ལས་དོན་ལ་སྤྱི་འདོམས་སྐུལ་འདེད་བཏང་ནས་གྲོང་གསེབ་ཀྱི་རྣམ་པ་དང་ཞིང་འབྲོག་ཁུལ་གྱི་སྡོད་མལ་ཁོར་ཡུག་ཕྱོགས་ཡོངས་ནས་ལེགས་སུ་གཏོང་རྒྱུ།
♦ གྲོང་ཁྱེར་ཡོངས་ཀྱི་གྲོང་གསེབ་ཀྱི་གཞུང་ལམ“གྲོང་ཚོ་ཀུན་ཁྱབ”འཛུགས་སྐྲུན་ལ་སྤྱི་འདོམས་འཆར་འགོད་བྱ་རྒྱུ།
♦ ལྷོ་རིའི་སྤྱི་གླིང་སོགས་གྲོང་ཁྱེར་གྱི་སྤྱི་གླིང་གསར་སྐྲུན་དང་སྒྱུར་བཀོད་བྱ་རྒྱུ་དང་། གྲོང་ཁུལ་གྱི་གཞུང་ལམ་འབྲེལ་རྒྱ་ཆེ་རུ་བཏང་ནས་གྲོང་ཁྱེར་གྱི་བགྲོད་ལམ་ཚང་མ་ཤར་གཏོང་ཡོང་བར་བྱ་རྒྱུ།
