ཟླ་1ཚེས་8ཉིན་གྱི་ཕྱི་དྲོར། གསར་འགོད་པས་གཞིས་རྩེ་གྲོང་ཁྱེར་དིང་རི་རྫོང་གི“1·07”ས་ཡོམ་གྱི་ཡོམ་འགོག་རོགས་སྐྱོབ་ལས་དོན་སྤེལ་ཚུལ་སྐོར་གྱི་གསར་འགྱུར་ཡོངས་བསྒྲགས་ཚོགས་འདུ་ཐེངས་གཉིས་པའི་ཐོག་ནས་ཤེས་རྟོགས་བྱུང་གསལ། ཟླ་1ཚེས་8ཉིན་གྱི་ཆུ་ཚོད་12པའི་བར། ས་ཡོམ་ནང་ཁང་པ་3609ལོག་པ་དང་། ཁྱོན་མི་126རྐྱེན་ལམ་དུ་ཤོར་བ། མི་188ལ་རྨས་སྐྱོན་ཕོག་ཡོད་པ་རེད།
དིང་རི་རྫོང་དང་ལྷ་རྩེ་རྫོང་གི་ས་ཆ་ཁ་ཤས་ལ་གློག་ཆད་པ་དང་། རྒྱལ་ལམ་དང་ཞིང་ཆེན་ལམ་དང་གྲོང་གསེབ་ཀྱི་གཞུང་ལམ་ལམ་དུམ་ཁག་གཅིག་ལ་ཚད་གཞི་མི་འདྲ་བའི་གཏོར་སྐྱོན་ཕོག་ཡོད་ལ། དིང་རི་རྫོང་གི་གྲམ་སོ་ཤང་དང་ཆུ་ལྷོ་ཤང་གི་འཕྲིན་གཏོང་སྒྲིག་ཆས་ཁག་གཅིག་ལ་གཏོར་སྐྱོན་ཚབས་ཆེན་ཕོག་ཡོད་པ་རེད། ཤར་གཏོང་དང་ཉམས་གསོའི་ལས་དོན་སྤེལ་བ་བརྒྱུད། གེགས་ཁུལ་གྱི་འགྲོ་ལམ་དང་། གློག་ཤུགས། འཕྲིན་གཏོང་སོགས་གཞི་རྩའི་ཆ་ནས་སླར་གསོ་བྱུང་ཡོད་པ་རེད།
མིག་སྔར། ས་ཡོམ་གེགས་ཁུལ་གྱི་ལས་དོན་དེ་འཕྲལ་དུ་རོགས་སྐྱོབ་བྱེད་པ་ནས་མང་ཚོགས་བཀོད་སྒྲིག་བྱེད་པའི་དུས་མཚམས་སུ་སླེབས་ཡོད།
