འགོ་སླ་བའི་མི་ཚོགས།
བྱིས་པའི་ནད་འགོག་ནུས་པ་ད་དུང་དར་མ་ལྟར་ཆགས་མེད་པ་དང་རྒན་རྒོན་གྱི་དབུགས་ལམ་འགོག་སྲུང་ནུས་པ་དང་གཟུགས་པོ་ཡོངས་ཀྱི་ནད་འགོག་ནུས་པ་སྐྱོ་རུ་སོང་བས། བྱིས་པ་དང་རྒན་རྒོན་ལ་དབུགས་ལམ་གྱི་ནད་ཕོག་སླ་པོ་ཡོད། གལ་ཏེ་བྱིས་པ་དང་རྒན་རྒོན་སོགས་ཆམ་པ་བརྒྱབ་པའམ་དབུགས་ལམ་ནད་ཀྱི་ནད་རྟགས་ཐོན་ཚེ་གང་མགྱོགས་སྨན་ཁང་དུ་འགྲོ་དགོས་ཞེས་ཟླ་བ་དབང་རྒྱལ་གྱིས་བཤད།
སྔོན་འགོག་བྱ་ཐབས།
ཟླ་བ་དབང་རྒྱལ་གྱིས་གསུངས་དོན། དབུགས་ལམ་གྱི་རྩི་པགས་ལ་སྲུང་སྐྱོང་ཡག་པོ་བྱེད་པ་ནི་སྔོན་འགོག་དང་དྲག་སྐྱེད་ཡོང་བར་ནུས་པ་ཧ་ཅང་ཆེན་པོ་ཐོན་གྱི་ཡོད།
གཅིག་ནས། ནད་གཞི་འདི་རིགས་སྔོན་འགོག་བྱེད་པར་རྒྱུན་གཏན་ནས་དོ་སྣང་བྱེད་དགོས་ཤིང་། གཟུགས་པོ་སྦྱོང་བརྡར་རན་པོ་བྱེད་པ་དང་། གཉིད་འདང་ངེས་ཁུག་པ། བཟའ་བཏུང་ཚད་བཞིན་བསྟེན་པ། སྔོ་ཚལ་དང་ཤིང་ཏོག་སོགས་འཚོ་བཅུད་མང་བའི་བཟའ་བཅའ་མང་ཙམ་བཟས་ཏེ་ནད་འགོག་ནུས་པ་ཆེ་རུ་གཏོང་བ། དགུན་ཁ་ད་དུང་དྲོ་ཇུས་ཡག་པོ་བྱེད་དགོས།
གཉིས་ནས། མི་སྒེར་གྱི་གཙང་སྦྲ་འཕྲོད་བསྟེན་ལ་དོ་སྣང་བྱས་ཏེ་ལག་པ་ཡང་སེ་འཁྲུ་བ་དང་། མི་མང་པོ་འདུ་འཛོམས་བྱ་ཡུལ་དུ་མི་འགྲོ་བ། དགོས་ངེས་སྐབས་ཁ་རས་ཡག་པོ་རྒྱག་དགོས།
