རྒྱལ་ཁབ་ཀྱི་སྨན་བཅོས་འགན་བཅོལ་གྱི་སྨན་རྫས་དཀར་ཆག་པར་གཞི་གསར་པ་2025ལོའི་ཟླ་དང་པོའི་ཚེས་1ཉིན་ནས་དངོས་སུ་ལག་བསྟར་བྱས་ཤིང་། ཁྱོན་བསྡོམས་སྨན་རྫས་རིགས་91གསར་དུ་བསྣན་པའི་ནང་སྐྲན་ནད་ཀྱི་སྨན་26（མཐོང་དཀོན་པའི་ནད་གཞི་4ཚུད་པ）དང་། གཅིན་སྙི་ཟག་ཁུའི་ནད་སོགས་གཅོང་ནད་ཀྱི་སྨན་15（མཐོང་དཀོན་པའི་ནད་གཞི་2ཚུད་པ）མཐོང་དཀོན་པའི་ནད་གཞིའི་སྨན་13 གཉན་ཚད་འཇོམས་པའི་སྨན་7 ཀྲུང་ལུགས་སྨན་11 སེམས་ནད་ཀྱི་སྨན་4 དེ་བཞིན་ཁྱབ་ཁོངས་གཞན་དག་གི་སྨན་21བཅས་ཚུད་ཡོད།
《ཕྲུ་གུ་དམར་འབྱར་དང་བྱིས་པར་སྤྱོད་པའི་ཤོག་བུའི་ཐོན་རྫས་ཀྱི་གཞི་རྩའི་བདེ་འཇགས་ལག་རྩལ་ཚད་གཞི》2025ལོའི་ཟླ་དང་པོའི་ཚེས་1ཉིན་ནས་བཟུང་དངོས་སུ་ལག་བསྟར་བྱས་ཏེ། ཚད་གཞིའི་ནང་ཕྲུ་གུ་དམར་འབྱར་དང་བྱིས་པའི་འཚོ་བར་སྤྱོད་པའི་ཤོག་བུའི་ཐོན་རྫས་ཁྲོད་ལྕི་བའི་ལྕགས་རིགས(ཞ་ཉེ་དང་། སཱིན། ཁད། དངུལ་ཆུ)དང་། སྤོ་སྒྱུར་རང་བཞིན་གྱི་འོད་ཆེམ་དངོས་པོ། ག་སིན་ཤན་ཨན། ཅཱ་ཆོན། འབྲས་སྐྲན་སློང་བའི་དྲི་ཞིམ་ཨན་ཚོས་རྫས་སོགས་རྫས་འགྱུར་བདེ་འཇགས་ཚད་གཞི་གཏན་འབེབས་བྱས་ཡོད།
གསར་དུ་བཟོ་བཅོས་བརྒྱབ་པའི《འཕྲུལ་སྒུལ་འཁོར་རིགས་ཀྱི་ཁ་ལོ་བའི་ལག་ཁྱེར་རེ་ཞུ་དང་བེད་སྤྱོད་སྐོར་གྱི་གཏན་འབེབས》དེ་2025ལོའི་ཟླ་དང་པོའི་ཚེས་1ཉིན་ནས་ལག་བསྟར་བྱས་ཏེ། འགྲུལ་སྐྱེལ་དང་ཟོག་འདྲེན་རླངས་འཁོར་ཆེ་འབྲིང་གི་ཁ་ལོ་བའི་ལག་ཁྱེར་རེ་ཞུ་བྱེད་པའི་ལོ་ཚད་དེ་སྔའི་ལོ་60ནས་ད་ལྟའི་ལོ་63བར་རིང་དུ་བཏང་ཡོད།
