تۇخۇمنى ھەممە ئادەم ياخشى كۆرۈپ يەيدۇ، لىكىن بەزى تۇخۇم ئېقىنى يەپ سېرىقى يىمەيدۇ ، توخۇم سېرىقى راستنلا ئادەمگە زىيانلىقمۇ ؟
تۇخۇم ئېقى بىلەن سېرىقىنىڭ ھەر ئىككىلىسىنىڭ ئۆزىگە چۇشلۇق قىممىتى،رولى بار. بىراق ئوزۇقلۇق تەركىبىدە چوڭ پەرىق بار. تۇخۇم ئېقىدا %90 سۇ تەركىب بولغاندىن باشقا يەنە، %10 ئاقسىل بار. بىراق بۇ ئازغىنە ئاقسىلغا سەل قاراشقا بولمايدۇ.
ئانا سۈتىدىن قالسىلا تۇخۇمنىڭ تەركىبىدىكى ئاقسىل ئادەم بەدىنىگە ئەڭ پايدىلىق بولۇپ، بارلىق يېمەكلىكلەرنىڭ تەركىبىدىكى ئاقسىلغا سېلىشتۇرغاندا تۇخۇمدىكى ئاقسىلنىڭ ئوزۇقلۇق قىممىتى ئەڭ يۇقىرى ھېسابلىنىدۇ.
تۇخۇم ئېقىغا سېلىشتۇرغاندا، تۇخۇم سېرىقىنىڭ ئوزۇقلۇق تەركىبى مۇرەككەپ بولىدۇ. تۇخۇمنىڭ تەركىبىدىكى بارلىق ماي تۇخۇم سېرىقىدا بولۇپ، ھەممىسى دېگۈدەك ئادەم بەدىنىگە پايدىلىق ماي كىسلاتاسى ھەمدە تەركىبىدە زەيتۇن مېيىنىڭ ئاساسلىق تەركىبى يەنى ماي كىسلاتاسى بولغاچقا يۈرەك كېسىەللىكلىرىنىڭ ئالدىنى ئالىدۇ. بۇنىڭدىن باشقا يەنە ۋىتامىنE,K,D,A، فوسفور، تۆمۈر قاتارلىق مېنرال ماددىلارنىڭ كۆپ قىسمى تۇخۇم سېرىقىدا بولۇپ، تۆمۈرنىڭ سۈمۈرىلىشى بىر قەدەر تۆۋەن بولسىمۇ، گۆش يېسە بولمايدىغان ۋە گۆش يىگىلى ئۇنىمايدىغان بوۋاقلارغا نىسبەتەن ئىنتايىن پايدىلىق.
تۇخۇمنىڭ تەركىبىدە ئىنتايىن مۇھىم ماددا ـ لېتسىتىن، چوڭ مېڭىنىڭ تەرەققىياتىغا زور تەسىر كۆرسىتىدۇ، يەنە خولېستېرىننى تۆۋەنلىتىشكە پايدىلىق. تۇخۇم سېرىقىنىڭ رەڭگىنىڭ بىر ئوزۇقلۇق مەخپىيىتى بولۇپ، ئېغىز جاۋغايلىرىنىڭ يېرىلىپ كېتىشىنىڭ ئالدىنى ئالىدۇ. تۇخۇمنىڭ سېرىقىنىڭ رەڭگى قانچە قېنىق بولسا، ۋىتامىن تەركىبى شۇنچە يۇقىرى بولغان بولىدۇ.
بەزى كىشىلەر تۇخۇم سېرىقىدىكى خولېستېرىندىن بەك قورقىدۇ، بىراق قورقۇش ھاجەتسىز. ئەگەر ياشانغانلارنىڭ قان زەردابىدىكى خولېستىرون بەك تۆۋەن بولسا، ئېممۇنىت كۈچىنىڭ زىيادە تۆۋەنلەپ كېتىشنى كەلتۈرۈپ چىقىرىپ، يۈرەك-مېڭە قان تومۇرىنىڭ ئىقتىىدارىغىمۇ تەسىر كۆرسىتىدۇ. ساغلام كىشىلەر كۈنىگە بىر، ئىككى تۇخۇم سېرىقى يەپ بەرسە بەدەنگە ئىنتايىن پايدىلىق، بىراق قاندا ماي يۇقىرى كىشىلەر كۈندە تۇخۇم سېرىقىنىڭ يېرىمىنى يىسە مۇۋاپىق.
تۇخۇمنىڭ پايدىلىق تەرىپىنى بىلىۋالدىڭىزمۇ ؟ ئەمىسە يىقىنلىرىڭىزغا ھەمبەھىرلەشنى ئۇنۇتماڭ .
تېخىمۇ كۆپ ساغلاملىق بىلىملىرىنى بىلىش ئۈچۈن ئاستىدىكى ئۈندىدارنى قوشۇپ مەسلىھەت سورىسىڭىز بولىدۇ
