ئۇخلىغاندا چىشنى غۇچۇرلاتسا چىشتا مەسىلە بارمۇ قورساقتا قۇرت؟

ئۇخلىغاندا چىشنى غۇچۇرلاتسا چىشتا مەسىلە بارمۇ قورساقتا قۇرت؟

ئۇخلىغاندا ئىككى خىل ئاۋاز ئادەمنىڭ بېشىنى ئەڭ ئاغرىتىدۇ، بىرى خورەك تارتىش، يەنە بىرى «چىشىنى غۇچۇرلىتىش».

بۈگۈن بىز ئاساسلىقى چىش غۇچۇرلىتىش توغرىسىدا توختىلىمىز.

بىرىنچى، كېچىدە چىش غۇچۇرلىتىش بىر خىل كېسەللىك بولۇپ، تۆۋەندە قىسقارتىلىپ كېچىدە چىش غۇچۇرلىتىش دېيىلىدۇ.

كېچىسى چىش غۇچۇرلىتىش يۈز بەرگەندە، چىش ئىختىيارسىز چىشلىشىدۇ، سۈركىلىدۇ، يەنە «غۇچ - غۇچ» قىلغان، ئادەمنىڭ غىدىقىنى كەلتۈرىدىغان ئاۋاز چىقىرىدۇ.

گېپىمىزگە كەلسەك، ئويغاق ھالەتتە يەنە بىر خىل چىش غۇچۇرلىتىش ئەھۋالى كۆرۈلىدۇ، لېكىن ئانچە كۆپ ئۇچرىمايدۇ، بۇ بەلكىم نېرۋىلارنىڭ يېتىلىشى توسالغۇغا ئۇچراش بىلەن مۇناسىۋەتلىك بولۇشى مۇمكىن، بۈگۈن بۇ ھەقتە توختالمايمىز .

كېچىدە چىشىنى غۇچۇرلىتىش %15 ~%40 كىچە بولغان بالىلار ۋە %8 ~%10 كىچە بولغان قۇرامىغا يەتكەنلەرگە تەسىر كۆرسىتىدۇ، بولۇپمۇ ئالتە ياشلىق بالىلارنىڭ 10ىنىڭ ئۈچىنىڭ ھەممىسى ئۇخلىغاندا چىشىنى غۇچۇرلىتىدۇ.

گەرچە سىرتقى كۆرۈنۈشتىن قارىغاندا، كېچىدە چىشنى غۇچۇرلىتىش چىشنىڭ ئىشى بولسىمۇ، ئەمەلىيەتتە پەردە ئارقىسىدىكى كۈشكۈرتكۈچى «ئاۋتونۇمىك نېرۋا سىستېمىسى» دۇر.

ئادەم بەدىنىدىكى نۇرغۇن ئاڭسىز ھەرىكەتلەر «ئاۋتونۇمىك نېرۋا سىستېمىسى» غا تەۋە، مەسىلەن، يۈرەك سوقۇش، نەپەسلىنىش قاتارلىقلار. ئۇ ئۇخلىمايدۇ، ئۇخلىغاندىمۇ خىزمەت قىلىدۇ.

كېچىدە چىشنى غۇچۇرلىتىشمۇ ئاۋتونۇمىك نېرۋا سىستېمىسىنىڭ ئاكتىپلىقى بىلەن مۇناسىۋەتلىك بولۇشى مۇمكىن، بىز ئېنىقلا ئۇخلاپ، ئاڭسىز ھالەتتە تۇرساقمۇ، لېكىن چايناش مۇسكۇلى رىتىملىق تارىيىش ھەرىكىتىنى ئىشلەپ، چىشنى ئالدى-كەينىگە سۈركەيدۇ.

ئۇنىڭ ئۈستىگە ئاڭسىز ھالەتتە، بۇ خىل ئېڭەك ھەرىكىتىدىن ھاسىل بولغان چىشلەش كۈچى كۈندۈزى بىر نەرسە چىشلىگەنگە قارىغاندا تېخىمۇ كۈچلۈك بولىدۇ .

شۇڭا، كېچىدە چىشنى غۇچۇرلاتقاندا كۈچ كۈچلۈك، ئاۋاز كۈچلۈك بولۇپلا قالماي، يەنە چىشنى زەخىملەندۈرىدۇ.

كېچىدە چىشىنى غۇچۇرلىتىشنىڭ كونكرېت سەۋەبى توغرىسىدا تېخى يەكۈن چىقىرىلمىدى.

لېكىن توردا نۇرغۇن مىش-مىش پاراڭلار تارقالغان، مەسىلەن، «كىچىك بالىنىڭ قورسىقىدا قۇرت بولغانلىقى ئۈچۈن كېچىدە چىشىنى غۇچۇرلىتىدۇ»، « كېچىدە چىشىنى غۇچۇرلىتىش چىشنىڭ رەتلىك بولماسلىقىدىن بولىدۇ» قاتارلىقلار. راستمۇ يالغانمۇ؟ بىز بىر-بىرلەپ تەھلىل قىلىپ باقايلى.

1-پىتنە-ئىغۋا: كېچىدە چىش غۇچۇرلىتىش قورساقتا قۇرت بارلىقىدىن بولىدۇ

بەزىلەر كېچىدە چىش غۇچۇرلىتىشنىڭ پەيدا بولۇشى ئۈچەي يولى پارازىت قۇرتىدىن يۇقۇملىنىش بىلەن مۇناسىۋەتلىك دەپ قارايدۇ. مەسىلەن، پارازىت قۇرت بىر قىسىم زەھەرلىك مېتابولىزم ماددىلىرىنى قويۇپ بېرىپ، ئۈچەي يولىنى غىدىقلاپ، چىش غۇچۇرلىتىشنى كەلتۈرۈپ چىقىرىدۇ.

بۇ مەسىلىنى دەلىللەش ئۈچۈن، نۇرغۇن ئالىملار كېچىدە چىشىنى غۇچۇرلىتىدىغان بالىلار بىلەن چىشىنى غۇچۇرلاتمايدىغان بالىلارنىڭ ئۈچەي يولى پارازىت قۇرتلىرىنىڭ ئەھۋالىنى سېلىشتۇرغان. بەزى تەتقىقاتلاردا كۆرسىتىلىشىچە، ئالدىنقىسىنىڭ پارازىت قۇرت بىلەن يۇقۇملىنىش نىسبىتى تېخىمۇ يۇقىرى بولىدىكەن؛ لېكىن يەنە بەزى تەتقىقاتلاردا كۆرسىتىلىشىچە، ئىككى گۇرۇپپىدىكى بالىلارنىڭ يۇقۇملىنىش سەۋىيەسى ئانچە پەرقلەنمەيدىكەن.

يەنى بۇ يەكۈندە يەنىلا تالاش-تارتىش مەۋجۇت. ئۇ كەسكىن ھالدا «چىشنى غۇچۇرلىتىشنى ئۈچەي پارازىت قۇرتى كەلتۈرۈپ چىقارغان» دېگەن سۆزگە ئىشەنگىلى بولمايدۇ.

ئاتا-ئانىلار بالىلارنىڭ چىشىنى غۇچۇرلاتقىنىنى كۆرگەندە، ھەرگىز ئالدىراپ قۇرۇت يوقىتىش دورىسى سېتىۋالماسلىقى كېرەك. بالىدا ئوزۇقلۇق يېتىشمەسلىك، بەدەن ئېغىرلىقى تۆۋەنلەش قاتارلىق ئىپادىلەر كۆرۈلسىمۇ، بالىلار كېسەللىكلىرى دوختۇرىنى ئىزدەپ قۇرت يوقىتىش كېرەكمۇ-يوق ھۆكۈم قىلىش كېرەك.

2-پىتنە-ئىغۋا: كېچىدە چىشنى غۇچۇرلىتىش چىشنىڭ رەتلىك بولماسلىقى، چىشلىشىشىنىڭ ياخشى بولماسلىقىدىن كېلىپ چىقىدۇ

چىش مىلىكىنىڭ ياخشى چىشلەنمەسلىكى ئىلگىرى چىش غۇچۇرلىتىشتىكى مۇھىم سەۋەب دەپ قارالغان . لېكىن بۇمۇ پەقەت بىر پەرەز، ئۇلارنىڭ ئوتتۇرىسىدا سەۋەب-نەتىجە مۇناسىۋىتى بارلىقىنى ئىسپاتلايدىغان ئېنىق ئىسپات يوق.

لېكىن چىش مىلىكى يىگىلەش مەسىلىسى چىشنى غۇچۇرلىتىشنى كەلتۈرۈپ چىقىرامدۇ-يوق، چىشنىڭ ياخشى چىشلەنمەسلىكىنىڭ ئۆزى چىش تېنىنىڭ ئۇپرىشىنى كەلتۈرۈپ چىقىرىشى ياكى چىش ئەتراپى ساغلاملىقىغا تەسىر يەتكۈزۈشى مۇمكىن. مۇشۇ ئەندىشىلەر تۈپەيلىدىن، چىشىدا مەسىلە بارلار چىش دوختۇرىغا كۆرۈنۈپ بېقىشى كېرەك، دوختۇر غەيرىيلىك ياكى باشقا داۋالاش ئېلىپ بېرىش-بارماسلىققا ھۆكۈم قىلىدۇ.

3-پىتنە-ئىغۋا: كېچىدە چىش غۇچۇرلىتىش خورەك تارتىشتىن كېلىپ چىقىدۇ

خورەك تارتىش ھەقىقەتەن كېچىدە چىشىنى غۇچۇرلىتىش بىلەن مۇناسىۋەتلىك، ئۇخلىغاندا چىشىنى غۇچۇرلىتىدىغان دوستلار خورەك تارتىش، توسۇلۇش خاراكتېرلىك ئۇخلىغاندا نەپەس ۋاقىتلىق توختاش قاتارلىق ئۇيقۇ توسالغۇسىغا تېخىمۇ ئاسان ئۇچرايدۇ .

لېكىن چىشنى غۇچۇرلىتىشنى خورەك تارتىشتىن كېلىپ چىققان دېيىشكە بولمايدۇ.

4-پىتنە-ئىغۋا: كېچىدە چىش غۇچۇرلىتىش پىسخىك بېسىمنىڭ ئېغىرلىقىدىن بولىدۇ

بۇنىڭ مۇمكىنچىلىكى بار.

تەشۋىشلىنىش، تۇرمۇش بېسىمى ئېغىر بولۇش بىزنى كېچىدە چىش غۇچۇرلىتىش كېسىلىگە گىرىپتار قىلىدۇ. بەزى بىمارلاردا كېچىسى چىشىنى غۇچۇرلىتىش ئالامەتلىرىمۇ تۇرمۇش بېسىمى، تەشۋىشلىنىش دەرىجىسىنىڭ ئۆرلىشىگە ئەگىشىپ كۆپىيىدۇ.

شۇڭا، پىسخىكىلىق مەسلىھەت بېرىشمۇ كېچىدە چىش غۇچۇرلىتىش كېسىلىنى داۋالاشنىڭ بىر قىسمى. كونكرېت قانداق داۋالاشقا يەنىلا دوختۇر دىياگنوز قويغاندىن كېيىن ئاندىن ھۆكۈم قىلغىلى بولىدۇ.

5-پىتنە-ئىغۋا: كېچىدە چىشىنى غۇچۇرلىتىش ئاتا-ئانىسىدىن ئىرسىيەت قالىدۇ

بۇمۇ مۇمكىن، ھەقىقەتەن تەتقىقاتلاردا كۆرسىتىلىشىچە، كېچىدە چىش غۇچۇرلىتىش كېسىلىگە گىرىپتار بولغانلارنىڭ ئەۋلادلىرىدا بۇ خىل كېسەللىك تېخىمۇ ئاسان پەيدا بولىدىكەن.

ئېغىر دەرىجىدىكى كېچىدە چىش غۇچۇرلىتىش، چىشنىڭ ئۇزاق مۇددەتلىك ئۇپراش ئەھۋالىغا سەل قاراشقا بولمايدۇ. چىش تاجىسى ئۇپراپ، چىش بوشاپ كېتىشى مۇمكىن.

ئەگەر ئۆزىنىڭ چىشىنى غۇچۇرلىتىش ئەھۋالى بارلىقىنى بايقىسا، قەرەللىك ئېغىز بوشلۇقى تەكشۈرۈشى قىلىپ، دوختۇرغا ياردەملىشىپ چىشنىڭ ئۇپراش ئەھۋالىنى كۆزىتىپ، زۆرۈر تېپىلغاندا ئارىلىشىش، ئەسلىگە كەلتۈرۈش كېرەك.

چىشنى غۇچۇرلىتىش يەنە چېكە ئاستى ئېڭەك بوغۇمى مەسىلىسىنى كەلتۈرۈپ چىقىرىشى مۇمكىن. تۆۋەندىكى رەسىمدە كۆرسىتىلگەندەك، بۇ ئېڭەك سۆڭىكى بىلەن باش سۆڭىكىنى تۇتاشتۇرىدىغان بوغۇم.

ئەگەر بۇ بوغۇم «ئاغرىپ» قالسا، بىز ئېغىزىمىزنى ئېچىپ، ئاغزىمىزنى يۇمغاندا بوغۇملار قاڭقىپ، بوغۇملار ئاغرىش، ھەتتا ئېغىزنى تولۇق ئاچالماسلىق ياكى ئاغزىنى ئېتىۋالالماسلىق قاتارلىق ئەھۋاللار كۆرۈلۈشى مۇمكىن.

بۇ مەسىلە ئېغىز بوشلۇقى بۆلۈمى ئامبۇلاتورىيەسىدىكى چېكە-ئاستىنقى ئېڭەك بوغۇم كېسەللىكلىرى بۆلۈمى ياكى ئېڭەك يۈزى تاشقى كېسەللىكلەر بۆلۈمىگە تەۋە بولۇپ، ئەگەر نورمالسىزلىق كۆرۈلسە، دوختۇرغا كۆرۈنۈش كېرەك.

ئەلۋەتتە، ھازىر ئۇخلاش ھالىتىنى كۆزىتىدىغان نۇرغۇن ئەپلەر بار بولۇپ، چىش غۇچۇرلىتىش ئاۋازىنىڭ خاتىرىلەنگەن-خاتىرىلەنمىگەنلىكىنى كۆرگىلى بولىدۇ.

ئەگەر بىنورماللىق بايقالسا، دوختۇردىن ياردەم سورىسا بولىدۇ، ئۇلار تېخىمۇ كەسپىي بولغان كۆپ يوللۇق ئۇيقۇنى كۆزىتىش سىستېمىسى قاتارلىق ئۇسۇللار ئارقىلىق چىشنىڭ چىرىش ئەھۋالىنى ئىز قوغلاپ تەكشۈرىدۇ.

دائىم چىشىنى غۇچۇرلىتىدىغان دوستلارغا نىسبەتەن، دوختۇر چىش ئاسراش ئەسۋابى (مەسىلەن، چىشلەش كۈچى تەگلىكى)، شۇنداقلا پىسخىكىلىق مەسلىھەت بېرىش، دورا بىلەن داۋالاش قاتارلىق ئۇسۇللار ئارقىلىق چىش غۇچۇرلىتىش ئالامەتلىرىنى پەسەيتىشى مۇمكىن.

قىسقىسى، ئەگەر بىنورماللىق بايقالسا، چىش ۋە چېكە ئاستى ئېڭەك بوغۇمىنىڭ ساغلاملىقى ئۈچۈن، دوختۇرخانىغا بېرىپ تەكشۈرتۈپ بېقىش كېرەك.

قوللاش شۇنچىلىك ئاددى ئەڭ ئاستىدىكى   بەلگىسىنى بېسىپ قويارسىز، رەھمەت!

يۈزشەكلىڭىز قانداق بولسا ، خاراكتېرىڭىز شۇنداق

ئاياللارنىڭ يۈز شەكلى چوڭ جەھەتتىن چاسا يۈز، گازىر يۈز، يۇمىلاق يۈز ۋە ئۇچلۇق( v شەكىللىك ) يۈز دەپ 4 بۆلىنىدۇ. چىراي مۇتەخەسسىسلىرى بىز ئۈچۈن بۇ 4 خىل يۈز شەكلىدىكى ئاياللارغا  تۆۋەندىكىكدەك چۈشەندۈرۈش بەرگەن.

ئۇنداقتا سىز بۇ يۈز شەكلى ئىچىدىكى قايسىغا تەۋە ئىكەنسىز ؟ شۇنىڭدىن خاراكتېرىڭىزنى بىلىۋېلىڭ .

سالونىمىزغا 125 رەقىمىنى يوللاپ، جاۋاب مەزمۇننى تاپشۇرۇۋېلىڭ.

سىزنىڭ قوللىشىڭىز بىزنىڭ تەرەقىياتىمىز

ئۇيغۇرچە ئەڭ نوپۇزلۇق ساغلاملىق تورى ئەلداۋا ساغلاملىق تورىنىڭ ئورگان ئۈندىدار سالونى، روھىي، جىسمانىي، جىنسىي ساغلاملىق بىلىملىرىنى ئەلداۋادىن تاپالايسىز...