★
གཅིག་སྒྲིལ་རྫོང་གིས་གོམ་སྟབས་གསུམ་ལ་བརྟེན་ནས་ལས་བྱེད་པའི་སློབ་གསོའི་གསོ་སྦྱོང་ཐེམ་སྐས་གསར་པ་ཞིག་ཏུ་སྤར།
གཅིག་གྱུར་འཆར་འགོད་གཙིགས་སུ་བཟུང་ཞིང་རྫོང་ཡོངས་ཀྱི་ལྟེ་གནས་བྱ་བར་ཟུང་འབྲེལ་བྱས་པ་དང་། ཟབ་སྦྱོང་སྔོན་དུ་ལས་བྱེད་པའི་དཔུང་སྡེའི་གནས་བབ་ལ་བརྟག་ཞིབ་ཟབ་མོ་བྱས་ཤིང་། ལས་བྱེད་པའི་དགོས་མཁོ་རྒྱ་ཆེར་བསྡུ་ལེན། དམིགས་གཏད་གསལ་ཞིང་སྔོན་མཐོང་རང་བཞིན་ལྡན་པའི་སྒོ་ནས་ལས་བྱེད་པའི་ཟབ་སྦྱོང་འཆར་གཞི་ཞིབ་ཏུ་བཟོས་ཏེ། ཟབ་སྦྱོང་གི་ནང་དོན་དོན་ཐོག་ཏུ་འཁེལ་བར་ཁག་ཐེག་བྱས། ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པ་མཐའ་གཅིག་ཏུ་འཛིན་གྲྭ་འཚོགས་པའི་སློབ་ཐུན་དང་པོར་བཟུང་སྟེ། ཏང་གི་ཚོགས་ཆེན་ཉི་ཤུ་པའི་དགོངས་དོན་དང་ཞི་ཅིན་ཕིང་གི་ཁྲིམས་སྐྱོང་དགོངས་པ། དེ་མིན་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་མཚོ་སྔོན་ལ་རྟོག་ཞིབ་གནང་བའི་གསུང་བཤད་གལ་ཆེན་གྱི་དགོངས་དོན་སོགས་སློབ་གསོ་གསོ་སྦྱོང་གི་ནད་དོན་གཙོ་བོར་འཇོག་པ་དང་། ཆབ་སྲིད་གཞུང་ལུགས་ནས་ལས་སྒོའི་རྩལ་ནུས། འགོ་ཁྲིད་ནུས་ཤུགས་ནས་གསར་གཏོད་རིགས་ལམ་སོགས་ལས་བྱེད་པའི་འཕེལ་རྒྱས་ལ་མཁོ་བའི་ཤེས་བྱ་དང་ནུས་པ་སྣ་སྒོ་ཀུན་ནས་སྐོང་བ། ངོས་ཟིན་མཐོ་བ་དང་འཆར་འགོད་ལེགས་པ་དང་ཚད་གཞི་མཐོ་བ་བཅས་ཡོང་བར་བྱས། གསོ་སྦྱོང་གི་བརྗོད་དོན་དང་གསོ་སྦྱོང་བྱ་ཡུལ་གནད་ལ་ཁེལ་བའི་སྒོ་ནས་གཏན་འཁེལ་བྱེད་པ་དང་། ལས་བྱེད་པའི་ཆབ་སྲིད་སྦྱོང་བརྡར་དང་འགན་བསྟར་ནུས་པ་མཐོར་འདེགས་ལ་དམིགས་ཏེ། ཁོ་རིམ་པ་གཞོན་པ་དང་དེའི་ཡན་གྱི་འགོ་ཁྲིད་ལས་བྱེད་པ་ཚང་མ“གནད་འགག་ཚོགས་པ”རུ་བལྟས་ཐོག ཏང་གི་གསར་གཏོད་གཞུང་ལུགས་ཀྱི་སློབ་གསོ་དང་ཏང་གཤིས་སློབ་གསོ། ལས་བྱེད་པའི་ཆེད་ལས་ནུས་པ་དང་ལས་སྒོའི་ཟབ་སྦྱོང་སོགས་རིམ་པ་དང་རིགས་སུ་དགར་ནས་གསོ་སྦྱོང་ཏན་ཏིག་གིས་སྤེལ་བ་དང་། ལས་རྐང་དང་རིམ་པ་མི་འདྲ་བའི་ལས་བྱེད་པ་ཚང་མར་མཐོར་འདེགས་གང་ལེགས་ཡོང་བར་ཁག་ཐེག་བྱས་ཤིང་། ལས་བྱེད་པའི་སློབ་གསོའི་གསོ་སྦྱོང་ཁྱབ་ཁོངས་སོ་སོ་དང་རིམ་པ་སོ་སོར་ཁྱབ་ཏུ་བཅུག་ནས། ཏང་གི་ཚོགས་ཆེན་ཉི་ཤུ་པའི་དགོངས་དོན་དང་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་གསུང་བཤད་གལ་ཆེན་གྱི་དགོངས་དོན་མི་སེམས་སུ་ཟུག་པར་ཁག་ཐེག་བྱས། མིག་སྔའི་བར་དུ། གསོ་སྦྱོང་འཛིན་གྲྭ་ཐེངས32ལ་སྤེལ་ཞིང་། དེ་ལ་ཞུགས་མཁན་མི་ཐེངས1410ལ་སླེབས་ཡོད། གཅིག་སྒྲིལ་རྫོང་གི་དུས་རབས་གསར་པའི་ཏང་གཤིས་སློབ་གསོའི་རྟེན་གཞི་སློབ་ཁྲིད་བྱེད་སར་གཏན་འཁེལ་བྱས་ཏེ་སློབ་ཁྲིད་བྱས་པ་མི་ཐེངས730ལ་སླེབས།
སློབ་ཚན་འཛུགས་སྐྲུན་གྱི་ཕྱོགས་ནས། དུས་བསྟུན་ལྷན་སྐྱོད་དང་དུས་རབས་འཕེལ་རྒྱས་ཀྱི་གོམ་སྟབས་དང་བསྟུན་པ་གཙིགས་སུ་བཟུང་། ཕྱོགས་གཅིག་ནས་ཆབ་སྲིད་གཞུང་ལུགས་ཀྱི་སློབ་ཚན་འཛུགས་སྐྲུན་ལ་ཤུགས་བསྣན་ནས། ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པར་སློབ་སྦྱོང་གཏིང་ཟབ་བྱེད་པ་དང་། ལས་བྱེད་པའི་ཕུགས་བསམ་གྱི་འདུན་མ་སྲ་བརྟན་དུ་བཏང་སྟེ། ཆབ་སྲིད་ལངས་གནས་མཐོར་འདེགས་བཏང་། ཕྱོགས་ཅིག་ཤོས་ནས། རྫོང་ཡོངས་ཀྱི་དཔལ་འབྱོར་སྤྱི་ཚོགས་ཀྱི་འཕེལ་རྒྱས་དང་གྲོང་གསེབ་དར་སྤེལ། སྤྱི་ཚོགས་བཅོས་སྐྱོང་སོགས་གཙོ་གནད་བྱ་བར་དམིགས་ཏེ། ཉེར་སྤྱོད་རང་བཞིན་ཆེ་བའི་ཆེད་ལས་སློབ་ཚན་རབ་དང་རིམ་པ་ཞིག་བཏོད། དྲ་ཐོག་དང་ཡུལ་དངོས་གཉིས་ཀྱི་སློབ་ཁྲིད་ཀྱི་ཐོན་ཁུངས་ཟུང་འབྲེལ་བྱེད་པ་དང་། ཞིང་ཆེན་ཏང་གི་སློབ་གྲྭའི་ཆེད་མཁས་པ་དང་ཞིང་ཆེན་རིམ་པའི་སློབ་ཆེན་གྱི་དགེ་རྒན་ཆེན་མོ། ཆེད་ལས་ལག་རྩལ་འཇོན་མི་སོགས་གདན་ཞུ་བྱས་ཏེ་སློབ་ཁྲིད་བྱེད་པ་དང་། ལས་བྱེད་པ་རྩ་འཛུགས་བྱས་ཏེ་སྔོན་ཐོན་ས་ཁུལ་དུ་ཡུལ་དངོས་རྟོག་ཞིབ་དང་སློབ་སྦྱོང་བྱེད་པ། ལེགས་འགྲུབ་བྱུང་བའི་ཉམས་མྱོང་གཡོར་བ་དང་། “དགོང་མོའི་རང་སྦྱོང”རྩ་འཛུགས་བྱས་ནས་མཉམ་དུ་ཞིབ་འཇུག་བགྲོ་གླེང་བྱེད་པ་སོགས་རྣམ་པ་སྣ་ཚོགས་སྤྱད་ནས། “ཆེད་དོན་སློབ་ཁྲིད＋བརྙན་གཟིགས་སློབ་ཁྲིད＋ལྟ་སྦྱོང་སློབ་སྦྱོང＋ཕན་ཚུན་བགྲོ་གླེང”བཅས་ཀྱི་སློབ་ཚན་སྒྲིག་སྟངས་ལྟར་གོ་རིམ་སོ་སོའི་གསོ་སྦྱོང་ཚན་རིན་དང་མཐུན་པར་བཀོད་སྒྲིག་བྱེད་པ་དང་། མུ་མཐུད་དུ་སློབ་ཁྲིད་བྱེད་ཐབས་ལེགས་སྒྱུར་བྱས་ཏེ། སློབ་སྦྱོང་གི་ཁྲོད་ནས་ལས་བྱེད་པའི་མིག་རྒྱ་དང་ཤེས་རྒྱ་བསྐྱེད་པ་དང་། ཕྱོགས་ཡོངས་ནས་རིམ་པ་སོ་སོའི་ལས་བྱེད་པས་ཏང་གི་ཚོགས་ཆེན་ཉི་ཤུ་པ་དང་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་མཚོ་སྔོན་ལ་རྟོག་ཞིབ་གནང་སྐབས་ཀྱི་གསུང་བཤད་གལ་ཆེན་གྱི་དགོངས་དོན་ལ་གོ་བ་ལེན་པ་དང་ཁོང་དུ་ཆུད་པར་བྱེད་པ་དང་། རྒྱ་ཆེའི་ཏང་ཡོན་ལས་བྱེད་པས་སློབ་སྦྱོང་གི་གྲུབ་འབྲས་དོན་དངོས་ལག་ལེན་ཁྲོད་བེད་ཆོད་པར་སྣེ་ཁྲིད། རང་སྟེང་གི་ཆབ་སྲིད་བྱང་ཚད་དང་ལས་སྒོའི་ནུས་པ་དང་བྱ་བ་སྒྲུབ་པའི་ཆུ་ཚད་རྒྱུན་ཆད་མེད་པར་མཐོར་འདེགས་གཏོང་བ། འགྱུར་མེད་ཀྱི་འདུན་པ་དང་དོན་གཉེར་གྱི་སྤྱོད་ཚུལ། གསར་གཏོད་ཀྱི་སྙིང་སྟོབས་བཅས་ལ་བརྟེན་ནས། ལས་དོན་སོ་སོར་འཕེལ་རྒྱས་ཀྱི་རྣམ་པ་གསར་པ་བཏོད། དུས་མཚུངས་སུ། གསོ་སྦྱོང་བྱས་རྗེས་ཀྱི་སྣང་ཚུལ་ཅི་རིགས་ལ་རྗེས་འདེད་ལྟ་རྟོག་བྱས་ཏེ། ལས་བྱེད་པའི་དོན་དངོས་བྱ་བའི་ཁྲོད་ཀྱི་ལག་ལེན་གནས་ཚུལ་རྒྱུས་ལོན་བྱེད་པ་དང་། དུས་ལྟར་གསོ་སྦྱོང་གི་ནང་དོན་དང་ཐབས་ལམ་སྙོམས་སྒྲིག་དང་འཐུས་ཚང་དུ་བཏང་ནས། གསོ་སྦྱོང་གི་གྲུབ་འབྲས་བྱ་བར་སྐུལ་འདེད་བྱེད་པའི་དངོས་ཡོད་སྒུལ་ཤུགས་སུ་འགྱུར་བར་ཁག་ཐེག་བྱས། །
ཡོང་ཁུངས། གཅིག་སྒྲིལ་རྫོང་ཨུའི་གཞུང་སྒྲུབ་ཁང་།
འདྲ་པར་མནན་ནས་མཚོ་སྔོན་བོད་ཡིག་གསར་འགྱུར་ཚགས་པར་ཀློགས།
