ཟླ་11ཚེས་14ཉིན། སློབ་གསོ་པུའུ་དང་མི་ཤུགས་ཐོན་ཁུངས་དང་སྤྱི་ཚོགས་འགན་སྲུང་པུའུ་ཡིས་མཉམ་འབྲེལ་ཐོག་ལས་དོན་ཚོགས་འདུ་འཚོགས་ནས། སྐབས་2025ལོའི་མཐོ་སློབ་སློབ་ཐོན་སློབ་མའི་ལས་ཞུགས་ལས་གཏོད་ལས་དོན་ཡག་པོ་བསྒྲུབ་རྒྱུའི་བཀོད་སྒྲིག་བྱས་པ་རེད། བསྡོམས་རྩིས་བྱས་པར་གཞིགས་ན། སྐབས་2025ཡི་རྒྱལ་ཡོངས་ཀྱི་མཐོ་སློབ་དཀྱུས་མའི་སློབ་ཐོན་སློབ་མའི་གཞི་ཁྱོན་སྔོན་དཔག་བྱས་ན་མི་ཁྲི་1222ཟིན་རྒྱུ་དང་། དེ་དུས་མཚུངས་ལས་མི་ཁྲི་43འཕར་ཡོད་པ་རེད།
སློབ་གསོ་པུས་ས་གནས་ཁག་དང་མཐོ་སློབ་ཁག་ལ“སྐབས་2025ཡི་རྒྱལ་ཡོངས་ཀྱི་མཐོ་སློབ་དཀྱུས་མའི་སློབ་ཐོན་སློབ་མའི་ལས་ཞུགས་ལས་གཏོད་ལ་སྐུལ་འདེད་དང་ཞབས་ཞུའི་མ་ལག་འཛུགས་སྐྱོང་གི་བྱ་སྤྱོད”ལག་ལེན་བསྟར་རྒྱུའི་བཀོད་སྒྲིག་བྱས་པ། ངོ་སྤྲོད་བྱས་པར་གཞིགས་ན།ཟླ་9པ་ནས་བཟུང་། ས་གནས་ཁག་གི་མཐོ་སློབ་ཁག་གིས་གདན་ཞུའི་བྱེད་སྒོ་ཐེངས་ཁྲི་5.5སྤེལ་བ་དང་། ལས་གནས་ཆ་འཕྲིན་ཁྲི་1093མཁོ་འདོན་བྱས་ཡོད་པ་རེད།
