འབར་མའི་བྱང་རྒྱུད་ཀྱི་རང་རྒྱལ་དང་འབྲེལ་བ་ཡོད་པའི་གློག་འཕྲིན་དྲ་རྒྱའི་ཁ་བསླུས་ཉེས་གསོག་ལ་རྡུང་རྡེག་གཏིང་ཟབ་གཏོང་བ་དང་། ཁ་བསླུས་ཀྱི་ནག་ཚང་ཕྱོགས་ཡོངས་ནས་མེད་པར་བཟོ་བ། ཁ་བསླུས་དང་འབྲེལ་བ་ཡོད་པའི་མི་སྣ་ཁྲིམས་ལྟར་འཛིན་བཟུང་བཅས་བྱེད་ཆེད། ཉེ་ཆར། སྤྱི་བདེ་པུའུ་ཡིས་ཡུན་ནན་སྤྱི་བདེ་ལས་ཁུངས་ལ་འབར་མའི་འབྲེལ་ཡོད་ས་གནས་ཁྲིམས་འཛིན་སྡེ་ཚན་དང་ཉེན་རྟོག་ལས་དོན་ཁྲིམས་འཛིན་མཉམ་ལས་བྱ་རྒྱུར་ཤུགས་སྣོན་རྒྱག་དགོས་པའི་བཀོད་སྒྲིག་བྱས་ཏེ། འབར་མའི་ཏང་དབྱང་ས་ཁུལ་ནས་རྒྱལ་མཚམས་སྒྲོལ་བའི་གློག་འཕྲིན་དྲ་རྒྱའི་ཁ་བསླུས་རྒྱག་མཁན་ཉེས་གསོག་དོགས་ཅན་1079བཟུང་བའི་ནང་། ཀྲུང་གོའི་རྒྱལ་ཁོངས་ཡིན་པའི་ཉེས་གསོག་དོགས་ཅན་763ཡོད་པ་རེད། ད་ཆ། རྒྱལ་ཁོངས་ཀྲུང་གོ་ནས་ཡིན་པའི་ཉེས་གསོག་དོགས་ཅན་ཚང་མ་རང་ཕྱོགས་སུ་རྩིས་སྤྲད་ཡོད་པ་རེད། དེ་ནི་འབར་མའི་བྱང་རྒྱུད་ཀྱི་རང་རྒྱལ་དང་འབྲེལ་བ་ཡོད་པའི་གློག་འཕྲིན་དྲ་རྒྱའི་ཁ་བསླུས་ཉེས་གསོག་ལ་རྡུང་རྡེག་གཏོང་བའི་ཆེད་དོན་ལས་དོན་སྤེལ་ཚུན་འབར་མའི་གཏིང་ཁུལ་དུ་ཚད་བརྒལ་གལ་ཆེན་བྱུང་བ་གཞན་ཞིག་རེད།
