ཀྲུང་དབྱང་གནམ་གཤིས་ལས་ཁུངས་ཀྱིས་ཟླ་11ཚེས་26ཉིན་གྱི་ཆུ་ཚོད་10པའི་ཐོག་ཁ་བ་ཆེན་པོ་འབབ་པའི་ཉེན་བརྡ་སེ་པོ་བཏང་བ་སྟེ། སྔོན་དཔག་བྱས་ན། ཟླ་11ཚེས་26ཉིན་གྱི་ཆུ་ཚོད་14ནས་ཟླ་11ཚེས་27ཉིན་གྱི་ཆུ་ཚོད་14བར། ནང་སོག་གི་བྱང་ཤར་རྒྱུད་དང་། ཧེ་ལུང་ཅང་མང་ཆེ་བ། ཅི་ལིན་གྱི་བྱང་ཤར་རྒྱུད། ཧྲན་ཏུང་ཕྱེད་གླིང་གི་བྱང་རྒྱུད་སོགས་ས་ཁུལ་ཁ་ཤས་སུ་ཁ་བ་ཆེན་པོ་འབབ་རྒྱུ་ཡིན་ལ། དེའི་ནང་ཧེ་ལུང་ཅང་གི་བྱང་རྒྱུད་སོགས་ས་ཁུལ་ཁ་ཤས་སུ་ཁ་བ་ཆེན་པོ་འབབ་རྒྱུ་དང་། ཧེ་ལུང་ཅང་གི་བྱང་ཤར་རྒྱུད་སོགས་ས་ཁུལ་ཁག་ཅིག་ཏུ་ཁ་བ་ཆེན་པོ་འབབ་རྒྱུ་རེད། （ ཧོ་སྨི་20ནས་25བར། ）གོང་གི་ས་ཁུལ་ཁག་ཅིག་ཏུ་གསར་དུ་གངས་གསོག་ཐེབས་ཚད་ལི་སྨི་5ནས་10བར་ཡིན་པ་དང་། ས་ཁུལ་ཁག་ཅིག་ཏུ་ལི་སྨི་15ཡན་ཟིན་སྲིད།
འགོག་སྲུང་ཕྱོགས་སྟོན།
གཅིག སྲིད་གཞུང་དང་དེ་བཞིན་འབྲེལ་ཡོད་སྡེ་ཁག་གིས་འགན་འཁྲི་གཞིར་བཟུང་། གངས་སྐྱོན་དང་འཁྱགས་འགོག་གནོད་འགོག་གི་གྲ་སྒྲིག་ལས་དོན་ཡག་པོ་སྒྲུབ་དགོས།
གཉིས། འགྲིམ་འགྲུལ་དང་། ལྕགས་ལམ། གློག་ཤུགས། འཕྲིན་གཏོང་སོགས་སྡེ་ཁག་གིས་གཞུང་ལམ་དང་། ལྕགས་ལམ། ལམ་ཐིག་བཅས་ལ་སྐོར་ཞིབ་དང་སྲུང་སྐྱོང་བྱེད་དགོས་པ་དང་། གཞུང་ལམ་གཙང་ཕྱགས་དང་ཁ་བ་བཞུ་བའི་ལས་ཀ་ཡག་པོར་སྒྲུབ་དགོས།
གསུམ། རྐང་ཐང་བས་གྲང་འགོག་འདྲེད་འགོག་ལ་དོ་སྣང་བྱེད་པ་དང་། ཁ་ལོ་བས་རླངས་འཁོར་གཟབ་གཟབ་ངང་བསྐོར་བ། རླངས་འཁོར་ལ་འདྲེད་འགོག་གི་བྱེད་ཐབས་སྤྱོད་དགོས།
བཞི། ཞིང་འབྲོག་ཁུལ་དང་འདེབས་འཛུགས་གསོ་ཚགས་ལས་རིགས་ཀྱིས་གཟན་ཆས་གྲབས་གསོག་བྱས་ཏེ། གངས་སྐྱོན་དང་འཁྱགས་འགོག་གནོད་འགོག་གི་གྲ་སྒྲིག་ཡག་པོ་བྱེད་དགོས།
ལྔ། སྤྱིལ་སྒྲོམ་སོགས་གངས་ཀྱིས་མནན་སླ་བའི་གནས་སྐབས་ཀྱི་རྩིག་བཟོས་བརྟན་པོ་བཟོ་དགོས།
