འདྲི་ཞིབ་དང་པོའི་ཐོག་ཀྲེ་ཅང་ཞིང་ཆེན་སྲིད་གྲོས་ཀྱི་ཏང་ཙུའུ་ཡི་ཁོངས་མི་ཀྲུའུ་ཞི་གཞོན་པ་ཟུར་པ་ཀྲུའུ་ཚུང་ཅིའུ་ཡི་ལྐོག་རྔན་བླངས་པའི་གྱོད་གཞིར་2024ལོའི་ཟླ་11ཚེས་19ཉིན་ཅང་ཞི་ཞིང་ཆེན་ཀན་ཀྲོའུ་གྲོང་ཁྱེར་འབྲིང་རིམ་མི་དམངས་ཁྲིམས་ཁང་གིས་ཁྲིམས་ཆད་བཅད་དོན་ཁྱབ་བསྒྲགས་བྱས་པ་དང་། ཞུ་སྦྱོར་ཕྱི་མ་བ་ཀྲུའུ་ཚུང་ཅིའུ་ལ་ལྐོག་རྔན་བླངས་པའི་ཉེས་པའི་ཐོག་ནས། ཚེ་གང་བཙོན་འཇུག་དང་། ཚེ་གང་གི་ཆབ་སྲིད་དབང་ཆ་འཕྲོག་རྒྱུ་དང་། སྒེར་གྱི་རྒྱུ་ནོར་ཚང་མ་གཞུང་བཞེས་བཏང་རྒྱུ། ལྐོག་རྔན་བླངས་པའི་རྒྱུ་དངོས་དང་འཕེལ་སྐྱེད་བཅའ་ཁྲིམས་ལྟར་བདའ་འདེད་བཏང་ནས་རྒྱལ་མཛོད་ལ་འབུལ་དགོས་པ་བཅས་ཀྱི་ཁྲིམས་ཆད་བཅད།
འདྲི་ཞིབ་བྱས་པ་བརྒྱུད། 2002ལོ་ནས་2022ལོའི་བར། ཞུ་སྦྱོར་ཕྱི་མ་བ་ཀྲུའུ་ཚུང་ཅིའུ་ཡིས་ཧྲང་ཧའེ་དངུལ་འཛིན་ཉོ་ཚོང་ཁང་གི་ཏང་ཨུད་ཀྱི་ཧྲུའུ་ཅི་གཞོན་པ། སྤྱི་ཁྱབ་ཅིང་ལི། ཀྲུང་གོ་དངུལ་འཛིན་ལྟ་སྐུལ་དོ་དམ་ཨུ་ལྷན་ཏང་ཨུད་ཀྱི་ཨུ་ཡོན། ཀྲུའུ་ཞིའི་ལས་རོགས་དང་འགྲེམས་སྤེལ་ལྟ་སྐུལ་དོ་དམ་པུའི་ཀྲུའུ་རེན་གཅིག་ལྕོགས། ཀྲེ་ཅང་ཞིང་ཆེན་སྲིད་གཞུང་གི་ཏང་ཙུའུ་ཡི་ཁོངས་མི་དང་ཞིང་ཆེན་གྱི་འགོ་འཛིན་གཞོན་པ། ཀྲེ་ཅང་ཞིང་ཆེན་སྲིད་གྲོས་ཀྱི་ཏང་ཙུའུ་ཡི་ཁོངས་མི་སོགས་གོ་གནས་ཀྱི་སྟབས་བདེར་བརྟེན་ནས་འབྲེལ་ཡོད་ཚན་པ་དང་སྒེར་གྱིས་ཀུང་སི་ཁྲོམ་འགྲེམ་དང་། མ་དངུལ་བསྡུ་སྒྲིལ་གྱི་དངུལ་བུན། ཁེ་ལས་གཉེར་སྐྱོང་སོགས་ཀྱི་ལས་དོན་ཐད་རོགས་རམ་བྱས་ནས། ཐད་ཀར་རམ་ཡང་ན་གཞན་པ་བརྒྱུད་ཁྲིམས་དང་འགལ་ཏེ་རྒྱུ་དངོས་མི་དམངས་ཤོག་སྒོར་ལ་ཕབ་ན་སྒོར་དུང་ཕྱུར་1.05ལྷག་ཙམ་བླངས་ཡོད་པ་རེད།
