ཚེས་20ཉིན་ཕྱི་འབྲེལ་པུའི་རྒྱུན་ལྡན་གྱི་གསར་འགོད་པའི་ཚོགས་འདུའི་ཐོག གསར་འགོད་པ་ཞིག་གིས། ཐའེ་ཝན་གྱི་“ཕྱི་འབྲེལ་པུའུ་ཀྲང་”གིས་ཉིན་ཤས་གོང་པུའུ་ལུའུ་སེར་དུ་པེར་ཀྲེམ་གྱི་གྲོས་མི་དང་ཡོ་རོབ་གྲོས་ཚོགས་ཀྱི་ཁོངས་མིར་ཐུག་འཕྲད་བྱས་པ་རེད། མགྲིན་ཚབ་པས་དེའི་ཐད་དཔྱད་གཏམ་གང་ཞིག་སྤེལ་རྩིས་ཡོད་དམ་ཞེས་དྲིས།
“ཐོག་མར་ངས་ཁྱོད་ལ་ཡོ་བསྲང་བྱ་དགོས་པ་ནི་ཐའེ་ཝན་ནི་ཀྲུང་གོའི་ཞིང་ཆེན་ཞིག་ཡིན་པས་‘ཕྱི་འབྲེལ་པུའུ་ཡི་པུའུ་ཀྲང་’ཟེར་བ་ཞིག་མེད།” དེའི་ཐད་ཀྲུང་གོའི་ཕྱི་འབྲེལ་པུའི་མགྲིན་ཚབ་པ་ལིན་ཅན་གྱིས་ཐའེ་ཝན་གྱི་གནད་དོན་ནི་ཀྲུང་གོའི་ཕྱོགས་ཀྱི་སྲོག་ཤིང་ཁེ་ཕན་ཁྲོད་ཀྱི་སྲོག་ཤིང་ཡིན་པ་དང་། ཀྲུང་གོ་གཅིག་གི་རྩ་དོན་ནི་རྒྱལ་སྤྱིའི་སྤྱི་ཚོགས་ཀྱི་ཡོངས་ཁྱབ་ཀྱི་ཐུན་མོང་ངོས་འཛིན་ཞིག་ཡིན་ལ། ཀྲུང་གོ་དང་ཡོ་རོབ་བར་གྱི་འབྲེལ་བའི་ཆབ་སྲིད་ཀྱི་རྨང་གཞི་ཞིག་ཀྱང་རེད། ཕྱི་འབྲེལ་གྱི་འབྲེལ་བ་བཙུགས་པའི་རྒྱལ་ཁབ་དང་ཐའེ་ཝན་ས་ཁུལ་བར་རྣམ་པ་གང་རུང་གི་གཞུང་ཕྱོགས་འགྲོ་འོང་བྱེད་པར་ཀྲུང་གོ་ཕྱོགས་ནས་ངོ་རྒོལ་མཐའ་གཅིག་ཏུ་བྱ་རྒྱུ་ཡིན། ཡོ་རོབ་གླིང་ཕྱོགས་ཀྱིས་ཀྲུང་གོ་གཅིག་ལས་མེད་པའི་རྩ་དོན་བརྩི་སྲུང་ནན་པོར་བྱས་ཏེ། ཐའེ་ཝན་དབང་འཛིན་ལས་ཁུངས་དང་རྣམ་པ་གང་རུང་གི་གཞུང་ཕྱོགས་ཀྱི་འགྲོ་འོང་བྱེད་མཚམས་འཇོག་དགོས་པ་དང་།“ཐའེ་ཝན་རང་བཙན་”གྱི་ཁ་བྲལ་སྟོབས་ཤུགས་ལ་ནོར་འཁྲུལ་གྱི་བརྡ་རྟགས་གཏོང་མཚམས་འཇོག་དགོས་ཞེས་བཤད།
ལིན་ཅན་གྱིས།“ཐའེ་ཝན་དབང་འཛིན་ལས་ཁུངས་ཀྱིས་རྒྱལ་སྤྱིའི་སྤྱི་ཚོགས་སུ་‘ཀྲུང་གོ་གཅིག་དང་ཐའེ་ཝན་གཅིག་’གམ་‘ཀྲུང་གོ་གཉིས་’ཞེས་པ་སྤེལ་ནས།‘ཐའེ་ཝན་རང་བཙན་’གྱི་འདོད་ཚུལ་ལ་སྐུལ་འདེད་གཏོང་བའི་རེ་ངན་འཆང་བར་མདུན་ལམ་གཏན་ནས་མེད་ལུགས་ཀྱང་ང་ཚོས་ནན་གྱིས་བཤད་རྒྱུ་ཡིན་”ཞེས་བཤད།
