ཉེ་ཆར་ཝུའུ་ཀྲོའུ་འགག་སྒོའི་ལྐོག་འདྲེན་འཛིན་བཟུང་ཡན་ལག་ཅུས་ཀྱིས་ནན་ཉིང་འགག་སྒོའི་ཉེན་ཁ་སྔོན་འགོག་ཚོད་འཛིན་ཡན་ལག་ཅུས་དང་མཉམ་དུ་ལག་འདོགས་ཆུ་ཚོད་ལྐོག་འཚོང་བྱེད་པའི་གྱོད་གཞི་ཞིག་རྩད་ཆོད་པ་རེད།
ཡུལ་དངོས་ནས་ལྐོག་འཚོང་རྒྱག་པའི་ལག་འདོགས་ཆུ་ཚོད་365རྩད་ཆོད་ཅིང་། དེའི་རིན་ཐང་སྒོར་ཁྲི་70ཙམ་ཟིན། ཉེས་གསོག་དོགས་ཅན་1བཟུང་ཡོད། ཞིབ་བཤེར་རགས་ཙམ་བྱས་པ་བརྒྱུད། གྱོད་འབྲེལ་མི་སྣས་མངའ་ཁོངས་ཕྱི་རོལ་ནས་ལག་བརྒྱུད་ལག་འདོགས་ཆུ་ཚོད་ཉོ་བ་དང་། ཉོ་ཚོང་གི་ངོ་བོ་རྫུན་བཟོ་དང་རིན་གོང་དམའ་བའི་རེ་ཞུ་བྱེད་པའི་བྱེད་ཐབས་སྤྱད་དེ་འགག་སྒོའི་ལྟ་སྐུལ་དོ་དམ་ལས་གཡོལ་ཏེ་སྦྲག་སྐྱེལ་ཐབས་ལམ་བརྒྱུད་ལྐོག་འདྲེན་བྱས་པ་དང་། རྒྱལ་ནང་དུ་བཙོངས་ནས་ཁེ་བཟང་ཐོབ་ཐབས་བྱས་པ་རེད། གྱོད་གཞི་ཐོན་བར་དུ་ལག་བརྒྱུད་ལག་འདོགས་ཆུ་ཚོད་1000ལྷག་ཙམ་ལྐོག་འདྲེན་བྱས་པ་དེ་དག་རིན་ཐང་སྒོར་ཁྲི་300ལྷག་ཙམ་ཟིན་ཡོད་པ་རེད།
