རྒྱལ་སྲུང་པུའི་གསར་འགྱུར་མགྲིན་ཚབ་པ་ཝུའུ་ཆན་གྱིས། ཀྲུང་གོ་དང་ཨ་རིའི་རྒྱལ་སྲུང་པུའུ་ཀྲང་ཐུག་འཕྲད་མ་བྱས་པའི་སྐོར་གསར་འགོད་པའི་དྲི་བར་ལན་བསྐྱོན་པ།
གསར་འགོད་པ། ཨ་རིའི་སྨྱན་སྦྱོར་གྱིས་གནས་འཕྲིན་སྤེལ་བར་གཞིགས་ན། ཨ་རིའི་རྒྱལ་སྲུང་པུའི་དཔོན་རིགས་ཀྱིས་ཨ་རིས་ཐའེ་ཝན་ལ་དམག་དོན་མཚོན་ཆ་འཚོང་བའི་དབང་གིས་ཀྲུང་གོས་ཨེ་ཤ་ཡ་ཤར་ལྷོའི་མནའ་འབྲེལ་རྒྱལ་སྲུང་པུའུ་ཀྲང་གི་རྒྱས་འཛོམས་གྲོས་ཚོགས་འཚོག་རིང་ཨ་ཀྲུང་རྒྱལ་སྲུང་པུའུ་ཀྲང་དང་ཐུག་འཕྲད་བྱ་རྒྱུ་ཁས་མ་བླངས་པ་བཤད། ཀྲུང་གོ་ཕྱོགས་ཀྱིས་དེའི་ཐད་དཔྱད་གཏམ་གང་ཞིག་སྤེལ་རྩིས་ཡོད་དམ་ཞེས་བརྗོད་པ་རེད།
ཝུའུ་ཆན་གྱིས། ད་ཐེངས་ཨེ་ཤ་ཡ་ཤར་ལྷོའི་མནའ་འབྲེལ་གྱི་རྒྱལ་སྲུང་པུའུ་ཀྲང་གི་རྒྱས་འཛོམས་ཚོགས་འདུའི་རིང་། ཀྲུང་ཨའི་རྒྱལ་སྲུང་པུའུ་ཀྲང་ཐུག་འཕྲད་བྱས་མེད་པའི་འགན་འཁྲི་ཚང་མ་ཨ་རི་ཕྱོགས་ལ་ཡོད། ཨ་རིས་ཕྱོགས་གཅིག་ནས་ཐའེ་ཝན་གྱི་གནད་དོན་ཐད་ཀྲུང་གོ་ཕྱོགས་ཀྱི་སྲོག་ཤིང་གི་ཁེ་ཕན་ལ་གནོད་འཚེ་གཏོང་མི་ཆོག་པ་དང་། ཕྱོགས་གཞན་ཞིག་ནས་ཀྲུང་གོའི་དམག་དཔུང་དང་སྣང་མེད་ངང་སྤེལ་རེས་བྱེད་མི་ཆོག མིག་སྔར་གལ་ཆེ་ཤོས་ནི་ཨ་རི་ཕྱོགས་ཀྱིས་འཕྲལ་དུ་ནོར་འཁྲུལ་ཡོ་བསྲང་བྱེད་པ་དང་། ཀྲུང་གོ་ཕྱོགས་ཀྱི་ལྟེ་བའི་ཁེ་ཕན་ལ་བརྩི་འཇོག་ཏན་ཏིག་བྱས་ནས། དམག་དཔུང་གཉིས་ཀྱི་མཐོ་རིམ་འགྲོ་འོང་ལ་མཐུན་རྐྱེན་སྦྱོར་རྒྱུ་དེ་རེད།
