ཟླ་11ཚེས་5ཉིན། མཁའ་དམག་གིས་སྒྲིག་འཛུགས་བྱས་པའི་གསར་འགྱུར་ཡོངས་བསྒྲགས་ཚོགས་འདུའི་ཐོག་མཁའ་དམག་དབུ་བརྙེས་ནས་ལོ་75འཁོར་བར་རྟེན་འབྲེལ་ཞུས་པ་དང་། དེ་བཞིན་སྐབས་བཅོ་ལྔ་པའི་ཀྲུང་གོའི་མཁའ་འགྲུལ་འགྲེམས་སྟོན་ནང་ཞུགས་པའི་འབྲེལ་ཡོད་ཆ་འཕྲིན་ངོ་སྤྲོད་བྱས་པ་རེད། མཁའ་དམག་སྒྲིག་ཆས་པུའི་ཧྲང་ཞའོ་ཉིའུ་ཝུན་པོའོ་ཡིས་ངོ་སྤྲོད་བྱས་པར་གཞིགས་ན། སྐབས་བཅོ་ལྔ་པའི་ཀྲུང་གོའི་མཁའ་འགྲུལ་འགྲེམས་སྟོན་རིང་གཟུགས་ཡིབ་ཀྱི་སྤྱོད་མང་བའི་དམག་འཐབ་གནམ་གྲུ་འབྲིང་གྲས་རྒོལ་གཏོར-35Aཡང་ཚང་མ་དང་ཐུག་འཕྲད་བྱེད་པའི་གོ་སྐབས་ཐོབ་རྒྱུ་རེད་ཅེས་བཤད།
དམག་དོན་རིགས་གཅིག་མཁས་ཅན་ལི་ལིས་ངོ་སྤྲོད་བྱས་པར་གཞིགས་ན། ད་ཐེངས་རྒོལ་གཏོར་-35Aཡོངས་བསྒྲགས་བྱས་པ་དེའི་ཐོག་ནས་ཀྲུང་གོའི་མཁའ་དམག་ལ་རྒོལ་གཏོར-20དང་རྒོལ་གཏོར-35Aགཉིས་དུས་གཅིག་ཏུ་ཡོད་པ་མཚོན་གྱི་ཡོད། འདི་ནི་ཨ་རིའི་མཁའ་དམག་གི་སྒྲིག་ཆས་F-22དང་F-35རྗེས་ཀྱི་གོ་ལ་ཧྲིལ་པོའི་གཟུགས་ཡིབ་དམག་འཐབ་གནམ་གྲུ་གཉིས་དུས་གཅིག་ཏུ་སྒྲིག་སྦྱོར་བྱེད་མཁན་རྒྱལ་ཁབ་གཉིས་པ་དེ་ཡིན་པ་རེད།
