ཟླ་11ཚེས་4ཉིན་ཕྱི་འབྲེལ་པུའི་མགྲིན་ཚབ་པ་མའོ་ཉིང་གིས་གསར་འགོད་པའི་རྒྱུན་ལྡན་གྱི་ཚོགས་འདུ་གཙོ་སྐྱོང་བྱས་པ་རེད།
རྒྱ་གར་ཚགས་པར་ལས་རིགས་ཐའོ་ལཱ་སིའི་གསར་འགོད་པས། རྒྱ་གར་གྱིས་ཤར་རྒྱུད་ཀྱི་དེ་སྔའི་འགལ་བ་ཐོན་པའི་ས་ཁུལ་གཉིས་ཀྲུང་གོ་ཕྱོགས་དང“འབྲེལ་ཐག་ཆད་པ་”ཁྱབ་བསྒྲགས་བྱས་པ་དང་། སྐོར་གཡེང་ཡང་གཟའ་འཁོར་གོང་མའི་གཟའ་སྤེན་པ་ནས་བཟུང་སླར་གསོ་བྱས་པ་རེད། ཀྲུང་གོ་ཕྱོགས་ཀྱིས་དེའི་ཐད་དཔྱད་གཏམ་གང་ཞིག་སྤེལ་རྩིས་ཡོད་དམ། ཀྲུང་གོས་མིག་སྔར་ཀྲུང་གོ་དང་རྒྱ་གར་མཐའ་མཚམས་ཀྱི་དངོས་སུ་ཚོད་འཛིན་ཐིག་“འབྲེལ་ཐག་ཆད་པའི”འཕེལ་རིམ་ལ་ལྟ་སྟངས་གང་འདྲ་འཛིན་གྱི་ཡོད་དམ་དྲིས།
མའོ་ཉིང་གིས་ངས་ཤེས་རྟོགས་བྱུང་བར་གཞིགས་ན། ཀྲུང་གོ་དང་རྒྱ་གར་རྒྱལ་ཁབ་གཉིས་ཀྱི་དམག་དཔུང་གིས་ཕྱོགས་གཉིས་པོའི་མཐའ་མཚམས་ཀྱི་འབྲེལ་ཡོད་གནད་དོན་ཐད་ཀྱི་ཐག་གཅོད་ཇུས་གཞི་དོན་འཁྱོལ་བྱེད་བཞིན་ཡོད་པ་དང་། མིག་སྔར་འཕེལ་རིམ་བདེ་བླག་ཡིན།
