مەركىزىي تېلېۋىزىيە ئىستانسىسىنىڭ خەۋىرىگە قارىغاندا، شۇ جاي ۋاقتى 5-يانۋار، ئۇكرائىنا ھەربىي تەرەپ ئۇكرائىنا ئارمىيەسىنىڭ رۇسىيەنىڭ كۇرسك يۆنىلىشىدە كەڭ كۆلەملىك ھۇجۇم قوزغىغانلىقىنى ئېيتتى.
ئۇكرائىنا زۇڭتۇڭ ئىشخانىسىنىڭ مۇدىرى يېرماك يۇقىرىقى خەۋەرنى مۇئەييەنلەشتۈردى. ئۇكرائىنا دۆلەت خەۋپسىزلىكى ۋە دۆلەت مۇداپىئە كومىتېتى ساختا ئۇچۇرغا قارشى تۇرۇش مەركىزىنىڭ مۇدىرى ئاندرېي كوۋالېنكو مۇنداق دېدى : كۇرسك رايونىدا رۇسىيە ئارمىيىسى بىرلا ۋاقىتتا كۆپ تەرەپتىن كەلگەن ھۇجۇمغا ئۇچرىدى، بۇ ئۇلارنى ھەيران قالدۇرىدۇ.
بۇلتۇر 8-ئايدا، ئۇكرائىنا رۇسىيەنىڭ كۇرسكىغا بىر قېتىم كەڭ كۆلەملىك ھۇجۇم قىلغان ئىدى، رۇسىيەنىڭ جەنۇبىي قىسمىدىكى كۇرسك شىتاتىنىڭ شۇ چاغدىكى مۇۋەققەت شىتاتىنىڭ باشلىقى سىمىرنوف بۇلتۇر 8-ئاينىڭ 7-كۈنى كەچتە كۇرسك شىتاتىنىڭ چېگرا رايونىنىڭ ئۇرۇش ۋەزىيىتى قىيىن بولغاچقا، كۇرسك شىتاتىنىڭ بۈگۈندىن باشلاپ جىددىي ھالەتكە كىرىدىغانلىقىنى جاكارلىدى. ئارقىدىن رۇسىيە بىلەن ئۇكرائىنا ئىككى تەرەپنىڭ كۇرسىك رايونىدىكى ئۇرۇش تۇيۇقسىز كەسكىنلەشتى.
بۇلتۇر 11-ئايدا، رۇسىيە-ئۇكرائىنا ئىككى تەرەپنىڭ كۇرسىك تالىشىشى كۈنسېرى كەسكىنلەشتى. ئۇكرائىنا ئارمىيىسى ئىلگىرى ئامېرىكا قۇرۇقلۇق ئارمىيىسىنىڭ تاكتىكىلىق باشقۇرۇلىدىغان بومبىسى ئارقىلىق رۇسىيەنىڭ كۇرسىك رايونىدىكى بىر ئايرودرومىغا ھۇجۇم قىلغان.
ئۇكرائىنا تەرەپ تەھلىل قىلىپ مۇنداق دېدى : رۇسىيە بۇلتۇر 11-ئايدا كۇرسىك رايونىدىكى ھۇجۇمىنى كۈچەيتتى ھەمدە 2025-يىلى 2-ئايدىن بۇرۇن بۇ رايوننى قايتۇرۇۋېلىشنى پىلانلىدى، بۇ ئۇكرائىنانى كەلگۈسى سۆھبەتتىكى مۇھىم فىشكىسىدىن مەھرۇم قىلىدۇ. ئۇكرائىنا ئارمىيىسىنىڭ ئالدىنقى سەپ قوماندانىنىڭ ئېيتىشىچە، رۇسىيە ئارمىيىسىنىڭ كۇرسىكتىكى سانى ئۇكرائىنا ئارمىيىسىنىڭ ئۈچ ھەسسىسىدىن 10 ھەسسىگىچە ئىكەن، ئۇكرائىنا ئىزچىل تۈردە كۇرسىك رايونىدىكى كونترول رايونىنى ساقلاپ قېلىشقا ئۇرۇنغان.
ئۇكرائىنا تەرەپ ئىلگىرى ئاشكارىلىغان ئۇچۇرغا ئاساسلانغاندا، ئۇكرائىنا ئەمەلدارلىرى ھۇجۇم قىلىشنىڭ ھەر خىل مەقسەتلىرىنى ئوتتۇرىغا قويغان. ئۇكرائىنا زۇڭتۇڭى زېلېنسكىي كۇرسكىغا ھۇجۇم قىلىش سۆھبەت فىشكىسىغا ئېرىشىپ، رۇسىيەنى كېلىشىمنى قوبۇل قىلىپ ئۇكرائىنا زېمىنىدىن چېكىنىپ چىقىشقا مەجبۇرلاش ئۈچۈن، دېدى. يەنە بەزى قاراشتىكىلەر ھۇجۇم رۇسىيەگە يېتەرلىك بېسىم ئىشلىتىپ، ئۇكرائىنانىڭ شەرتى بويىچە سۆھبەت ئېلىپ بارىدۇ، دەپ قارايدۇ.
ئۇنداق قىلماي ئىلان بېسىپ قوياڭلا خەلقىم سالوندىن نان تېپ يىمەك تەسلىشىپ كەتتى
