مەركىزىي تېلېۋىزىيە ئىستانسىسىنىڭ خەۋىرىگە ئاساسلانغاندا، شۇ جاي ۋاقتى 1-يانۋار، ئامېرىكىنىڭ لۇيىزىئانا شىتاتى يېڭى ئورلېئان شەھىرىدە ئاپتوموبىل پىيادىلەرنى سوقۇش ۋەقەسى يۈز بەرگەن. ئامېرىكا سىملىق تېلېۋىزىيە ئاخبارات تورى ۋە يېڭى ئورلېئاندىكى شۇ جايدىكى ئاخبارات ۋاستىلىرىنىڭ شۇ جايدىكى ساقچى تەرەپنىڭ خەۋىرىنى نەقىل كەلتۈرۈپ خەۋەر قىلىشىچە، بۇ ۋەقەدە ئاز دېگەندە 10 ئادەم قازا قىلغان.
ۋەقە يۈز بەرگەن ئورۇن يېڭى ئورلېئان فرانسىيە رايونىدىكى داڭلىق بوربون كوچىسى بولۇپ، بۇ كوچىنىڭ تارىخىنى 1718-يىلىغىچە سۈرۈشتۈرۈشكە بولىدۇ، بۇ كوچىغا نۇرغۇن قاۋاقخانا، ئاشخانا، ئۇسسۇل كۇلۇبى قاتارلىق كۆڭۈل ئېچىش سورۇنلىرى توپلانغان. شۇ جايدىكى ئاخبارات ۋاستىلىرىنىڭ ئېيتىشىچە، بۇ يىل مۇشۇ ۋاقىتتا بوربون كوچىسى ساياھەتچىلەر بىلەن لىق تولغان بولۇپ، يېڭى ئورلېئاندىكى يېڭى يىل ھالقىغان پائالىيەت ۋە شۇ جايدىكى بۈۋى مەريەم ئانا ئۇنىۋېرسىتېتىنىڭ زەيتۇن توپ ساھىبخان مەيدانى مۇسابىقىسى نۇرغۇن ئادەم ئېلىپ كەلگەن.
ئۆز كۆزى بىلەن كۆرگۈچىلەرنىڭ ئېيتىشىچە، ۋەقە 1-چېسلا سەھەر سائەت 3 تىن 15 مىنۇت ئۆتكەندە يۈز بەرگەن، ۋەقەگە چېتىشلىق شوپۇر ئالدى بىلەن بوربون كوچىسىدا يۇقىرى سۈرئەتتە يېڭى يىلنى تەبرىكلەيدىغان كىشىلەر توپىنى سوقۇۋەتكەن، ئاندىن ماشىنىدىن چۈشۈپ قورال-ياراغنى چىقىرىپ كىشىلەر توپىنى ئوققا تۇتقان. ئارقىدىن يېتىپ كەلگەن ساقچىلار بۇ شوپۇر بىلەن قارىمۇقارشى ئېتىشنى قانات يايدۇردى. ساقچى تەرەپ يەنە نەق مەيداندا ئولىشىۋالغان ئاممىنىڭ يان تېلېفونىنى قويۇپ، دەرھال چېكىنىشىنى تەلەپ قىلدى. يېڭى ئورلېئان شەھەرلىك دائىرىلىرى ھازىر ئاز دېگەندە 10 ئادەمنىڭ قازا قىلغانلىقىنى، 30 دىن ئارتۇق ئادەمنىڭ يارىلانغانلىقىنى جەزىملەشتۈردى.
22 ياشلىق ئوقۇغۇچى كەيۋىن ئەينى چاغدا كوچىدا شادلىق كەيپىياتىدىن ھۇزۇرلىنىۋاتقان بولۇپ، ئۇ ئەسلەپ مۇنداق دېدى : «بىر ئادەمنىڭ بەدىنى يىقىلىپ چۈشكەندىن كېيىن ئالدىمغا ئۇرۇلدى، مەن يەنە ئوق چىقىرىپ ئېتىشىش ئاۋازىنى ئاڭلىدىم». 22 ياشلىق يەنە بىر ئوقۇغۇچى داۋىس ئەينى چاغدا دەل بوربون كوچىسىدىكى بىر كەچلىك كۇلۇبتا خۇشاللىق ئۆتكۈزگەن، ۋەقە يۈز بەرگەندىن كېيىن كەچلىك كۇلۇبتىكى كىشىلەر ۋارقىراپ ئارقا ئىشىككە قاراپ قېچىپ كەتكەن. ساقچى تەرەپ بىر مەھەل ئىشىكنى قامال قىلىپ، ئىش بېسىققاندىن كېيىن ئاندىن ئىشىكنى ئېچىپ، قول پۇلاڭلىتىپ كېچىلىك كۇلۇبتىكى كىشىلەرنىڭ دەرھال كېتىپ كېتىشىگە ئىشارەت قىلدى. داۋىس مۇنداق دېدى : «مەن كېتىۋاتقاندا يول بويىدا ياتقان بىر قىسىم جەسەتلەرنى كۆردۈم، ساقچىلارنىڭ ئۇلارنى بىر تەرەپ قىلىشقا ۋاقتى يوق، ئۇنىڭدىن باشقا نۇرغۇن كىشىلەر يولدا جىددىي قۇتقۇزۇش خادىملىرىنىڭ يېتىپ كېلىشىنى ساقلاۋاتىدۇ.»
ئۇنداق قىلماي ئىلان بېسىپ قوياڭلا خەلقىم سالوندىن نان تېپ يىمەك تەسلىشىپ كەتتى
