ཟླ་10ཚེས་31ཉིན། བོད་ལྗོངས་གསར་སྤེལ་དངུལ་འཇོག་ཚོགས་པ་ཚད་ཡོད་ཀུང་སིས་མ་དངུལ་བཏང་བ་དང་ཀྲུང་གོ་གློག་ཤུགས་འཛུགས་སྐྲུན་ཁུན་མིང་ཁང་-གློག་ཤུགས་འཛུགས་སྐྲུན་ཨར་ལས་ཀུང་སིའི་མཉམ་འབྲེལ་སྒྲིག་གཞིའི་རྣམ་གྲངས་པུའུ་ཡིས་སྐྲུན་འགན་འཁུར་བའི་གོ་ལ་ཧྲིལ་པོའི་ས་བབ་ཧ་ཅང་མཐོ་བ་དང་། དྲོད་ཚད་ཧ་ཅང་དམའ་བ། གློག་དྲ་ཧ་ཅང་ཞན་པ་བཅས་ཀྱི་དྲ་གྲུབ་རྣམ་པའི་འོད་གསོག་གློག་ཁང་དང་པོ་“བོད་ལྗོངས་མངའ་རིས་ས་ཁུལ་སྒེར་རྩེ་རྫོང་གི་ས་ཡ་ཝ་ཐི་30（སྡེབ་གསོག་ནུས་པ་）ཟིན་པའི་འོད་ཤུགས་གློག་གཏོང་རྣམ་གྲངས་”ལམ་ལྷོང་ངང་དྲ་སྦྲེལ་བྱས་ནས་གློག་འདོན་འགོ་ཚུགས་པ་རེད།
ཤེས་རྟོགས་བྱུང་བར་གཞིགས་ན། རྣམ་གྲངས་དེ་བདེ་བླག་ངང་ལེགས་གྲུབ་བྱུང་བ་དང་། གློག་ཤར་གཏོང་ཐུབ་པ་དེའི་ཐོག་ནས་ནུས་རྒྱུ་གསར་པའི་ལག་རྩལ་ས་མཐོའི་ཁུལ་དུ་གྲུབ་འབྲས་ཆེན་པོ་ཐོབ་པ་མཚོན་པ་རེད། དྲ་རྒྱ་ཅན་གྱི་འོད་གསོག་རྣམ་གྲངས་དེས་ས་གནས་དེ་ག་དང་ཐ་ན་མཐའ་འཁོར་ས་ཁུལ་ལ་བློས་འགེལ་ཆོག་པའི་ནུས་རྒྱུ་གཙང་མ་བརྟན་པོར་མཁོ་འདོན་ཐུབ་ནས། ས་གནས་དེ་གའི་དཔལ་འབྱོར་དང་སྤྱི་ཚོགས་འཕེལ་རྒྱས་ལ་སྐུལ་འདེད་ནུས་ལྡན་ཐེབས་རྒྱུ་དང་གྲོང་མིའི་འཚོ་བའི་ཆ་རྐྱེན་ལེགས་སུ་འགྲོ་རྒྱུ་རེད།
