ཚེས་29ཉིན་ཨུ་རུ་སུའི་ཕྱི་འབྲེལ་པུས་ཨོ་སི་ཁྲུ་ལི་ཡ་དང་ནེའུ་ཙི་ལན་སྲིད་གཞུང་གིས་ཨུ་རུ་སུའི་མི་སྒེར་དང་དངོས་ཚན་ལ་བཀག་སྡོམ་བྱས་པར་རྒོལ་ལན་སློག་ཆེད། ཨུ་རུ་སུ་ཕྱོགས་ཀྱིས་ཨོ་སི་ཁྲུ་ལི་ཡའི་སྤྱི་དམངས་131དང་ནེའུ་ཙི་ལན་གྱི་སྤྱི་དམངས་9དུས་བཀག་ངེས་མེད་ངང་རྒྱལ་མཚམས་ནང་འཛུལ་རྒྱུར་བཀག་སྡོམ་བྱ་རྒྱུ་ཡིན་ཞེས་བཤད་པ་རེད།
ཨུ་རུ་སུའི་ཕྱི་འབྲེལ་པུའི་དྲ་ཚིགས་ཐོག་སྤེལ་བའི་གསལ་བསྒྲགས་ལ་གཞིགས་ན། ཨོ་སི་ཁྲུ་ལི་ཡ་དང་ནེའུ་ཙི་ལན་སྲིད་གཞུང་གིས་ཆབ་སྲིད་ཀྱི་ཀུན་སློང་ཐོག་ནས་ཨུ་རུ་སུའི་མི་སྒེར་དང་དངོས་ཚན་ལ་བཀག་སྡོམ་བྱས་པ་རེད། དེའི་ཐད་ཨུ་རུ་སུ་ཕྱོགས་ཀྱིས་ཨུ་རུ་སུར་ངོ་རྒོལ་བྱེད་པའི་སྲིད་ཇུས་ནང་ཞུགས་མཁན་ཨོ་སི་ཁྲུ་ལི་ཡའི་དམག་དོན་བཟོ་ལས་ཕྱོགས་བསྡུས་སྒྲིག་གཞིའི་འཐུས་མི་དང་། སྨྱན་སྦྱོར་གྱི་གསར་འགོད་པ། སྤྱི་གྲགས་མི་སྣ་བཅས་131དང་། དེ་བཞིན་ནེའུ་ཙི་ལན་གྱི་རྒྱལ་སྲུང་པུའུ་དང་དྲག་ཆས་དཔུང་སྡེའི་མི་སྣ་9དུས་ངེས་མེད་ངང་རྒྱལ་མཚམས་ནང་འཛུལ་མི་ཆོག་པའི་མིང་ཐོའི་ནང་བཅུག་པ་རེད།
