ཉེ་ཆར་མཚོ་དམག་ལེའོ་ཉིང་དམག་གྲུའི་དཔུང་རུས་ལོ་འཁོར་གྱི་མཚོ་ཐོག་རྒྱང་སྐྱོད་ཅན་གྱི་སྦྱོང་བརྡར་ལམ་ལྷོང་ལེགས་གྲུབ་བྱུང་ནས། བདེ་འཇགས་དང་བདེ་བླག་ངང་གྲུ་ཁར་ལོག་པ་རེད།
སྦྱོང་བརྡར་བྱེད་རིང་། རྒྱ་མཚོ་སེར་པོ་དང་། ཤར་རྒྱ་མཚོ་ཆེན་པོ། ལྷོ་རྒྱ་མཚོ་སོགས་ཀྱི་མཚོ་ཁོངས་མང་པོར་བསྐྱོད་དེ་དམག་འཐབ་ཀྱི་རྒྱབ་ལྗོངས་འོག་སྦྱོང་ཚན་མང་པོའི་ཕྱོགས་བསྡུས་ནང་སྦྱོང་བྱས་པ་དང་། དཔོན་དམག་ཚོས་བརྒྱུད་རིམ་ཧྲིལ་པོར་དོགས་ཟོན་ཆེན་པོ་དང་དུས་དང་རྣམ་པ་ཀུན་ཏུ་ཚུར་སྣང་ལན་ཆ་ཆེ་བའི་དམག་འཐབ་ཀྱི་རྣམ་པ་རྒྱུན་འཁྱོངས་བྱས་པ་རེད། ནན་ཧའེ་ཡི་མཚོ་ཁོངས་ཤིག་ཏུ་ལེའོ་ཉིང་དམག་གྲུ་དང་ཧྲན་ཏུང་དམག་གྲུའི་གནམ་ཐང་གྲུ་གཟིངས་གཉིས་ཀྱི་དཔུང་རུས་ནང་སྦྱོང་ཐེངས་དང་པོ་བྱས་ནས། གནམ་ཐང་གྲུ་གཟིངས་ཀྱི་དཔུང་རུའི་མ་ལག་གི་དམག་འཐབ་ནུས་པ་སྦྱོང་བརྡར་དང་ཆེ་རུ་བཏང་བ་རེད།
