ཧོང་ཡན་གླིང་ཕྲན་ནི་མ་གཞི་ནས་ཀྲུང་གོའི་མངའ་ཁོངས་ཡིན། དུས་ཡུན་རིང་པོའི་ནང་ཀྲུང་གོས་རྒྱུན་སྲིང་དང་། ཞི་བདེ། ནུས་ལྡན་བཅས་ཀྱི་སྒོ་ནས་ཧོང་ཡན་གླིང་ཕྲན་གྱི་བདག་དབང་དང་མངའ་ཁོངས་ལག་བསྟར་བྱས་ཡོད། དུས་ཚོད་ངེས་ཅན་ཞིག་རིང་། ཧྥི་ལི་ཕིན་གྱིས་དམག་མི་དང་ཉེན་རྟོག་པའི་དམག་གྲུ་དང་གནམ་གྲུ དེ་བཞིན་གཞུང་དོན་གྲུ་གཟིངས་ཡང་ཡང་བཏང་ནས་ཧོང་ཡན་གླིང་ཕྲན་ཉེ་འགྲམ་གྱི་རྒྱ་མཚོ་དང་མཁའ་ལམ་དུ་ཟིང་ཆ་དང་འཁྲུག་རྐྱེན་བསླངས་ནས། ཀྲུང་གོའི་མངའ་ཁོངས་ཀྱི་བདག་དབང་དང་རྒྱ་མཚོའི་ཁེ་དབང་ལ་གནོད་འཚེ་ཚབས་ཆེན་བཟོས་ཡོད། ཧྥི་ལི་ཕིན་ཕྱོགས་ཀྱིས་ད་དུང་ཉ་གྲུ་ཧོང་ཡན་གླིང་ཕྲན་དུ་འཛུལ་ནས་ཁྲིམས་འགལ་གྱི་ལས་ཀ་བྱེད་པར་ངན་སྐུལ་བྱེད་ཀྱི་ཡོད། ཤེས་རྟོགས་བྱུང་བར་གཞིགས་ན། ཧྥི་ལི་ཕིན་གྱི་ཉ་གྲུ་ཁ་ཤས་ཀྱིས་དུག་ཡོད་ཉ་དང་སྟོངས་ཉེར་ཡོད་པའི་ཆུ་གནས་རི་སྐྱེས་སྲོག་ཆགས་འཛིན་པ་སོགས་ཀྱི་ཁྲིམས་འགལ་བྱེད་སྤྱོད་སྤེལ་ནས་འབྲེལ་ཡོད་མཚོ་ཁོངས་ཀྱི་ཉམས་ཞན་སྐྱེ་ཁམས་མ་ལག་ལ་གཏོར་བཤིག་གཏོང་གི་ཡོད་པ་རེད།
ཀྲུང་གོའི་མཚོ་ཐོག་ཉེན་རྟོག་པས《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་མཚོ་ཐོག་ཉེན་རྟོག་བཅའ་ཁྲིམས》དང་།《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་ཉ་ལས་བཅའ་ཁྲིམས》《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རྒྱ་མཚོའི་ཁོར་ཡུག་སྲུང་སྐྱོང་བཅའ་ཁྲིམས》སོགས་བཅའ་ཁྲིམས་ཁྲིམས་སྲོལ་ལ་གཞིགས་པ་མ་ཟད།《མཉམ་འབྲེལ་རྒྱལ་ཚོགས་ཀྱི་རྒྱ་མཚོའི་བཅའ་ཁྲིམས་ཀྱི་སྤྱི་ཆིངས》སོགས་རྒྱལ་སྤྱིའི་བཅའ་ཁྲིམས་ཀྱི་གཏན་འབེབས་ལ་གཞིགས་ཏེ། རང་རྒྱལ་གྱི་ཧོང་ཡན་གླིང་ཕྲན་གྱི་མཚོ་ཁོངས་དང་དེ་བཞིན་འབྲེལ་ཡོད་མཚོ་ཁོངས་སུ་སྐོར་ཞིབ་ཁྲིམས་འཛིན་བྱ་རྒྱུར་མུ་མཐུད་ཤུགས་སྣོན་བརྒྱབ་ནས། འབྲེལ་ཡོད་མཚོ་ཁོངས་ཀྱི་སྒྲིག་ལམ་བཟང་པོ་མཐའ་གཅིག་ཏུ་སྲུང་སྐྱོབ་བྱེད་པ་དང་། འབྲེལ་ཡོད་མཚོ་ཁོངས་ཀྱི་སྐྱེ་ཁམས་ཁོར་ཡུག་དང་སྐྱེ་དངོས་ཐོན་ཁུངས་མཐའ་གཅིག་ཏུ་སྲུང་སྐྱོབ་བྱེད་པ། རྒྱལ་ཁབ་ཀྱི་མངའ་ཁོངས་བདག་དབང་དང་རྒྱ་མཚོའི་ཁེ་དབང་མཐའ་གཅིག་ཏུ་སྲུང་སྐྱོབ་བྱེད་པ་བཅས་བྱ་རྒྱུ་ཡིན་ཞེས་བཤད་པ་རེད།
