ཟླ་11ཚེས་10ཉིན། ཏེང་པ་སར་བཅའ་སྡོད་ཀྲུང་གོའི་སྤྱི་ཁྱབ་གཞུང་ཚབ་ཁང་གིས་བརྡ་ཡིག་བསྒྲགས་ནས། ཀྲུང་གོའི་སྤྱི་དམངས་ལ་ལེ་ཝོ་ཐོ་པི་མེ་རི་འཕྱུར་བའི་ཤུགས་རྐྱེན་ལ་དོ་སྣང་ཆེན་པོ་བྱེད་དགོས་པའི་དྲན་སྐུལ་བྱས་པ་རེད།
ཧིན་རྡུ་ཉི་ཞི་ཡའི་ནུའུ་ཧྲ་ཏེང་ཅ་ལ་ཤར་མའི་ཞིང་ཆེན་གྱི་ཧྥུ་ལུའོ་སི་ཤར་མའི་རྫོང་ལེ་ཝོ་ཐོ་པི་མེ་རི་ཉེ་ཆར་ཐེངས་མང་འཕྱུར་ནས་མེ་རིའི་ཐལ་རྡུལ་འབོར་ཆེན་ཐོན་པ་དེས་གནམ་ཐང་ཁག་གཅིག་གི་དུས་གཏན་གནམ་གྲུ་ལ་ཤུགས་རྐྱེན་ངེས་ཅན་བཟོས་ཡོད་པ་རེད། 2024ལོའི་ཟླ་11ཚེས་10ཉིན་ནུའུ་ཤར་ཞིང་ཆེན་ཁོ་མོ་ཏོ་རྒྱལ་སྤྱིའི་གནམ་ཐང་གནས་སྐབས་སྒོ་བརྒྱབ་པ་དང་། ནུའུ་ནུབ་ཞིང་ཆེན་གྱི་མ་ཐ་ལན་རྒྱལ་སྤྱིའི་གནམ་ཐང་དང་དེ་བཞིན་པ་ལི་ཞིང་ཆེན་གྱི་ནུའུ་ལ་ལའེ་དབྱི་རྒྱལ་སྤྱིའི་གནམ་ཐང་ནས་ཞང་ཀང་བར་འགྲོ་འོང་བྱེད་པའི་དུས་གཏན་གནམ་གྲུ་ཁག་གཅིག་ནར་འགྱངས་སམ་ཡང་ན་མེད་པར་བཟོས་ཡོད།
ཏེང་པ་སར་བཅའ་སྡོད་ཀྲུང་གོའི་སྤྱི་ཁྱབ་གཞུང་ཚབ་ཁང་གིས་བདག་ཁོངས་ཁུལ་གྱི་ཀྲུང་གོའི་སྤྱི་དམངས་ལ་ཧིན་རྡུ་ཉི་ཞི་ཡའི་འབྲེལ་ཡོད་སྡེ་ཚན་གྱིས་ཡོངས་བསྒྲགས་བྱས་པའི་སྔོན་ཚུད་ཉེན་བརྡའི་ཆ་འཕྲིན་ལ་དོ་ཁུར་དམ་ཟབ་བྱས་ནས། བདེ་འཇགས་ཀྱི་འདུ་ཤེས་ཟབ་ཏུ་གཏོང་བ་དང་རང་ངོས་དོགས་ཟོན་ལ་ཤུགས་སྣོན་བརྒྱབ་སྟེ་མེ་རིའི་ཉེ་འཁོར་དུ་མི་འགྲོ་བའི་དྲན་སྐུལ་བྱས་པ་རེད། འགྲུལ་ལམ་བཀོད་སྒྲིག་འོས་འཚམ་དང་ལུགས་མཐུན་བྱེད་པ་དང་འབྲེལ། གནམ་གྲུའི་སྤ་སེ་མངག་པའི་མཁའ་འགྲུལ་ཀུང་སིའམ་ཡང་ན་ཡུལ་སྐོར་ལས་དོན་ཁང་དང་འབྲེལ་གཏུག་བྱས་ཏེ། ལམ་ལ་མ་ཆས་པའི་སྔོན་དུ་ཉེན་འགོག་ཀུང་སིར་གནམ་གྲུའི་སྤ་སེ་ཉོ་བའི་དུས་ཚོད་འགོར་འགྱངས་བྱས་པའི་འབྲེལ་ཡོད་ཉེན་འགོག་སྐོར་གྱི་གནས་ཚུལ་འདྲི་དགོས། གལ་སྲིད་ཛ་དྲག་གི་གནས་ཚུལ་འཕྲད་ཚེ་འཕྲལ་མ་ཉིད་དུ་ཉེན་བརྡ་སྐྱེལ་བ་དང་འབྲེལ་ཏེང་པ་སར་བཅའ་སྡོད་ཀྲུང་གོའི་སྤྱི་ཁྱབ་གཞུང་ཚབ་ཁང་དང་འབྲེལ་བ་བྱེད་དགོས་པའི་བླང་བྱ་བཏོན་ཡོད་པ་རེད།
