ཚེས་8ཉིན་ཨུ་རུ་སུའི་ཙུང་ཐུང་གི་གསར་འགྱུར་དྲུང་ཡིག་ཕེ་སི་ཁོ་ཕུའུ་ཡིས། ཨུ་རུ་སུའི་ཙུང་ཐུང་ཕུའུ་ཅིང་གིས་ཨ་རིའི་ཙུང་ཐུང་ལ་བདམས་ཐོན་བྱུང་བའི་ཐེ་རོན་ཕུར་ཨུ་རུ་སུ་དང་ཡུག་རེན་བར་གྱི་གདོང་ཐུག་མཚམས་འཇོག་བྱ་རྒྱུའི་ཐད་འབྲེལ་གཏུག་བྱེད་འདོད་ཡོད་ཅེས་བཤད་པ་རེད། ཕེ་སི་ཁོ་ཕུའུ་ཡིས་ཕུའུ་ཅིང་ཁོང་ཨུ་རུ་སུ་དང་ཡུག་རེན་གྱི་གདོང་ཐུག་མཇུག་བསྒྲིལ་ཆེད་ལེགས་སྐྱེས་འབུལ་ཐུབ་མཁན་འབྲེལ་ཡོད་ཕྱོགས་དང་སྐད་ཆ་ཤོད་རེས་བྱེད་འདོད་ཡོད་ཅེས་ཡང་ཡང་བརྗོད་མོད། འོན་ཀྱང་། རྣམ་འགྱུར་དེའི་ཐོག་ནས་ཨུ་རུ་སུ་ཕྱོགས་ཀྱིས་ཞི་བའི་གྲོས་མོལ་གྱི་ཆ་རྐྱེན་ལ་འགྱུར་ལྡོག་གཏོང་ཐུབ་པ་མཚོན་གྱི་མེད། གཞན་ཡང་། ཨུ་རུ་སུའི་དམིགས་བསལ་དམག་དོན་བྱ་སྤྱོད་ཀྱི་དམིགས་ཚད་ལ་འགྱུར་ལྡོག་གཏོང་གི་མེད་ཅེས་ནན་བཤད་བྱས་པ་རེད།
