ཚེས་14ཉིན་འཚོགས་པའི་ཚོང་དོན་པུའི་རྒྱུན་ལྡན་གྱི་གསར་འགྱུར་ཡོངས་བསྒྲགས་ཚོགས་འདུའི་ཐོག ཨ་རིའི་ཚོང་དོན་པུས་ཐའེ་ཝན་བསགས་གཟུགས་གློག་ལམ་ཀུང་སི་ལ་འཕྲིན་ཡིག་བསྐུར་ཏེ། ཀྲུང་གོར་དབོར་བའི་མི་ཐབས་རིག་ནུས་མགྱོགས་གཏོང་ཡོ་ཆས་དང་རི་མོ་ཐག་གཅོད་ཚན་པར་སྤྱོད་པའི་ནཱ་སྨི་7ནམ་ཡང་ན་དེ་བས་སྔོན་ཐོན་གྱི་ཇུས་འགོད་ལ་སྤྱོད་པའི་རྙོག་འཛིང་ཆེ་བའི་ཉིང་ལྷེབ་ཁག་ཅིག་ཕྱིར་གཏོང་ཚོད་འཛིན་བྱེད་པའི་གནས་ཚུལ་ལ་དམིགས་ནས་གསར་འགྱུར་མགྲིན་ཚབ་པས་ལན་བཏབ་པ་རེད།
ཚོང་དོན་པུའི་གསར་འགྱུར་མགྲིན་ཚབ་པ་ཧོ་ཡུང་ཆན་གྱིས། ཀྲུང་གོ་ཕྱོགས་ཀྱིས་འབྲེལ་ཡོད་གནས་ཚུལ་ལ་དོ་སྣང་བྱུང་ཡོད། དུས་མཚམས་ཤིག་རིང་ཨ་རི་ཕྱོགས་ཀྱིས་ཕྱིར་གཏོང་དོ་དམ་གྱི་བྱེད་ཐབས་རྒྱུན་ཆད་མེད་པར་གང་བྱུང་དུ་སྤྱོད་པ་དང་། དཔུང་རིང་ཇུས་གཏོགས་ལག་བསྟར་བྱེད་པ། ཀྲུང་གོར་དམིགས་པའི་གློག་འདྲེན་ཕྱེད་རྫས་ལ་གནོན་ཤུགས་སྤྲོད་པ་དང་བཀག་འགོག་མུ་མཐུད་ནན་པོ་བྱེད་པ། གོ་ལ་ཧྲིལ་པོའི་གློག་འདྲེན་ཕྱེད་རྫས་ཁྲོམ་ར་ཁ་ཕྲལ་བཟོ་བ་བཅས་ནི་རྒྱལ་སྤྱིའི་དཔལ་འབྱོར་ཚོང་དོན་གྱི་སྒྲིག་སྲོལ་ལ་གཏོར་བཤིག་ཚབས་ཆེན་བཏང་བ་དང་། རང་མོས་ཚོང་དོན་ལ་བཙན་ཤེད་ངང་ཐེ་ཇུས་བྱས་པ་ཞིག་ཡིན་ལ་དཔེ་མཚོན་གྱི་ཁྲོམ་ར་མིན་པའི་བྱེད་སྟངས་ཤིག་ཀྱང་རེད།
ཚོང་དོན་པུའི་གསར་འགྱུར་མགྲིན་ཚབ་པས། གློག་འདྲེན་ཕྱེད་གཟུགས་ནི་གོ་ལ་ཧྲིལ་པོའི་ཐོན་ལས་ལས་བགོས་མཉམ་ལས་ཡིན་པའི་དཔེ་མཚོན་ཁྱབ་ཁོངས་ཡིན་པས་ཨ་རི་ཕྱོགས་ཀྱི་བྱེད་སྟངས་དེས་ཕྱོགས་ཁག་གི་ཁེ་ཕན་ལ་གནོད་འཚེ་ཚབས་ཆེན་བཟོ་བ་དང་། གོ་ལ་ཧྲིལ་པོའི་ཚན་རྩལ་སྤེལ་རེས་དང་དཔལ་འབྱོར་ཚོང་དོན་མཉམ་ལས་ལ་འགོག་རྐྱེན་བཟོ་སྲིད་ཅེས་ནན་བཤད་བྱས་པ་རེད།
