དོ་ནུབ་ནས་སང་ཉིན་བར་ས་ཆ་འདི་དག་ལ་གངས་ཧ་ཅང་ཆེན་པོ་འབབ་རྒྱུ་དང……

政务 2025-01-15 12:41 西藏

ཚེས་14ཉིན། རང་སྐྱོང་ལྗོངས་གནམ་གཤིས་ལས་ཁུངས་ཀྱིས་གནམ་གཤིས་སྔོན་བརྡ་བཏང་བར་གཞིགས་ན། སྔོན་དཔག་བྱས་ན། ཚེས་15ཉིན་གྱི་མཚན་མོ་མངའ་རིས་ཀྱི་ནུབ་རྒྱུད་དང་ལྷོ་རྒྱུད་ལ་གངས་ཆུང་བ་འབབ་རྒྱུ་དང་། ཚེས་16ཉིན་གྱི་ཉིན་མོ་ནས་མཚན་མོའི་བར་མངའ་རིས་ཀྱི་ནུབ་རྒྱུད་དང་ལྷོ་རྒྱུད། གཞིས་རྩེའི་ལྷོ་ནུབ་ཏུ་གངས་ཆུང་བ་ནས་འབྲིང་བའི་བར་འབབ་རྒྱུ་ལས་རྩྭ་མདའ་དང་སྤུ་ཧྲེང་རྒྱུད་དུ་གངས་ཆེ་བ་ནས་ཧ་ཅང་ཆེ་བའི་བར་འབབ་རྒྱུ། འབྲོང་པའི་ལྷོ་རྒྱུད་དང་ས་དགའི་ལྷོ་རྒྱུད་ཀྱི་ཤང་དང་གྲོང་རྡལ་ཁག་གཅིག་ལ་གངས་ཆུང་བ་ནས་འབྲིང་བའི་བར་འབབ་རྒྱུ། གོང་གསལ་གྱི་ས་ཆ་འདི་དག་ལ་ལྷགས་པ་རིམ་པ་7ཙམ་རྒྱག་རྒྱུ་དང་ཐོལ་རླུང་རིམ་པ་9རྒྱག་རྒྱུ་རེད།

ཚེས་16ཉིན། རྩྭ་མདའ་དང་སྤུ་ཧྲེང་གི་ས་བབ་མཐོ་བའི་རི་ཁུལ་དུ་གངས་སྐྱོན་འབྲིང་ཙམ་ཕོག་ཉེན་ཡོད་ཅིང་། གངས་འབབ་པ་དང་། གངས་གསོག་ཐེབས་པ། ཁ་བ་བུ་ཡུག་འཚུབ་པ་བཅས་ཀྱིས་རྐྱེན་པས་འགྲོ་ལམ་ཐོག་གངས་གསོག་ཐེབས་པ་དང་འཁྱགས་པ་ཐེབས་པ་དང་། མཐོང་ལམ་མི་གསལ་བར་གྱུར་ནས་འགྲོ་ལམ་འགྲིམ་འགྲུལ་ལ་ཤུགས་རྐྱེན་ཆེ་ཙམ་ཐེབས་སྲིད། དེའི་རིང་རྩྭ་མདའ་དང་། སྤུ་ཧྲེང་། འབྲོང་པ། ས་དགའ་སོགས་ས་ཆ་ཁག་གཅིག་ལ་ལྷགས་པ་ཆེ་བའི་གནོད་འཚེ་ཕོག་ཉེན་ཆུང་ཙམ་ཡོད། དེར་བརྟེན་ཞིང་འབྲོག་པའི་སྒྲིག་ཆས་ལ་གཏོར་སྐྱོན་ཕོག་པ་དང་། གནས་སྐབས་ཀྱི་སྐྲུན་དངོས་དང་བརྡ་ཁྱབ་བྱང་བུ་སོགས་རྡིབ་འགྱེལ་ལྷུང་གསུམ་བྱེད་པའི་ཉེན་ཁ་ཡོད་པ་རེད།

བུ་ཆུང་ཆུང་འདིས་ཉེན་རྟོག་པར་གུས་འདུད་ཞུ་དོན་གང་ཡིན་ཟེར་ན།

དིང་རིའི་ས་ཡོམ་ཁྲོད་མི་265གྲོངས་འདུག་ཟེར་བ་དཀྲོག་གཏམ་རེད་འདུག

ཤ་ལས་མཆེད་པའི་ཕྲུ་གུ་གཉིས་གྲོངས་པའི་གདུང་བས་མནར་རུང་། ཁོང་གིས……

རྩོམ་སྒྲིག་པ་གཙོ་བོ། བསྟན་འཛིན་རྒན་པ།

འགན་འཁུར་རྩོམ་སྒྲིག་པ། བསོད་ནམས་སྟོབས་ལགས།

ལག་བསྟར་རྩོམ་སྒྲིག་པ། ཤེས་རབ་རྡོ་རྗེ།

རྩོམ་ཡིག་སྐུར་ས་དང་འབྲེལ་གཏུག་བྱ་ཡུལ།

xzrbzwmt@163.com