ང་ཚོ་ཐུན་མོང་ལ་དབང་བའི་རྩོམ་རིག་གི་སྡིངས་ཆ་ཆེན་མོ་ཁྱུང་སྔོན་རྩོམ་རིགས་དྲ་བ།
琼翁文学网 属于我们共同的文学大舞台
国泰民安！世界和平！
树立中华民族共同体意识，坚定文化自信，促进文化繁荣，为民族复兴，国家强盛而不懈努力
——习近平
དེབ་གསར་གྱི་འཕྲིན།
དཀར་ཆག
03
04
01
02
ལྷན་ཐབས་རྣམ་ཐར་རིན་ཆེན་སྤུངས་པ་བཀླགས་པའི་འོས་སྦྱོར།
ངས་གུང་ཐང་སློབ་གཉེར་བསླབ་བྱའི་དཔེ་ཁྲིད་ལྔ་དྲུག་ཅིག་ལ་ཉན་མྱོང་བ་དང་། སློབ་གཉེར་བསླབ་བྱའི་དཔེ་ཁྲིད་ཟིན་བྲིས་གསུམ་ལ་བལྟས་མྱོང་། དེ་དག་གིས་ང་ལ་བློ་སྐྱེད་བྱིན་པ་ཡང་ཉུང་ཉུང་ཞིག་གཏན་ནས་མིན། དེའི་སྟེང་ལ་རང་གིས་ཀྱང་འཇོན་ཚོད་ཀྱིས་གུང་ཐང་སློབ་གཉེར་བསླབ་བྱར་བློར་འགྲོ་ཙམ་གྱིས་དོན་གཉེར་ཅུང་རེ་བྱས་པས་བསླབ་བྱ་འདིར་གོ་བ་ཡོད་ཤག་གི་གྲས་སུ་བརྩིས་ཀྱང་མི་འགྲིག་པ་ཨེ་ཡོད་དམ་སྙམ།
གུས་པའི་དགེ་སྤུན་དམ་པས་གུང་ཐང་སློབ་གཉེར་བསླབ་བྱའི་ལྷན་ཐབས་རྣམ་ཐར་རིན་ཆེན་སྤུངས་པ་ཞེས་པའི་ཁོང་གི་བརྩམས་ཆོས་དེ་ལ་ཞུ་དག་ཅིག་གཏོང་དགོས་པའི་འགན་ལྕི་མོ་དེ་བདག་ལ་བསྩལ་བས་བྱི་བས་གླང་ཁུར་ལེན་པའི་དཔེ་ལས་མ་འདས་ཀྱང་སེམས་ཞིབ་མོས་ཐེངས་ཤིག་བཀླགས་པས་ཁོང་གི་འབྲི་བའི་རྩལ་དང་། ཐོས་པའི་རྒྱ། ས་བཅད་འགྲེམ་སྟངས་སོགས་ཀྱིས་བློ་ཡིད་སེམས་གསུམ་ཅིག་ཅར་ཏུ་བཀུག་པས་རང་གིས་གོ་སྙམ་པ་དག་ཅི་ཡང་གོ་མེད་པ་བདེན་ལུགས་ཀྱིས་ར་སྤྲད་པར་གྱུར།
དེབ་འདིར་བསྟན་པ་ཕྱི་དར་སྐབས་ཀྱི་བན་བོན་གསར་རྙིང་གི་མཁས་གྲུབ་གོང་མ་སུམ་ཅུ་སོ་བདུན་གྱི་རང་རྣམ་དྲངས་ཡོད་པ་དང་། གཞན་དེབ་ཐེར་སྔོན་པོ་དང་མདོ་སྨད་ཆོས་འབྱུང་། སྒོ་མང་ཆོས་འབྱུང་སོགས་ཆོས་འབྱུང་མང་བོ། སྐུ་འབུམ་གདན་རབས་དང་བྱ་ཁྱུང་གདན་རབས། བླ་བྲང་གདན་རབས་རོང་བོའི་གདན་རབས་སོགས་གདན་རབས་ཁག་ནས་ཀྱང་ཁ་བསྐངས་ཏེ་ཉེར་མཁོའི་རྣམ་ཐར་མང་དུ་དྲངས་ནས་གུང་ཐང་སློབ་གཉེར་བསླབ་བྱའི་ཚིག་འགྲེལ་ཙམ་གྱི་གཞི་རྒྱ་གཏོར་ཏེ་དོན་འགྲེལ་གྱི་རྣམ་པས་བཀྲལ་ཡོད་པ་དང་། ལྷག་པར་རྣམ་ཐར་མང་བོ་སྐབས་དང་འབྲེལ་ནས་དྲངས་ཡོད་པས་ངེས་ཤེས་འདྲོངས་སླ་བ་དང་། ཚིག་འགྲེལ་ཙམ་བཀླགས་པའི་གོ་བ་ལས་འགོངས་ཏེ་སྐྱེས་ཆེན་དམ་པ་མང་བོའི་རྣམ་ཐར་གྱིས་བསླབ་བྱའི་ནང་དོན་ཇེ་གསལ་དུ་བཏང་ནས་ཁོང་གིས་ཀྱང་སློབ་གཉེར་འདི་བཞིན་བྱས་འདུག་སྙམ་པའི་གོ་བ་འཕར་མ་ཞིག་སྟེར་ཐུབ་ཅིང་།
ད་དུང་དགེ་སྤུན་ཁོང་གིས་ཨ་ཕའི་ཁ་ཕོར་གཙང་ཞེན་གྱིས་འཆིང་རྒྱས་མ་བཅིངས་པར་སློབ་གཉེར་བསླབ་བྱའི་ལྷན་ཐབས་འདིའི་ནང་དུ་ཁོང་དགེ་ལུགས་པའི་སློབ་གཉེར་བ་ཞིག་ཡིན་པའི་ཞེན་ཁོག་མ་བཟུང་བར་ཆོས་བརྒྱུད་ཀྱི་དབང་དུ་བྱས་ན་གཡུང་དྲུང་བོན་གྱི་མཁས་གྲུབ་གཅིག། སྔ་འགྱུར་རྙིང་མའི་མཁས་གྲུབ་གཉིས་དཔལ་ལྡན་ས་སྐྱའི་མཁས་གྲུབ་ལྔ་འགྲོ་མགོན་བཀའ་བརྒྱུད་པའི་མཁས་པ་གསུམ། རྒྱལ་བ་ཇོ་ནང་བའི་མཁས་གྲུབ་གཉིས། དཔལ་མཉམ་མེད་རི་བོ་དགེ་ལྡན་པའི་མཁས་གྲུབ་ཉེར་བཞིའི་རང་རྣམ་ལས་གང་མཁོ་བ་དག་གསལ་འདེམས་ཀྱིས་བཀོད་པས་ཁོང་གི་བརྩམས་ཆོས་འདིས་ཞེ་ཁོངས་དོག་པ་དག་ལ་གསལ་འདེབས་དམིགས་བསལ་བ་ཞིག་ཀྱང་བྱས་ཡོད།
ད་དུང་ཕྱོགས་གཞན་ཞིག་ནས་བལྟས་ན་དེབ་འདིའི་བོངས་ཚོད་ཆེ་བས་ཅུང་ལེ་ལོར་འགྱུར་སྲིད་ན་ཁྱེད་ཀྱིས་དེབ་འདིའི་དཀར་ཆག་ལ་ཐོག་མར་གཟིགས་དང་བྱེེ་བྲག་ཏུ་ཐོོས་བསམ་རྩལ་དུ་འདོོན་པར་སྐུལ་བ། སློོབ་གཉེེར་གྱིི་རྩ་བ་བཤེེས་གཉེེན་བསྟེེན་པའིི་ཚུལ། གྲོོགས་ངན་སྤང་བར་གདམས་པ། གཅིིག་པུར་གནས་པར་གདམས་པ། སྔོོན་བྱོོན་དམ་པའིི་རྣམ་ཐར་ལྟར་འདོོད་ཡོོན་སྤོོང་རིིགས་པར་གདམས་པ། གཏན་གྱིི་འདུན་མ་ལ་བསམ་སྟེེ་འདོོད་ཡོོན་སྤང་དགོོས་པར་གདམས་པ་སོགས་ཚན་པ་གཅིག་ཁོ་ནར་བལྟས་པས་ཀྱང་ཁྱེད་ལ་བློ་སྐྱེད་མང་བོ་ཞིག་ཐོབ་པའི་ཡིད་ཆེས་བྱས་ཆོག
མདོར་ན་དེབ་འདི་ནི་ཁོ་བོས་ཉེ་དུས་བཀླགས་པའི་བརྩམས་ཆོས་དག་གི་ཁྲོད་ནས་ཆེས་ལེགས་ཤོས་དང་། གོ་བ་སྐྱེད་ཤོས། ཡང་ཡང་བལྟ་འདོད་པའི་དེབ་ཅིག་ཏུ་མཐོང་ནས་རང་གི་མྱོང་ཚོར་ཙམ་ཞིག་ཤིན་ཏུ་བསྡུས་པར་བྲིས་པ་ལགས།
ཞེས་མདོ་སྨད་ལྷོ་རྒྱུད་ཀྱི་འབྲོག་སྡེ་ཆེན་པོ་ཚ་ནག་ཏུ་ལྟེ་ཁྲག་འཕོས་པ་ཚ་ནག་ཀུན་བཟང་གིས་བྲིས། ༢༠༢༤/༡༠/༢༩ཉིན།
版权声明：版权归《卡加琼翁综合文学网》所有，未经允许任何单位或个人不得转载、复制或以任何其他方式使用排版素材与本文全部或部分，侵犯必究。
བདག་དབང་། ངེད་འཕྲིན་སྟེགས་འདིར་བཀོད་ཟིན་པའི་རྩོམ་ཡིག་དང་འཆད་ཁྲིད། རྒྱུ་ཆ་སོགས་གང་ཡིན་ཡང་ཆོག་མཆན་མེད་པར་རྐུ་འཁྱེར་དང་བཤུ་འགོད། ནང་དོན་དང་རྒྱུ་ཆ་སོགས་བཅད་གཏུབ་ཀྱིས་སྤེལ་ན་ཁྲིམས་ལྟར་རྩད་གཅོད་ཡོད།
དོ་ཁུར་གནང་རོགས།
谢谢关注视频号
དཔེ་ ཀློག
དཔེ་ཀློག| ཤེས་རབ་ཀྱི་མི་ཚེ།
འཆད་ཁྲིད།|བརྩོན་འགྲུས་ཀྱི་སྟོབས།
རྩོམ་རིག|གཞུང་ལུགས་ཀྱི་འཇིངས།
赞赏
འཕྲིན་སྟེགས་སུ་ཚོགས་པ་དང་མི་སྒེར་གང་རུང་གི་ཁེ་དབང་ལ་གནོད་པའི་ནང་དོན་ཅན་ཡོད་ཚེ་མྱུར་དུ་འབྲེལ་གཏུགས་བྱོས་དང་དྲྭ་ལམ་ནས་བསུབ་ཆོག
རྩོམ་པ་བོ་དག་གིས་ཡིད་གཟབ་གནང་རྒྱུ་ཞིག་ལ། སྐུ་ཉིད་ཀྱི་བརྩམས་ཆོས་གང་ཡིན་གཞན་གྱི་འཕྲིན་སྟེགས་སུ་བསྐུར་ཟིན་པ་དག་འདིར་མི་བསྐུར་བར་ཞུ། རྒྱུ་མཚན་བརྩམས་ཆོས་དེ་སྟེགས་བུ་གཅིག་ལ་དབང་ན་ལེགས་པ་དང་དེ་མིན་འགོད་མི་ཐུབ་པའི་དཀའ་ལས་སུ་འཕྲད་པས་དེའི་ལུགས་ལ་ཡིད་འཇགས་འཚལ།
ནང་དོན་འགོད་ལུགས།
༄༅།།ཁྱུང་སྔོན་བོད་ཡིག་རྩོམ་རིག་སྤྱི་སྟེགས་ནི་བོད་ཀྱི་རྩོམ་པ་པོའི་དཔུང་སྡེའི་ཐུན་མོང་ལ་དབང་བའི་སྣ་འཛོམས་རང་བཞིན་ཅན་གྱི་དྲ་ལམ་རྩོམ་ཡིག་སྤེལ་སའི་སྡིངས་ཆ་ཞིག་ཡིན།དེར་དཔྱད་རྩོམ་དང་འབོལ་རྩོམ་ལྷུག་རྩོམ་སྙན་ངག འཆད་ཁྲིད། གླུ་གཞས་དང་གྱེར་འདོན། ཡིག་གཟུགས་དང་དེབ་འཕྲིན་སོགས་འགོད་ཀྱིན་ཡོད་པས་ཁྱེད་ཅག་གིས་རྩོམ་ཡིག་སྤུས་གང་དག་རེ་བསྐུར་གནང་ཡོང་བར་ཞུ།
琼翁藏文文学平台是属于整个藏族作家的一种多样性的文学平台，在这里你可以阅读到论文、散文、诗歌、随笔、书法及书信；还可以聆听到讲座、歌曲、朗诵。这里无奇不有，应有尽有。也欢迎各位作家前来投稿！
