گۈزەل ھايات 11-بۆلۈم11-قىسىم _ چاچنى كىسىۋەتتى

11-قىسىم

چاچنى كىسىۋەتتى

دىلنار ئويغانغاندىن كېيىن، تۇنجى بولۇپ كۆرگەن ئادەم يەنىلا ئەنسەر بولدى.

ئۇ بۇرۇنقىغا ئوخشاش كونا ھۈنىرىنى ئىشلىتىپ، قەتئىي نىيەتكە كېلىپ، چاپلىشىۋېلىشنى قارار قىلدى.

ئۇ دىلنارغا ئىستاكاندىكى سۇنى سۇندى، يەنە ئۇنىڭغا بىر نەرسە يېگۈزۈپ قويۇشقا  تەمشەلدى.

دىلنار بېشىنى بىر تەرەپكە بۇراپ:

   -  مەمەت تاغامنىڭ ئۆيىدىكىلەر مېنىڭ دوختۇرخانىدا يېتىپ قالغىنىمنى بىلمەمدۇ؟ - دەپ سورىدى.

ئەنسەر سەل تۇرۇۋېلىپ:

  -  مەن ئۇلارنىڭ ئارام ئېلىشىڭىزغا دەخلى قىلىپ قويۇشىدىن ئەنسىرەيمەن، بۇ يەردە ئادەم بەك كۆپ بولسا،  بىزار بولۇپ قالىسىز، - دېدى. 

  -  ھازىر مېنى 10 مىڭ كىشىلىك خەلق مەيدانغا تاشلىۋەتسىڭىزمۇ ھېچقىسى يوق، ھازىر مېنى بىزار قىلىدىغان ئادەم پەقەت سىزلا.  - دېدى دىلنار.

ئەنسەر قاچىنى بىر چەتكە قويۇپ، ئورنىدىن تۇرۇپ:

  -  مەن بېرىپ ئۇلارنى چاقىرىپ كېلەي، - دېدى.

دىلنار مىدىر-سىدىر قىلمىدى.

مەمەت تاغا بىلەن ئايالى رىزۋان ھامما ئىزچىل دوختۇرخانىدا تۇرۇپ، بۇ يەردىن ئايرىلىپ باقمىغاندەك قىلاتتى، ئەنسەر سىرتقا چىقىپ ئۇزۇن ئۆتمەي، ئەر - ئايال ئىككىيلەن كىرىپ كەلدى.

مەمەت تاغا ئوتتۇرا ياشقا كېلىپ قالدى، ئۇنىڭ ھالىدىن شۇنچە يىل خەۋەر ئېلىپ، مەركىزى شەھەردە پۇت تىرەپ تۇرۇش ئۈچۈن كۈرەش قىلىپ، ئۇنىڭغا يېتەرلىك مۇقىم تۇرمۇش ئاتا قىلدى، ئۆزى ئەزەلدىن مىجەزى تۈز، پىشقان ۋە ئۆزىنى تۇتۇۋالغان ئادەم ئىدى.

ئەمدىلىكتە دىلنارنى كۆرۈپ، كۆزلىرى قىزىرىپ، چىرايىدىن ئۆكۈنۈش ۋە ئىچ ئاغرىتىش چىقىپ، خۇددى ئېغىر زەربىگە ئۇچرىغان ياشانغان دادىغا ئوخشاپ قالغانىدى.

ئەينى يىلى دىلنار تاغدىن چۈشۈپ كېتىپ دوختۇرخانىغا ئېلىپ كېلىنگەندە كۆرگەن قىياپىتى بىلەن يەنىلا ئوخشىمايتتى.

مەمەت تاغا راستتىنلا قېرىپ كېتىپتۇ.

شۇنداق، ئەينى يىلىدىكى كىچىك دىلنار، ئەڭ كۆپ بولغاندىمۇ بەدىنى ئېگىزدىن يىقىلغانلىقتىن  ئېغىر يارىلانغان، يەنە تېخى ئۆزىنىڭ يېشىنىڭ كىچىك، بەدىنىنىڭ تېز ئەسلىگە كېلىش كۈچىگە تايانغان، كېيىن يەنە سەكرەپ-تاقلاپ، ھېچ ئىش بولمىغاندەك كەينىدىن ئەگىشىپ يۈرگەن.

ئەنسەر ئۇنى  ئۆپكىسى يوق دەپ قويسا، يەنە تېخى خاپا بولۇپ قالغان.

ئۇ ھازىر بالا ئەمەس،  كىچىك ۋاقتىدىكىدەك ئېگىز تاغدىن قاتتىق چۈشۈپمۇ كەتمىدى، لېكىن  يۈرىكى پارە-پارە بولۇپ كەتتى.

ئۇ ھازىر ئۆزىنىڭ ۋىجدانسىز ، ئۆپكىسى يوق ئادەم بولۇشىنى ئۈمىد قىلدى، ئەگەر شۇنداق بولالىسا، يۈرىكىنىڭ پارە - پارە بولغاندىكى ئازابنى ھېس قىلمايتتى، ھەمدە بۇ ئىشنى كېيىنكى كۈنلەردە پۈتۈنلەي ئۇنتۇپ كېتەلەيتى.

مەمەت تاغا  پۈتۈن ئۆمرىنى، ھەتتا  پۈتۈن ئائىلىسىدىكىلەر بىلەن قوشۇلۇپ ئۇنىڭ ئۈچۈن سەرپ قىلدى، ئەتراپىدا پەرۋانە بولدى ، ئەمدىلىكتە ئۇ  قانداق  جاۋاب قايتۇرۇۋاتىدۇ. مۇشۇنداق ئەنسىرتىپمۇ؟

 ئۇ پەقەت ياخشى، ساغلام خۇشال - خۇرام ياشىيالىسا ئاندىن باشقا ئىشلارنى قىلالايدۇ.مەمەت تاغىمۇ خاتىرجەم ياشىيالايدۇ.بىراق  ئۇ ئەينى چاغدا ئەنسەرنىڭ  يامان ئاتقا  قالماسلىقى  ئۈچۈن  سەبىرەگە ئۆزى قول سېلىشنى ئويلاپ،  بىر ئۆمۈر ئۆزىنى ئەيىبلىمەسلىك خىيالىدا بولغاندا، مەمەت تاغىسىنى زادى نەگە قويدى.

بۇ دۇنيادا ئۇنىڭغا ھەقىقىي كۆڭۈل بۆلىدىغان، ئۇنىڭ باشقىلاردىن ياخشى ياشىشىنى ئۈمىد قىلىدىغان ئادەم بار ئىدىغۇ؟! ئۇ نېمە ئۈچۈن ئۆزى ئارقىلىق باشقىلارنى  مۇرات - مەقسىتىگە يەتكۈزۈشنى ئويلايدۇ.

بىر قېتىملىق ساۋاق ئۇنىڭ جېنىغا زامىن بولغىلى تاس قالغانلىقى يەتمەي،  يەنە بىر قېتىم كۆكرەك كېرىپ ئوتتۇرىغا چىقىپ، بالىسىنىڭ جېنىغا زامىن بولدى

- خانقىز! سىز...   -  - مەمەت تاغىنىڭ دەيدىغان گېپى بەك كۆپتەك قىلغىنى بىلەن،  نېمىلا دېسە توغرا ئەمەستەك بىلىندى.

دىلنار كۈلۈپ تۇرۇپ:

   -  كەچۈرۈڭلار، سىلەرنى ئەنسىرىتىپ قويدۇم. - دېدى.

مەمەت تاغا قىپقىزىل كۆزلىرىنى چىمچىقلىتىپ:

   -  بۇ مېنىڭ خاتالىقىم، مەن ئەينى چاغدا سىزنى ئۇ ئەر بىلەن يېقىنلىشىشقا يول قويماسلىقىم كېرەك ئىدى، ئەگەر ئەينى چاغدا  سەل قاتتىقراق بولۇپ، سىزنى بۇ شەھەردىن ئېلىپ كەتكەن بولسام، بۇنداق ئىش بولمىغان بولاتتى! ھەممىسى مېنىڭ خاتالىقىم،  سىزنى ياخشى قوغدىيالمىدىم!  - دېدى.

ئۇ يەنىلا چىداپ تۇرالماي قولىنى سوزۇپ كۆز قۇيرۇقىدىكى ياشنى سۈرتتى.

دىلنار ئۇنىڭغا جىمجىت قاراپ، كۆڭلى بىر قىسما بولۇپ يۈرىكى ئېچىشىپ:

-  بۇنىڭدىن كېيىن ئۇنداق قىلمايمەن، مەمەت تاغا.  - دېدى.

مەمەت تاغا قايتا-قايتا ئۇھسىندى. دىلنار نەزىرىنى بىر چەتتە تۇرغان رىزۋان ھاممىغا يۆتكەپ:

   -  رىزۋان ھامما، قورسىقىم ئاچتى. - دېدى.

رىزۋان ھامما دەرھال ئالدىغا بېرىپ، ياندىكى شوۋرىگۈرۈچ قاچىسىنى ئېلىپ:

   -  ھازىرچە مەن يېگۈزۈپ قوياي. - دېدى. 

  -   ھىم، - دېدى دىلنار. 

ئۇنىڭدىن كېيىن دىلنار مەمەت تاغىغا بىر قارىغۇچى تەكلىپ قىلىپ بېرىشنى ئېيتتى، مەمەت تاغا بىلەن رىزۋان ھامما نۆۋەتلىشىپ قارىغۇچى بىلەن بىللە ئۇنىڭ ھالىدىن خەۋەر ئالدى، دىلنارمۇ رەت قىلمىدى.

ئۇ ئەنسەرنىڭ بارلىق ئورۇنلاشتۇرۇشىنى رەت قىلدى.

 كېيىنكى ئىككى كۈندە، ئەنسەرمۇ كۆرۈنمىدى.

دىلنارنىڭ ئەتراپىدىكى ھەرقانداق ئادەم  خۇددى مەڭگۈ تەشەببۇسكارلىق بىلەن دىلنارنىڭ يوقىتىپ قويغان ھېلىقى بالىسىنى تىلغا ئالمىغاندەك، ئەنسەرنىمۇ تىلغا ئالمىدى.

دىلنارنىڭ پوزىتسىيەسىدىمۇ  بۇ دۇنيادا بۇنداق ئادەم يوق ئىدى.

ئەمەلىيەتتە، ئەنسەر ھەر كۈنى دوختۇرخانىغا كەلدى، ھەر قېتىم مەمەت تاغا ئورۇنلاشتۇرغان ئادەم ئۇنىڭدىن قاتتىق ئېھتىيات قىلىپ   ئۇ كېسەلخانىنىڭ ئىشىكى ئالدىدا پەيدا بولۇپلا قالسا، ئۇنى توسۇپ قايتۇرۋېتەتتى.

ئۇ بۇنىڭ كىمنىڭ پىكىرى ئىكەنلىكىنى بىلەتتى، شۇڭا ھەر قېتىم دوختۇردىن ئۇنىڭ كېسەللىك ئەھۋالىنى جەزملەشتۈرگەندىن كېيىن،  كېتىپ قالاتتى.

بۇ قېتىمقى ئىشتا، ئۇنىڭ دىلنارغا ئېلىپ كەلگەن زىيىنى، يۈزىنى قېلىن قىلىپ چاپلىشىۋالسىلا ھەل بولۇپ كېتىدىغان ئىش ئەمەس.

ھازىر مۇھىم بولغىنى، ياخشى داۋالىتىش.

دىلنارنىڭ ئۇنى كۆرگۈسى يوق، ئۇنداقتا ھازىرچە ئۇنىڭ ئالدىدا پەيدا بولمىسۇن.

سەبىرە ھازىرمۇ دوختۇرخانىدا يېتىۋاتىدۇ، يارلانمىغىنى بىلەن  قورقۇپ كەتكەن، ئۆزىنىڭ  ئەسىلىدىمۇ يۈرەك كېسىلى بار، شۇنداقلا ھامىلىدار بولۇپ قالدى، قائىدە بويىچە سەل قاراشقا  بولمايدۇ.

لېكىن بۇ بىر نەچچە كۈندە، ئەنسەر دىلنارنى كۆرەلمىدى، سەبىرەنىمۇ كۆرگىلى بارمىدى.

سەبىرەئالدىنقى قېتىم  دىلنارنىڭ ئىشىكى ئالدىدا ئەنسەرنىڭ سورىغان سوئالىنى  قايتا-قايتا ئويلىنىپمۇ، ئۇنىڭ زادى نېمە دېمەكچى ئىكەنلىكىنى بىلەلمىدى.

ئەمما دىلنار بىلەن چوقۇم بىر قېتىم كۆرۈشۈشنىڭ ئىنتايىن زۆرۈرلۈكىنى ھېس قىلدى.

بىراق ھەر قېتىم ئۇنىڭ ئىشىك ئالدىغا كەلگەندە، توسۇلۇپ قالاتتى.

سەبىرە دىلنارنى بىر نەچچە قېتىم ئىزدەپ باردى،  دىلنار بۇنى پۈتۈنلەي بىلمەيتتى، چۈنكى كۆپىنچە ۋاقىتلاردا  ئارام ئېلىۋاتقان بولغاچقا، سىرتتىكى ئىشلارنى ئاڭلىمايتتى.

ئىككى ئورۇندىكى ئېغىر يارا،  يەنە بويىدىن ئاجراپ كېتىشتەك بەدەنگە ئەڭ زىيانلىق ئىش تەڭ كۆرۈلگەچكە، ھازىر بەدىنى ھەقىقەتەن  ئاجىزلاپ كەتتى.

لېكىن ئادەتتىكى ئويغاق ۋاقتىدا سەبىرە كەلگەندە بولسا ئۇ يەنىلا بىلەتتى.

سەبىرەنىڭ ئىشىك سىرتىدا ئۇنى كۆرۈشنى تەلەپ قىلغانلىقىنى ئىككى قېتىم ئاڭلىغان.

رىزۋان ھاممىدەك شۇنداق مۇلايىم ئايالمۇ،  ئۇنى تىلغا ئالغاندا، نەپرەت بىلەن چىشى غۇچۇرلاپ:

  -  ھازىرقى قىزلار زادى قانداق بولۇپ كەتتى؟ ئاۋۇ يۈزمۇ ياكى باشقا نەرسىنىڭ تېرىسىمۇ؟ ئادەمگە زىيانكەشلىك قىلىپ مۇشۇ ھالغا چۈشۈرۈپ قويغان تۇرۇقلۇق. يەنە ھەر كۈنى كېلىپ باشقىلارغا خاپىلىق تېپىپ بەرگىنى قارا!  - دېدى.

دىلنار كۈلۈپ قويۇپ:

   -  ئەگەر ئۇ راستتىنلا نومۇسنى  بىلگەن بولسا، بۇنداق كۆپ ئىش يۈز بەرمىگەن بولاتتى.  - دېدى.

گەپلىرى ئادەتتىكىدەك چىقتى،  چىرايىدا ھېچقانداق ئۆزگىرىش بولمىدى، ئەمما رىزۋان ھاممىنىڭ چىرايى ئۆزگىرىپ كەتتى.

ئەمدىلا ئاقلانغان ئالمىنى تەخسىگە قويۇپ، ئورنىدىن تۇرۇپ قوشۇمىسىنى تۈرۈپ ئىشىكنى ئېچىپ:

  -   بولدى قىلامسىز - قىلمامسىز؟ يۈزسىزلىك  قىلىشنىڭمۇ چېكى بولۇشى كېرەك، ئادەمنى مۇشۇ ھالىغا چۈشۈرۈپ قويدىڭىز،  بىز تېخى سېنى ئىزدىمىسەك، سىز تەشەببۇسكارلىق بىلەن بىزنى ئىزدەپ كېلىشكە پېتىنالىدىڭىزمۇ؟ سىز زادى نېمە قىلماقچى؟ !  - دېدى.

ئىشىك ئالدىدا قوغدىغۇچى بىلەن مەسلىھەتلىشىۋاتقان سەبىرە چۆچۈپ كەتتى،  مەيدىسىنى سېرىپ، ئۆزىنى ئازراق پەسكويغا چۈشۈرۈپ پەس ئاۋازدا:

  -  رىزۋان ھامما،  دىلنار ئاچامنى يوقلاپ چىقاي ، بۇ ئىشتا مېنىڭمۇ خاتالىقىم بار،  ئۇنىڭدىن يۈز تۇرانە كەچۈرۈم سورايمەن... - دېدى  .

  - مېنىڭمۇ خاتالىقىم بار؟ ! بۇ نېمە دېگىنىڭىز؟   - رىزۋان ھامما قاتتىق غەزەپلەندى،-  سىزنىڭچە بۇ ئىشتا ئاساسلىق خاتالىق كىمدە؟ !  - دەپ سورىدى.

سەبىرە يەنە تۈگۈلۈپ قېلىپ:

   -  مەن...  ھەممىسى مېنىڭ خاتالىقىم... - دېدى. 

رىزۋان ھامما ئۇنىڭ  ئاجىز بولۇۋالغان ھالىتىنى كۆرۈپ، تېخىمۇ ئاچچىقى كېلىپ:

   -  سىز... دەرھال يوقۇلۇڭ! - دېدى. 

سەبىرە لېۋىنى چىشلەپ كېسەلخانا ئىچىگە قارىدى، ئۇ كېسەل كارىۋىتىدا ياتقان دىلنارنىڭ يېرىم بەدىنىنى كۆرەلىدى، كېسەل ئالامىتى چىقىپ تۇرغان تاتىرىپ كەتكەن  يۈزىنى  كۆرۈپ، ئۇنىڭغا سوغۇق نەزەردە قارىدى.

ئۇ رىزۋان ھاممىنىڭ غەزەپلىك ئېيتقان گەپلىرىنى ئاڭلاپ، بىر چەتتە قاراپ تۇردى، ئۇنى توسۇشتىن باشقا، ئۇنىڭ بىلەن تاكالىشىش نىيىتىمۇ يوق ئىدى.

سەبىرە نەزىرىنى قايتۇرۇپ، پەس ئاۋازدا:

   -  كېلەر قېتىم يەنە كېلىمەن، -  دېگەندىن كېيىن، ئالدىراپ كېتىپ قالدى.

رىزۋان ھامما يەنە بىر قېتىم ئۇنىڭ ئەڭ ئاخىرقى بىر ئېغىز گېپىدىن خاپا بولدى!

يەنە كېلەر قېتىم كېلەرمىش!

كېسەلخانىغا قايتىپ كىرگەندىن كېيىن، رىزۋان ھامما چىرايىنى تۈزۈك ئاچماي:

   -  دەرۋەقە ئادەمنىڭ يۈزى قېلىن، جاھاندا تەڭدىشى بولمايدىكەن، بۇ ئايالنىڭ ھەقىقەتەن ئادەمنىڭ ئاچچىقىنى كەلتۈرەلەيدىغان ئىقتىدارى بار ئىكەن!  - دېدى.

دىلنار ئوڭ قولىنى يېنىك كۆتۈرۈپ، بوينىغا ساڭگىلاپ تۇرغان  ئۇزۇن چاچلىرىنى سىيلاپ:

  -  رىزۋان ھامما، چېچىمنى يۇيىدىغان ۋاقىتىم بوپتۇ، - دېدى. 

يارا ئېغىزىغا سۇ تېگىپ كېتىشتىن ئەنسىرەپ، ئىزچىل چىداپ يۇيۇپ باقمىغانىدى.

ھەقىقەتەن بەك بىئارام بولدى.

رىزۋان ھاممىمۇ دىلنارنىڭ ئەزەلدىن پاكىزلىقنى ياخشى كۆرىدىغانلىقىنى بىلىدۇ، بۇ بىر نەچچە كۈندە،   ئەڭ ئاخىرقى چېكىگىمۇ يەتتى.

لېكىن رىزۋان ھاممىمۇ  تەڭقىسلىقتا قالدى، ئۇنىڭ ئالدى كۆكرىكى، كەينى بېلى يارىلاندى، مەيلى دۈم ياتسۇن ياكى ئوڭدىسىغا ياتسۇن، قاملاشمايتتى.

- خانقىز، يەنە بىر نەچچە كۈن چىداڭ، يارا ئېغىزىنىڭ ئەسلىگە كېلىشىنى ساقلايلى بولامدۇ... - دېدى رىزۋان ھامما. 

دىلنار قولىدىكى چاچلىرىنى تولغاپ، بىردەم جىم تۇرغاندىن كېيىن، ئاستاغىنا :

- چېچىمنى كېسىپ قويۇڭ، - دېدى . 

رىزۋان ھامما ھاڭۋىقىپ تۇرۇپ قېلىپ:

- نېمە؟  - دېدى.

دىلنار يېنىك نەپەس ئېلىپ:

   -  كېسىۋېتەي، ئاۋارىچىلىك ئىكەن، - دېدى. 

رىزۋان ھامما يەنىلا ئىنكاس قايتۇرالمىدى، ئۇ دىلنارنىڭ چېچىنى  ياخشى كۆرىدىغانلىقىنى ئوبدان بىلەتتى، ئەمەلىيەتتە چىرايلىق قىزلارنى ھەممىسى ئۇزۇن چاچنى ياخشى كۆرىدۇ.

 تېرىسىنى ئاسراشنى ، يەنە چىرايلىق گىرىم قىلىشنى ، ئۇزۇن چاچلىرىنى ھەرخىل چاچ پاسوندا ياسىتىۋېلىشنى ياخشى كۆرىدۇ.

دىلنارمۇ ئوخشاش، ئۇمۇ چىرايلىق بولۇشنى ياخشى كۆرىدۇ، بەزىدە گىرىم قىلىدۇ، چېچىنى دائىم ھەرخىل ياسىتىپ، قەرەللىك ۋاقىتتا ئاسرىتىپ تۇرىدۇ.

ھازىر تۇيۇقسىز  كېسىۋىتىمەن دەپ تۇرۇۋالدى، رىزۋان ھاممىنىڭ كۆڭلى سەل بىئارام بولۇپ:

- بولمىسا مەن تۈزەشتۈرۈپ بوغۇپ قوياي، - دېدى.

  -  مەندىن  ئەنسىرىمەڭ ھامما، مەن پەقەت ئۆزۈمنى راھەت ھېس قىلدۇرماقچى.  ھېرىپ قالىدىغان بولۇپ قالدىم، بەزىدە ئۇخلىغان چاغدا بېسىۋېلىپ، بىئارام بولىدىكەنمەن... - دېدى. 

- لېكىن مەنمۇ چاچ كېسىشنى بىلمەيمەن ... - دېدى رىزۋان ھامما.

  -  ھېچقىسى يوق، پەقەت قىسقا قىلىپ كېسىپ قويسىڭىزلا بولىدۇ.  - دېدى دىلنار.

بەك چىڭ تۇرۇۋالغاچقا، رىزۋان ھامما تەبىئىيلا ئۇنى گەپكە كىرگۈزەلمەي،  قايچا سېتىۋېلىپ كىرىپ،  ئۇزۇن چېچىنى كېسىپ قويدى.

ئەڭ ئاخىرىدا ئانچە - مۇنچە تۈزەشتۈرگەندىن كېيىن، بىر قاراشتا  چىرايلىق كۆرۈندى.

دىلنار ئەينەككە قاراپ، رازىمەنلىك بىلەن كەينىگە بۇرۇلۇپ:

   -  يامان ئەمەس چىقىپتۇ. - دېدى.

رىزۋان ھامما كۈلۈپ تۇرۇپ:

   -  مۇھىمى ئۆزىڭىز چىرايلىق بولغاچقا، قانداقلا بولسا ماس كېلىۋېرىدىكەن. - دېدى.

دىلنار بېشىنى يېنىك سىلكىپ:

   -  خېلى يېنىكلەپ قالدىم. - دېدى.