تۇيۇقسىز كەلگەن مۇھەببەت 97-قىسىم_ ئۇ قىزغا مەپتۇن بولۇپ قاپتۇ

 97-قىسىم 

يۈز چاپلىقىنى ئېلىۋەتكەن نادىرنىڭ ئاپىسى ئورنىدىن تۇرۇپ، يېنىدىكى ئورۇنغا شاپىلاقلاپ:

 ـ يېرىمىنى بىلىمەن، قىسقىسى، ئوغلىڭىز ئۇ قىزغا مەپتۇن بولۇپ قاپتۇ، ئىشقىلىپ زور كۈچ سەرپ قىلىپ  قوغلاپ قولغا كەلتۈردى... - دېدى. 

ـ قارىسام ئۇنىڭ كۆزىگە قۇم كىرىپ ، كور بولۇپ قاپتۇ، - دېدى نادىرنىڭ دادىسى. 

ئاپىسى غەلىتىلا بىر قاراپ قويۇپ، پەقەتلا ئەقلى يەتمەي:

 ـ سىزنىڭ كۆزىڭىزگە قۇم كىرىپ كور بوپسىز... بۇنچە ئاچچىقلىنىپ نېمە قىلىسىز؟ ئۇ قىز سىزنى رەنجىتىپ قويدىمۇ؟ قىزچاق ئۇنىڭغا چاپلىشىۋالغىنى يوق،  ئوغلىڭىز قىزچاقنى تۇتۇۋېلىپ قويۇپ بەرمەيۋاتىدۇ،  ئەھۋالنى ئېنىق بىلىڭ، بولامدۇ؟  - دېدى.

بۇ بىر جۈملە سۆز ئوت ئۈستىگە ياغ چاچقانغا باراۋەر بولدى، نادىرنىڭ دادىسى سوغۇق ئاۋازدا:

ـ دەرۋەقە ئازراق قابىلىيىتى باركەن، كۆپچىلىك بىلەن بولغان مۇناسىۋىتى ھەقىقەتەن ياخشى ئىكەن، ئادەمنىڭ ئامراقلىقىنى كەلتۈرىدىكەن، - دېدى. 

ئۇنىڭ ئۆيگە قايتىپ كەلگەنلىكىنى كۆرۈپ خۇش بولغان نادىرنىڭ ئاپىسىنىڭ ئەمدىلىكتە بۇ ئىشقا ئاچچىقى كېلىپ:

 ـ سىز نېمانداق غەلىتە، بۇنىڭدا مەسىلە بارمۇ! - دېدى. 

نادىرنىڭ دادىسى مىدىر - سىدىر قىلماي، ئۈچ سېكۇنت سۈكۈتتە تۇرغاندىن كېيىن، يانفونىنى ئېلىپ نادىرغا تېلېفون قىلدى.

مىڭ چاقىرىم يىراقلىقتا.

مۇنىرە داستىن چىققان قولىنى سىلكىپ، مېھمانخانىغا ئېتىلىپ بېرىپ نادىرنىڭ سايرىغان يان تېلېفونىنى ئېلىپ يەنە ئاشخانىغا كەلدى، تېلېفوننى ئالغاندىن كېيىن، بېلىق پارچىلىرىنى قىرىۋاتقان نادىرنىڭ قۇلىقىغا يەتكۈزۈپ ئۈنسىز ھالەتتە:

- دادىڭىز. - دېدى.

نادىر بېشىنى لىڭشىتىپ كۆڭلىدە سان بارلىقىنى بىلدۈرۈپ:

 ـ دادا.  - دېدى.

- ئەتە  قىز دوستىڭنى ئېلىپ ئۆيگە كەل، - دېدى نادىرنىڭ دادىسى. 

  نادىر گەپ قىلالماي قالدى.

ـ ئاڭلىمىدىڭمۇ؟ - دېدى دادىسى. 

- ئاڭلىدىم. - دېدى نادىر  دەماللىققا ئالاقزەدە بولۇپ كەتكەن مۇنىرەگە قاراپ، - ئۇنىڭ بىلەن مۇھەببەتلەشكەن ۋاقتىم تېخى ئۇزۇن ئەمەس، ھازىر سىلەر بىلەن كۆرۈشتۈرۈشكە تېخى بالدۇر.  - دېدى.

گەرچە ئۇ بالدۇرراق توي قىلىپ، مۇنىرەنىڭ ئاتا-ئانىسىنى دادا، ئاپا چاقىرغۇسى بولسىمۇ، لېكىن مۇنىرەنىڭ تېخى تەييارلىنىپ بولالمىغانلىقى ئېنىق ئىدى.

ـ بىز بىلىپ بولغان ئىكەنمىز، بالدۇر دەيدىغان ئىش يوق. ئەجەبا سىلەرنىڭ ھېسسىياتىڭلارغا ئىشەنچىڭلار يوقمۇ؟  - دېدى دادىسى.

ـ بۇنىڭ ئىشەنچ بىلەن مۇناسىۋىتى يوق، ئۇ سەل ياتسىراپ قالىدۇ، سىزنىڭ ئۇنى قورقۇتۇپ قويۇشىڭىزدىن ئەنسىرەيمەن.  - دېدى نادىر.

ياتسىراپ قالىدۇ...  مۇنىرە پەقەت ئازراق جىددىيلەشتى، خالاس.

ـ مېنىڭچە سىلەرنىڭ بىر-بىرىڭلارغا بولغان ئىشەنچىڭلار كەمچىل ئىكەن.  - دېدى دادىسى.

بۇ خىل جىلە قىلىش ئۇسۇلى نادىرغا كار قىلمايتتى، ئۇ ئۆزىنى تۇتۇۋېلىپ  خوشلاشتى ۋە مۇنىرەگە:

 ـ قويۇۋېتىڭ، - دېدى. 

مۇنىرە ئالاقزادىلىك ئىچىدە يانفونىنى تۇتۇپ:

 ـ ھە.  - دېدى.

تېلېفوندا ئەمدىلا ئازراق شەپە ئاڭلانغان نادىرنىڭ دادىسى ئۇنى توسماقچى بولغاندا، مۇنىرە بۇيرۇققا بويسۇنۇپ تېلېفوننى قويۇۋەتتى.

تېلېفوندىن چىققان دۈت - دۈت قىلغان ئاۋازنى ئاڭلىغان نادىرنىڭ ئاپىسى  كۈلۈپ كەتكىلى تاس قالدى.

تېلېفوننى يىغىشتۇرغان مۇنىرە نادىرنىڭ كۆزلىرىگە تىكىلىپ، خېلى ئۇزاقتىن كېيىن:

-  بۇنداق قىلسىڭىز ياخشى بولماس... - دېدى.

 نادىرنىڭ  ھىم قىلغان ئاۋازى ئاڭلاندى، قولىدىكى بېلىق پارچىسى رەتلىك تىزىلىپ، بىر-بىرلەپ كېسىش تاختىسىغا تىزىلدى.

  مۇنىرەنىڭ بېشى ساڭگىلاپ:

 ـ مەنمۇ نېمە قىلارىمنى بىلەلمەي قالدىم. - دېدى.

نادىر تازىلاپ بولغان بېلىقنى  قاچىغا سېلىپ، قالدۇقلىرىنى ئۇششاق توغراپ، قايناۋاتقان شورپىغا بىۋاسىتە سېلىپ:

 ـ گەرچە ئۇ باشقىچە پىكىردە بولغان بولسىمۇ، لېكىن بۇنىڭغا ئەھمىيەت بېرىش كېرەك.   بىراق ئۇنىڭ پوزىتسىيەسى سەل باشقىچە تۇرىدۇ، ئەتە  تۈگرە يەيلى، قانداق قىيمىلىقنى يېگىڭىز بار؟  - دەپ سورىدى.

ئۇنىڭ ئېغىر-بېسىق ھالىتىدىن قاتتىق تەسىرلەنگەن مۇنىرە ئۆزىنى بېسىۋېلىپ، بىردەم ئويلىنىپ:

ـ قىيمىلىق كۆك پۇرچاق، توخۇ گۆشى دۇفۇ، ئۇچلۇق مۇچ تۇخۇم ھەممىسى مېنىڭ ئىجادىيىتىم، يەنە دېڭىز مەھسۇلاتلىرىدىنمۇ  ئازراق كەلتۈرۈڭ.   - دېدى.

كۆڭلى-كۆكسى نېمە دېگەن كەڭ.

گەرچە غۇنچەمنىڭ تەنە سۆزلىرى بىلەن ئەزەلدىن يۈز كۆرۈشۈپ باقمىغان مۇنىرە نادىرنىڭ دادىسىغا بىر ئاز ناچار تەسىر قالدۇرغان بولسىمۇ، لېكىن كۆپ يىللىق سودا ساھەسىدىكى كەچۈرمىشى ئۇنى ئىزچىل سەگەكلەشتۈرۈپ، نارازى بولغان بولسىمۇ، لېكىن بۇ توي ئىشىغا بىۋاسىتە قول تىقمىدى.

ئىنتوناتسىيەسى ياخشى بولماسلىقىمۇ نادىرنىڭ ئادەمنى باشلاپ  كېلىپ كۆرسىتىشى ئۈچۈن ئىدى.

بىۋاسىتە سېزىمىنى ئەمەلىيەتكە بىرلەشتۈرۈلگەندىن كېيىن، ئاندىن كەسكىن بىر تەرەپ قىلسىمۇ كېچىكمەيدۇ.

نادىرنىڭ ئائىلىسىنى قولىنى نەگە سوزسا شۇ يەرگە يېتىدۇ دېيىشكە بولدى، شۇڭا نادىرنىڭ دادىسى  مۇنىرەنىڭ ماتېرىيالىنى قولغا چۈشۈرۈش ئۈچۈن ھېچقانچە كۈچ سەرپ قىلمايتتى، شۇ كۈنى كەچتە  ئايالىغا چاندۇرۇپ قويماسلىقنى تاپىلاپ قويغاندىن كېيىن، يۈك تاقلىرىنى يىغىشتۇرۇپ، H شەھىرىگە بارىدىغان نۆۋەتچى ئايروپىلانغا چىقتى.

ئۇلار كەلمىسە، مەن باراي... 

 غۇنچەمنى  رېئاللىقنىڭ تېلېۋىزىيە تىياتىرى ئەمەسلىكىنى ئۇنتۇپ قاپتۇ دېيىشكە بولىدۇ،   چوققىدىكىلەرنىڭ ھەممىسى ئادەم، قارىماققا ئۆز بېشىمچى رەھىمسىز كۆرۈنسىمۇ، ئىش قىلغاندا ناھايىتى ئېھتىياتچان، نەدىمۇ باشقىلارنىڭ بىر نەچچە ئېغىز گېپى بىلەن ئاق-قارىنى ئايرىماي، قوشماق ئۆردەكنى مەجبۇرى ئايرىۋەتسۇن.

نادىرنىڭ دادىسى H شەھىرىگە كەلگەندە سائەت 11 بولغانىدى، ئۇ يۇيۇنۇپ-تارىنىپ مېھمانسارايدا قونۇپ، ئەتىسى سەھەردە ئازادە ئەتىگەنلىك چېنىقىش كىيىمىنى كىيىپ، تاكسىغا ئولتۇرۇپ مۇنىرەنىڭ ئۆيى تۇرۇشلۇق ئولتۇراق رايوندىكى كىچىك باغچىغا بېرىپ سەيلە قىلدى.

ئۇ قولىنى ئېگىز - پەس پۇلاڭلىتىپ، مۇھىتقا سىڭىپ كىرىپ، مۇنىرەنىڭ ئاتا-ئانىسىنىڭ سىماسىنى ئىزدىدى.

تەكشۈرۈپ چىقىرىلغان ماتېرىيالدا مۇنىرەنىڭ ئاتا-ئانىسى ئەتىگەن-كەچتە سەيلە قىلىشقا ئادەتلەنگەن دەپ يېزىلغانىدى.

گەرچە خوتۇنىنىڭ مۇنىرەنىڭ ئاتا-ئانىسىغا بەرگەن باھاسى ياخشى بولسىمۇ، لېكىن ئۇ يەنىلا ئۆزى بېرىپ كۆرۈپ بېقىشى كېرەك، ھەر بىر ئادەمنىڭ ئۆلچىمى ئوخشاش بولمايدۇ، ئۇنىڭ كۆزىتىش نۇقتىسى كەڭ قورساق، ئوچۇق-يورۇق خوتۇنىنىڭكىگە ئوخشىمايدۇ.

ئۇ خالىغانچە مېڭىپ يۈرۈپ  قىز-يىگىت ئۇچراشتۇرۇش بۇلۇڭىغا كېلىپ قالدى، كۆزلىرى شۇ ھامان ئادەتتىن تاشقىرى قىزىپ كەتكەن بۇ بۇلۇڭغا جەلپ بولدى.

تاڭ سەھەردە، بۇ يەر ۋاراڭ-چۇرۇڭغا تولغانىدى، بەزىلەر كىچىك دەپتەرنى ئېلىپ، بىر تەرەپتىن خاتىرە قالدۇرغاچ، بىر تەرەپتىن ئېسىپ قويۇلغان ئۇچۇرلارنى ئوقۇۋاتاتتى، نادىرنىڭ دادىسى يېڭىلىق ھېس قىلىپ، ئىچىگە كىرىپ كەتتى.

ـ  ئاران بىر مېتىر 60 سانتىمېتىرلا كېلىدىغان پاكاركەن، ۋىيەي، تولۇق كۇرۇسمۇ ئەمەسكەن .... مۇشۇ سەۋىيەسى بىلەن خىجىل بولماي چاپلاپ يۈرۈپتۇ...

قارشى تەرەپنىڭ تەلەپپۇزى بەك ئاچچىق بولغاچقا، نادىرنىڭ دادىسى خاتىرە دەپتەر تۇتقان ئايالغا قاراپ قالدى.

- ۋىيەي بۇ رەسىمدە كۆزلىرىنى ياساپ لامپۇچكىدەك قىلىۋاپتۇ، بۇرنىمۇ ساختا ئىكەن . 

ـ  ئايال دوكتور، يىللىق مائاشى 300 مىڭ يۈەن؟ قىزلارنىڭ ھەممىسى بۇنداق يۇقىرى ئوقۇش تارىخىغا ئىگە بولۇپ نېمە ئىش قىلىدۇ، پۇل دېگەن مېنىڭ ئۆيۈمدە  بار. 

نادىرنىڭ دادىسىنىڭ قاپىقى تۈرۈلۈپ، باشقىلارنىڭ پەرزەنتلىرىنىڭ پەزىلىتىگە باھا بېرىدىغان بۇ ئادەملەرنىڭ ساپاسىنىڭ ھەقىقەتەن تۆۋەنلىكىنى ھېس قىلدى.

ـ ھەي... -  بۇ چاغدا بىرەيلەن ھېلىقى ئايالنى يېنىك تارتىپ، يەنە بىر تەرەپنى كۆرسىتىپ، تۇمشۇقىنى ئۇچلاپ، ـ مۇنىرەنىڭ ئاپىسى كەلدى، سىزنىڭ رەقىبىڭىز. - دېدى.

 ئايال دەرھال دەپتەرنى يىغىشتۇرۇپ، ئىنچىكە قاشلىرىنى ئېتىپ:

- ئۇنىڭ كېلىشى بىلەن مېنىڭ نېمە كارىم، ئۇ بىر بىچارە بايقۇش، - دېدى. 

مۇنىرەنىڭ ئاپىسى، دادىسى... ئالدىدىكى چىغىر يولدا كېتىۋاتقان بىر جۈپ ئەر-ئايالنى دەۋاتقاندەك قىلاتتى.

سۈرەتتىكى ئايال بىلەن قاش-كۆزلىرى ئوخشىشىپ كېتىدىغان بۇ ئايالنىڭ يېشى سۈرەتتىكىدىن چوڭراق، سەل قېرىپ قالغاندەك كۆرۈندى، ئېڭىكى ئورۇق، يۈرۈش-تۇرۇشى ئانچە ماسلاشمىغانىدى، يېنىدىكى ئەر بېشىغا ياپىلاق، قىسقا چاچ قويۇۋالغان، ئۇچىسىغا ئاستى بوغۇق چاپان كىيىۋالغان بولۇپ، بەدەن شەكلى ئورۇق، مىجەزى تەسۋىرلىگۈسىز دەرىجىدە مۇلايىم ئىدى.

تۇنجى تەسىرى ناھايىتى ئادەتتىكىچە بولدى، ھەتتا ئالدىن ئويلانغان ئىدىيە سەۋەبىدىن ئازراق كۆڭلىگە ياقماي قالدى.

بالىنىڭ ۋۇجۇدىدا ئاتا-ئانىسىنىڭ سايىسى ئاز-تولا بولۇپ قالىدۇ، نادىرنىڭ دادىسى كۆڭلىدە سەل ئۇھسىنىپ قويدى، يەنىلا ئاۋۋال كۆڭلىنى توختىتىپ، ئوغلىنىڭ لايىقىدىن ئالەمچە ئۈمىد كۈتمىسىمۇ بولىدىغانلىقىنى ئويلاپ قالدى .

ـ گېپىمىزگە كەلسەك، بالىڭىز ئەسقەر تېخى مۇۋاپىق قىز تاپالمىدىمۇ؟ بەك تاللاپ كەتمەڭ، يامان ئەمەس بولسىلا بولدى.  - دېدى يېنىدىكى ئايال.

ئەسقەرنىڭ ئاپىسى تاقەتسىزلىك بىلەن ئۇنىڭغا قاراپ قويۇپ:

 ـ تاللىمامدۇق؟ ئەخلەت مال بولسا تاللىمىسا بولىدۇ، ئوغلۇم ئۇنىڭ قىزى بىلەن ئوخشىمايدۇ.  - دېدى.

- راست گەپنى قىلسام خاپا بولماڭ، ئۇنىڭ قىزى بەك تەلەيلىك ئىكەن، ئۇ كۈنى كەچتە  يىگىتىنى سىزمۇ كۆردىڭىز، نېمىدېگەن كېلىشكەن! - دېدى ھېلىقى ئايال. 

ـ   تۈفى، ئۇ ئەرنىڭ پەقەت شۇ چىرايى چىرايلىقكەن، نەدە يۈرۈپ ساپالىق بولسۇن،  گەپ قىلغاندا  قولىغا كالتەك ئېلىۋالغاندەك قوپال، تىلىنى چاكىلدىتىپ، خۇپسەنلىك قىلىشلىرىنى كۆرمىدىڭىزمۇ؟  ئازراقمۇ ئەدەپ-قائىدە دېگەننى بىلمەيدىكەن، ساپاسىز. - دېدى ئەسقەرنىڭ ئاپىسى.

گەرچە بۇ گەپنىڭ باش-ئايىغى يوق بولسىمۇ، نادىرنىڭ دادىسى يەنىلا بۇ ئايالنىڭ ئاغزىدىكى <ساپاسىز يىگىت>نىڭ ئۆز ئوغلى ئىكەنلىكىنى ھېس قىلدى.

ئۇ يېنىدىكى ۋاتىلداپ سۆزلەپ كەتكەن ئاياللارغا سوغۇق نەزەردە قاراپ قويدى، ئەتىگەندىن كەچكىچە قۇرۇق گەپ قىلىدىغان ئاياللار بىلەن كارى بولغۇسى كەلمىدى.