گۈزەل ھايات 11-بۆلۈم7-قىسىم _ ئىزدىمەكچى بولغان ئادەممۇ؟

7-قىسىم

- ئۆمەر ! بۇ ئايال سىز ئىزدىمەكچى بولغان ئادەممۇ؟ 

دىلنارنىڭ سۆزى ئەمدىلا ئاياغلىشىشىغا، يېقىنلا يەردىن جاراڭلىق ئاۋاز ئاڭلاندى.

كۆپچىلىك ئۇنىڭغا قارىدى، ئەمما ئېگىز، قاۋۇل بىر ئەر سەبىرەنىڭ ئىككى قولىنى تۇتۇپ دەلدەڭشىگىنىچە كېلىۋاتقانلىقىنى كۆردى، سەبىرەنىڭ تاتىرىپ كەتكەن يۈزلىرى ياش بىلەن تولغانىدى.

ئەنسەرنىڭ قاپاقلىرى قاتتىق تۈرۈلدى.

ئۆمەر  ئېگىز بويلۇق، قاۋۇل ئەرنىڭ سەبىرەنى چىڭ تۇتۇۋالغانلىقىنى كۆرۈپ:

  -  توختى ئاكا! سىز نېمىشقا كەلدىڭىز! ؟  - دېدى.

  -  قۇرۇق گەپ قىلماڭ! ئاكا-ئۇكا بولۇشتۇق، مەن  ۋاپاسىزلىق قىلىدىغان يارىماسلاردىن ئەمەس.  - دېدى توختى.

ئۆمەر ھاياجانلانغان ھالدا :

   -  توختى ئاكا، ئەمەلىيەتتە سىزنىڭ بۇنداق قىلىشىڭىزنىڭ  ھاجىتى يوق... - دېدى.  

توختى ئاكا دەپ ئاتالغان ئەر ئۆمەر بىلەن تالىشىپ ئولتۇرۇشقا ئېرىنىپ، ئەنسەر ۋە باشقا بىر نەچچە كىشىگە تىكىلىپ تۇرۇپ، قاتتىق ئاۋازدا :

  -  ھەممىڭلار نېرى تۇرۇڭلار! بولمىسا مەندىن ئاغرىنماڭلار! - دېدى.

ئىككى ياردەمچى كەينىگە ئىككى قەدەم چېكىنىپ، ھەر ۋاقىت ھەرىكەت قىلىشقا تەييار تۇرغان توختىغا تىكىلىپ قارىدى.

  -  توغرا! ھەممىڭلار نېرى تۇرۇڭلار! بولمىسا ئۇنى جېنىدىن جۇدا قىلىمەن! - دېدى ئۆمەر ئىنكاس قايتۇرۇپ، دىلنارنى تېخىمۇ چىڭ تۇتۇۋېلىپ.

دىلنار ئاۋاز چىقىرالماي، بىر ھازاغىچە ھاڭۋىقىپ تۇرۇپ قالدى، ئۆمەر ئۇنىڭ مۈرىسىنى كۈچەپ تۇتۇۋالغاچقا، ئېزىلىپ كېتەي دەپ قالدى.

ئەنسەر بېشىنى بۇراپ دىلنارنىڭ قوشۇمىسىنى تۈرۈپ، لېۋىنى چىشلىگەن ھالىتىنى كۆرۈپ، ئالدىراپ-تېنەپ قولىنى كۆتۈرۈپ ھېلىقى ئىككى ياردەمچىگە قول ئىشارىتى قىلدى.

توختى تېز سۈرئەتتە سەبىرەنى ئېلىپ كەلدى.

سەبىرەنىڭ قورققىنىدىن چىرايى تاتىرىپ كەتكەن بولۇپ، كۆزلىرىدىن تاراملاپ ياش تۆكۈلۈپ:

- ئەنسەر ئاكا... مەن پەقەت سىزنىڭ خەتەرگە يولۇقۇشىڭىزدىن ئەنسىرەيمەن... ئەگەر سىزگە بىرەر ئىش بولۇپ قالسا، مەن... مەنمۇ ياشىمايمەن... - دېدى. 

دىلنار سەبىرەنى تۇنجى قېتىم كۆرگەندە، كاللىسىدا دەرھال  < كالۋا> دېگەن سۆز  پەيدا بولدى.

ئىلگىرى  باشقىلار ئەخمەقلىق قىلىپ ھەقىقانىيەت يولىدا پىداكارلىق كۆرسەتسە ئۇنىڭ ھەقىقەتەن دېگۈدەك گېپى يوق ئىدى.

لېكىن ھازىر  تۇيۇقسىز ئەينى يىلى نېمە ئۈچۈن سەبىرەنى قۇتقۇزۇشنى تاللاپ، ئۆمەرنى ئىنتىقام ئېلىش يولىنى توسۇپ قويغانلىقىنى ئويلاپ قالدى، ئەگەر ئۇنداق قىلمىغان بولسا ھازىرقىدەك ئۇنداق كۆپ ئىش يۈز بەرمىگەن بولاتتى.

ئەنسەرنىڭ مەخسۇس ئىككى ياردەمچىنى سەبىرەنى قوغداشقا ئورۇنلاشتۇرۇشى بىكار بولدىمۇ؟ ئۇ قانداقسىگە ئۆمەرنىڭ تۈرمىدىن چىققانلىق خەۋىرىنى بىلمەي قالسۇن؟

ئەمەلىيەتتە ئەنسەر بۇ يەرگە ئۆزى يالغۇز كەلگەندىمۇ، ئازراقمۇ تاسادىپىيلىق ھېس قىلمىغانىدى.

ئۇنىڭ  سەبىرەنى قانچىلىك ئەتىۋارلايدىغانلىقىنى دېمەيلا قويايلى.

ئەمما  سەبىرە ئەمەس، بەلكى باشقا بىر ئادەم بولغان بولسىمۇ، ئەنسەرنىڭ بىر ئادەمنىڭ ھاياتى بىلەن يەنە بىر ئادەمنىڭ ھاياتىنى ئالماشتۇرمايدىغانلىقىنى بىلەتتى.

ئۇنىڭ ئۈستىگە، ئەگەر ۋاقىتنى ئامال بار كەينىگە سۈرۈپ، ساقچىلار  كېلىپ، ھەممە ئىشنى يىغىشتۇرۇپ بولغۇچە ساقلىيالىسا، ياكى ئۆمەرنى ئاستتىرتتىن بۇيسۇندۇرالىسا ياكى باشقا ئامال تاپالىسا،  ئوخشاشلا ھەممەيلەن قۇتۇلۇپ چىقالىشى مۇمكىن، سەبىرەگىمۇ ھېچقانداق خەتەر يەتمەيدۇ.

ئەنسەرمۇ، دىلنارمۇ سەبىرەنىڭ نەق مەيدانغا بولمىسا ھازىرقىدىن ئاسانراق بولىدىغانلىقىنى بىلەتتى.

ئەمما ھازىر...

 سەبىرە ئەنسەرنىڭ دىلناردىن كەلگەن تېلېفونىنى ئالدى، ھەم ئەنسەرگە تېلېفون كەلگەنلىكىنى دەپ قويمىدى، يەنە كېلىپ دىلنار ئۇنىڭ  سەۋەبىدىن ھازىرقى ئىشقا  ئىككىنچى قېتىم چېتىلىپ قالدى.

 ئەنسەر ئۇنى دوختۇرخانىغا قالدۇرۇپ، خۇددى گۆھەردەك قوغدىدى.

لېكىن ئۇ ھەقىقەتەن بەك دۆت ئىكەن، ئۆمەرنىڭ ئۆزىنى دەپ كەلگەنلىكىنى بىلىپ تۇرۇپ، يەنە يۈگۈرۈپ كېلىپ ئۆزىنى خەتەرگە تۇتۇپ بەردى!

ئەنسەرگە بىرەر ئىش بولۇپ قالارمىكىن دەپ ئەنسىرىدىمۇ؟

ئەنسەرگە نېمىشقا بىرەر ئىش بولىدۇ ؟ ئۇنى قۇتقۇزۇشتىن باشقا ئىش يوققۇ!

سەبىرە ئەنسەرنىڭ دىلنارنى قۇتقۇزۇش جەريانىدا بىرەر ئىش بولۇپ قېلىشىدىن، ئۇلار ئوتتۇرىسىدىكى بارلىق ئىشلارنىڭ يېشىلىپ كېتىشىدىن، قىلچىمۇ ئەيمەنمەي بىللە بولالىشىدىن ئەنسىرىدىمۇ ياكى ئەنسەرگە سادىقلىق بىلەن مۇھەببەت ئىزھار قىلغىلى كەلدىمۇ؟

 خۇددى ئىككى ئادەم بىر-بىرىگە قاتتىق ۋەدە بېرىشكەندەك، ھايات-ماماتتا بىللە بولۇپ، مەڭگۈ ئايرىلمايدىغاندەك گەپ قىلىپ كەتتى!

سەبىرەنىڭ كۆز ياشلىرىنى  ئۇنىڭ ئالدىغا كېلىپ سۈرتكەنلىكىنى كۆرۈپ، دىلنارنىڭ قاتتىق ئاچچىقى كېلىپ كۈلۈپ كەتتى!

كۈلكىسى سەبىرەگە بولغان كەمسىتىش ۋە مەسخىرە بىلەن تولۇپ:

- مەن سىزگە راستتىنلا قايىل بولدۇم! سىزنىڭ ماڭا نېمىنىڭ يىراقتىن كېلىپ باشقىلارنى ئۇزىتىپ قويۇش ئىكەنلىكىنى كۆرسىتىپ قويغىنىڭىزغا رەھمەت!  - دېدى.

دىلنارنىڭ ئاشۇنداق مىجەزى بار، ئادەتتە ئەڭ يۇمشاق گەپ بىلەن ئادەمنى تۇنجۇقتۇرۇپ  قويىدۇ.

سەت گەپ بىلەن ئادەم تىللاشنى قالماشتۇرالمايدۇ، ھەم بەك ياقتۇرۇپمۇ كەتمەيدۇ.

لېكىن بۇنداق ئادەملەرنىڭ بىر ئېغىز گېپىنىڭ   كۈچى ئادەتتىكى ئادەملەرنىڭكىدىن نەچچە ئېغىز گېپىدىن كۈچلۈك بولىدۇ.

سەبىرە ئۇنىڭ گېپىگە ھەيران قېلىپ تۇرۇپ قالدى.

بىر تامچە ياش  ئېڭىكىدىن تامچىپ چۈشتى.

ئەنسەرنىڭ كۆزلىرى  گۇمان ئىچىدە بىر ئاز غۇۋالاشتى.

سەبىرە خېلى ئۇزۇنغىچە كۆزىنى چىمچىقلىتىپ:

- دىلنار ئاچا، شۇنى بىلىشىڭىز كېرەككى، ئەنسەر ئاكام سىزنى قۇتقۇزۇش ئۈچۈن كەلدى، ئۇ سىز ئۈچۈن جېنىنى پىدا قىلالايدۇ، لېكىن سىزنىڭ ئۇنىڭ ھايات-ماماتى بىلەن كارىڭىز بولمىدى. مەن ئۇنىڭ ئۈچۈن جېنىمنىمۇ ئايىمايمەن دېگەنتىم، شۇڭا كەلدىم، ئۇ ساق-سالامەت بولسا ياخشى، بولمىسا نېمە ئىش بولسا تەڭ كۆرىمىز... - دېدى.

سەبىرەنىڭ گېپى تۈگىمەستىنلا، بەدىنى دەلدەڭشىپ، پوككىدە  يەرگە يېقىلدى.

ئۆمەر بىلەن بايىقى توختى تۇيۇقسىز يۈز بەرگەن ئىشتىن چۆچۈپ كەتتى.

سەبىرە غىق قىلغان ئاۋازدىن كېيىن،  يەردە تىزلىنىپ تۇرۇپ ئىنكاس قايتۇرالماي قالدى، ئۇنىڭ مۈرىسىدە يەنە ئاغرىق پەيدا بولدى.

ئارقىدىنلا  يەردە يېتىپ قالدى، دىلنار  پۇتى بىلەن مۈرىسىگە كۈچەپ دەسسىدى.

 ئەنسەرمۇ قاپىقىنى تۈرۈپ:

- دىلنار!  - دېدى.

ئۇ ئەمدىلا ئېغىز ئېچىشىغا، سەبىرە تۇيۇقسىز چىرقىراپ كەتتى، چۈنكى دىلنار ئۇنىڭ مۈرىسىگە دەسسىگەن پۇتىنى يەنە ئازراق كۈچەيتىپ:

  -  سەبىرە،  ئەڭ ياخشىسى  ئېنىق بىلىۋېلىڭ، ئەگەر سىز بولمىغان بولسىڭىز، مەن بۇ يەردە پەيدا بولمىغان، ئەنسەرمۇ خەتەرگە تەۋەككۈل قىلمىسىمۇ بولاتتى. بۇ ئىشنى سىز ۋە ئاتا - ئانىڭىز كەلتۈرۈپ چىقاردى، جانغا جان تۆلەيدىغان ئىش بولسىمۇ سىز تۆلەيسىز! ئۆزىڭىزچە باش جىنايەتچىنى كىم دەپ قالدىڭىز، مۇشۇنداق چاغدا كېلىپ سىز بولمىسىڭىز مەنمۇ ياشىمايمەن دەپ ئويۇن قويۇۋاتامسىز، بولمىسا بىللە كىتەرمىشكەن تېخى...  كىم سىز بىلەن بىللە كېتىشنى خالايدىكەن؟  بۇ يەردە پەقەت سىزلا كۆزدىن يوقۇلۇشقا تېگىشلىك!  

    كىچىك ۋاقتىمدا كاللامغا ئېشەك تېپىۋەتكەچكە، ساراڭ بولۇپ قېلىپ سىزنى قۇتقۇزۇپ قالغىنىمغا پۇشايمان قىلىمەن، ئەگەر سىز ئەينى چاغدا   كەتكەن بولسىڭىز، مەنمۇ سىزنىڭ سەۋەبىڭىزدىن بۇنداق چارچاپ يۈرمەيتتىم.  - دېدى.

ئاندىن چوڭقۇر نەپەس ئېلىپ، كۆزىنى يۇمۇپ ئويلىنىۋېلىپ، ئاستا ئېچىپ:   

-   مەن جاق  تويدۇم،  راستتىنلا جاق  تويدۇم، سىز بولسىڭىڭىز،  بىر كۈنۈمنىمۇ خاتىرجەم  ئۆتكۈزەلمەيمەن! -  شۇنداق دېگىنىچە سوغۇق كۆزلىرىنى قىسىپ، -  راست،بۇ دۇنيادىن  يوقالسىڭىز ياخشى بولغۇدەك، - دېدى.

توختى  ئالدى بىلەن ئىنكاس قايتۇرۇپ، سەبىرەنىڭ بىلىكىنى تارتىپ تۇرغۇزۇپ، ئاخىرىدا تۇيۇقسىز كۈلۈپ قويۇپ ئۆمەرگە قاراپ:

- بۇرادەر، مېنىڭ يامان ئەمەس بىر ئويۇم بار.  - دېدى.

  -  نېمە؟ - دېدى ئۆمەر. 

  -  ئايالىڭىز ۋە بالىڭىزنىڭ ئالدىدا قولىڭىزنى بۇلغىمايدىغان ئىش بولسا ئامال با بۇلغۇۋالماڭ، مەن قارىسام بۇ ئايال سەبىرەگە بەكلا ئۆچ ئىكەن، بولمىسا ئۇنىڭ قولىدىن پايدىلىنايلى. ۋاقتى كەلگەندە  ئۇنچە كۆپ جازاغا ئۇچىرماسلىقىمىز   مۇمكىن، سىزنىڭچىچۇ؟  - دېدى توختى.

ئۆمەر بىردەم تۇرۇپ قېلىپ، ئىككىلەندى.

لېكىن  ئاخىرىدا يەنىلا توختىنىڭ  پىكىرىنى قوبۇل قىلدى، ئۇ ئۆزى يالغۇز بولسىغۇ مەيلى ئىدى، لېكىن  ھازىر توختىمۇ ئوتتۇرىغا چىقىپ ئۇنىڭغا ياردەم قىلدى، ھېچ بولمىسا توختىغا چېكىنىش يولى قالدۇرمىسا بولماس.

بۇرۇلۇپ دىلنارغا قارىدى.

دىلنار سەبىرەگە سوغۇق نەزەردە قاراپ قويۇپ، ئاستاغىنا:

   -  بولىدۇ. سەبىرە دېگەن بۇ پەسكەش ئەنسەر ئىككىمىزگە  بىر ئۆمۈر چاپلىشىۋالىدۇ، قولىڭىزدىكىنى ماڭا بېرىڭ، سىزنىڭ ئورنىڭىزدا ئۇنى بىر تەرەپ قىلىۋېتەي، ئەينى يىلى سىزنىڭ تۈرمىگە يېتىش قېلىشىڭىزغا سەۋەبچى بولغانلىقىمنىڭ  ئورنىنى تولدۇرغىنىم بولسۇن.  - دېدى.

سەبىرەنىڭ قورققىنىدىن كۆزلىرى قاتتىق تىترەپ كەتتى.

دىلنارنىڭ كۆزلىرىدە ئازراقمۇ ساختىلىق يوق ئىدى.

  - سىز... - دېدى سەبىرە.

 ئۆمەر بۇ چاغدا  ئۇنىڭ قولىنى باغلاپ قويغان ئارغامچىنى يېيىشىۋەتتى. دىلنارنىڭ ئىككى قولى   بوشىشىدى،

ئارقىدىن قولىدىكى ئەتىركىنى دىلنارغا سۇندى.

دىلنار ئۆمەرنىڭ يەنە بىر قولىدىكى  تىغلىق ئەسۋابقا قاراپ قويۇپ، قوشۇمىسى سەل-پەل قىمىرلىدى.

ئەسلىدە ئۇنىڭدا يەنە بىر تىغلىق ئەسۋاب باركەن.

ئۇ لېۋىنى چىڭ يۇمۇپ، ئىككى سېكۇنت مىدىرلىماي، ئالدىدىكى كۆرۈنۈشكە تىكىلىپ قارىدى، نېمە ئويلاۋاتقانلىقىنى بىلگىلىمۇ بولمىدى.

ئۆمەر تۇيۇقسىز سەل ھاياجانلىنىپ، قولىنى پۇلاڭلىتىپ:

  -  ماڭا ھىيلە-مىكىر ئىشلىتىشنى ئويلىماڭ، بولمىسا مېنى تۈزۈت قىلمىدى دەپ ئاغرىنماڭ، - دېدى. 

دىلنار بېشىنى بۇراپ، كۆز ئالدىدىكى كۆرۈنۈشتىن ئۆزىنى قاچۇردى، ئاندىن قولىنى سوزۇپ ئەتىركىنى قولىغا  ئالدى.

توختى سەبىرەنى ئۇنىڭ ئالدىغا ئىتتىرىپ:

  -   ئۆمەردىن ئاڭلىسام،  كىچىك تۇرۇپلا كاللىڭىز بەك ئىشلەيدىكەن، ئۇنىڭ مۇۋەپپەقىيەتلىك ھالدا تۈرمىگە كىرىپ قېلىشىغا سەۋەبچى بوپسىز...  بۈگۈن  ئەڭ ياخشىسى ياۋاشراق بولۇڭ، بولمىسا مەن بىرىنچى بولۇپ بېشىڭىزنى يېرىۋېتىمەن. - دېدى. 

دىلنارنىڭ  ئەتىركە تۇتقان قولى تېخىمۇ سوۋۇدى.

ئۇنىڭ ئالدىدا توختى بىلەن ئۆمەرنىڭ قولىدىكى پارقىراپ تۇرغان ئەسۋابى بار.

ئۇ قولىنى سوزۇپ سەبىرەنى ماشىنىنىڭ يېنىغا ئېلىپ كېلىپ، كەينىدىن  بوينىدىن بوغدى.

سەبىرە چىرقىراپ كەتتى.

دىلنار چوڭقۇر نەپەس ئېلىپ، كۆزىنى بۇراپ ئۇدۇلدىكى توختىغا قاراپ:

   -  ئەگەر مەن ئۇنى جايلىۋەتسەم، كېيىنكى سېكۇنتتا مېنى بىر تەرەپ قىلمايدىغانلىقىڭىزنى جەزىملەشتۈرەلمەيمەن. شۇڭا، سىزمۇ  ئارقىڭىزغا چېكىنىپ، ماڭا ئازراق بىخەتەرلىك تۇيغۇسى بەرسىڭىز  بولامدۇ.  - دېدى.

توختى ئۇنىڭغا بىر ھازا تىكىلىپ قاراپ تۇرغاندىن كېيىن، دېگىنى بويىچە كەينىگە ئىككى قەدەم داجىدى، دىلنارنىڭ كۆزى ئانچە يىراق بولمىغان جايدىكى ئەنسەرگە تىكىلدى.

توختىنىڭ كەينىدە ئەنسەر بار، ھازىر سەبىرە ئۇنىڭ قولىدا، توختىنىڭ گەرچە بەدىنى قاۋۇل بولسىمۇ، لېكىن مۇۋاپىق پەيتنى تاپالىسا،  ئەنسەرنىڭ ئۈچ ياردەمچى قوشۇلۇپ تۆتەيلەن ئۆمەر بىلەن توختى ئىككىيلەننى بويسۇندۇرايدۇ.

ھازىر ئۇنىڭ ئىككى قولىمۇ يېشىلدى، ھازىرقى ئەھۋالى بايىقىدىن كۆپ ياخشى.