گۈزەل ھايات 11-بۆلۈم12-قىسىم _ سىز قانداق ئويلىدىڭىز

12-قىسىم

مۇرات   ھەر كۈنى دوختۇرخانىغا بېرىپ دىلنارنى يوقلاپ تۇردى.يەنە دىلنارغا قارىغاچ شىركەتنىڭ ئىشلىرىنى دىلنارنىڭ ياتىقىدا بىر تەرەپ قىلىشقا ئادەتلىنىۋالدى.  بۇنداق ۋاقىتلاردا مۇرات دىلنارنىڭ ئالدىدا خىزمەت قىلغاچ شىركەتنىڭ بىر دۆۋە  ئاۋارىچىلىقلىرىدىن  ئاغرىنىپ غودىراپ قوياتتى  .

مەمەت تاغا بىلەن رىزۋان ھامما ئۇنىڭغا بىر نەچچە قېتىم خىزمەت بىلەن دىلنارنى بىزار قىلماسلىقنى ئېيىتقان بولسىمۇ مۇرات بۇنىڭغا پىسەنت قىلمىدى. 

دىلنارمۇ    زېرىكىپ قالدى بولغاي بىلىپ-بىلمەي مۇراتنىڭ ھېلىقى ھۆججەتلىرىنى قولىغا ئېلىپ كۆرۈپ چىقتى.  دىلنار شىركەتنىڭ ئىشلىرىغا كىرىشكەنسىرى مۇرات ھۇرۇنلىشىپ كېتىۋاتقاندەك قىلاتتى.

كېيىن كۆپىنچە ۋاقىتلاردا  مۇرات  دىلنارنىڭ يېنىدا يا  تېلېفوندا ئويۇن ئويناپ كىرىشىپ كېتىدىغان، ياكى بولمىسا ئادەتتىن تاشقىرى   قاتتىق ئۇخلاپ كىتىدىغان بولىۋلدى.

رىزۋان ھامما    بۇنداق ۋاقىتتا      مۇراتقا قاقشاپ كىتەتتى. ئەمما مەمەت تاغا  ھېچنېمە دېمىدى.

ئىلگىرى ئوغلىنىڭ تاماق يېگىنىگە قاراپمۇ كۆزىگە سىغمايدىغاندەك ھېس قىلاتتى، ھازىر ئۇنى ياخشى يەپ ئىچىپ ھورۇنلىشىپ كىتىشىگە قاراپ تۇرۇپمۇ ھېچنىمە دىمىدى .

رىزۋان ھامما ئۆزىنى تۇتۇۋالالماي ئۇنىڭدىن:

   -  سىز قانداق ئويلىدىڭىز، ئوغلىڭىز ھورۇنلىشىپ كېرەكسىز نەرسىگە ئايلىنىپ قالاي دەپ قالدى. ھەركۈنى يا ئۇخلايدۇ. يا تىلفون ئوينايدۇ.-دېدى.

مەمەت تاغا زىرۋان ھاممىغا قاراپ؛

  -  نېمە دەپ جۆيلۈۋاتىسىز ئوغلۇمنىڭ قانداقلىقىنى  بىلمەمدىم؟  ئۇ شۇنداق  مۇنەۋۋەر بالا بولدى.-دېدى.

رىزۋان ھامما ئۆزىگە تىكىلىپ قاراشقا چىدىمىغان ئوغلىغا يەنە بىر قاراپ قويۇپ، چىداپ تۇرالماي بېشىنى بۇرىدى.

بىر نەچچە كۈندىن كېيىن، دىلنار شىركەتنىڭ تۈرلىرى توغرىسىدا چۈشەنچىگە ئىگە بولدى.

بۇ بىر دۆۋە ھۆججەتلەر  ئۈچۈن ئۇ نۇرغۇن ۋاقتىنى سەرپ قىلدى.

ئەمەلىيەتتە مۇراتنىڭ نېمە ئويلاۋاتقانلىقىنى ئۇ بىلمەمدۇ.

بىلىدۇ. يەنى مۇرات دىلنارنىڭ دىققىتىنى يۆتكەپ، ئۇنىڭغا ۋاقىت ئۆتكۈزۈشۈپ بېرىشنى ئويلاۋاتاتتى.

ئۇمۇ ئۆزىنىڭ ھەقىقەتەن بىرەر ئىش تېپىپ قىلىشى كېرەكلىكىنى ھېس قىلدى.

بۇنىڭ ئۈنۈمى قارىماققا يامان ئەمەس بولغاندەك قىلاتتى.

 ھەقىقەتەن ئازابنى يەڭگىللىتىشتە ۋاقىت ئەڭ ياخشى دورا. ئالدىراش بولۇپ كەتسە بالىسىدىن ئايرىلىپ قالغاندىكى ھېسسىياتنى ئازراق بولسىمۇ كاللىسىدىن چىقىرۋىتەلەيدىكەن .ئەمما بۇ ئازابنىڭ يوقاپ كېتىشى مۇمكىن ئەمەستە. پەقەت يۈرەكنىڭ بىر بۇلۇڭىغا پۇرلاپ تىقىپ يوشۇرۇپ قويدى خالاس. سەللا بىكار بولۇپ قالسا يەنە شۇ بالىسىنى ئېسىگە ئېلىپ قالاتتى.ياكى چۈشلىرىدە بولسىمۇ بۇ ئازاب ئۇنى قىيناپ يۈرىكىنى غاجىلايتى.

ھەر قېتىم چۈشىدە ئۇ بالىسىنىڭ يىغا ئاۋازىنى   كۈلكە ئاۋازى ئاڭلىغاندەك بولاتتى.   ھەتتا بالىسىنىڭ ھەرىكەتلىنىپ، سەكرەپ-تاقلاپ خۇشال ھالدا ئانىسىنى چاقىرغان ھالىتىنىمۇ چۈشەپ  قالاتتى. 

چۈشىدە بالىسىنىڭ چىراي تۇرقىنى ئېنىق تەسۋىرلەپ بەرگىلى بولغۇدەك ئېنىق كۆرگەپ ۋاقىتلىرىمۇ نۇرغۇن بولۇپ بالىسى   خۇددى ئەنسەرنىڭ كىچىك ۋاقتىغا ئوخشايدىغاندەك ئىدى..

بۇ ئېنىقكى بىر گۈزەل چۈش. لېكىن ھامان چۆچۈپ ئويغىنىپ كېتەتتى..

چۈش قانچىلىك گۈزەل بولسا، رېئاللىققا قايتىش  شۇنچىلىك ئازاب  . مۇشۇنداق بولىۋەرگەنسىرى ئۇ ئەنسەرگە تېخىمۇ ئۆچ بولۇپ كىتىۋاتاتتى. .

شۇنىسى ئېنىقكى ئۇ بۇ ئۆمرىدە ئەنسەرنى   كەچۈرەلمەيدۇ. مۇھەببەت قانچە كۈچلۈك بولسا نەپرەتمۇ شۇنچە كۈچلۈك بولىدۇ. بۇ نەپرەت، ئۆچمەنلىك يوقايدىغاندەك، كىچىكلەيدىغاندەك ئەمەس ئىدى.

شۇ تاپتا دىلنار ئۆمەرنىڭ ھىسياتىنى چۈشەندى. ئۆزى ھايات ياشاۋاتقان بىلەن يۈرىكىدىكى ئۆچمەنلىك، ئازاپ ئۇنى  كۈندە قىينايدۇ. بەزىدە كۈنلەرنى بۇنداق ئۆتكۈزگەندىن ئۆچۈمنى ئېلىپ نىمە كۆرسەم كۆرەيمۇ دەپ قالاتتى.ئەلۋەتتە   بۇ تۇيغۇ بەكمۇ قورقۇنۇشلۇق ئىدى.  

دىلنار مانا مۇشۇنداق ھىلى ئازاپلىنىپ ھىلى نەپرەتلىنىپ، ھىلى ئۆزىنى مەجبۇرى خىزمەتكە تۇتۇپ بىرىپ دىققتىنى بۆلۈپ ئۆزىنى ئالداپ يۈرۈپمۇ خېلى كۈنلەر ئۆتۈپ كەتتى.كېسىلىمۇ كۈندىن-كۈنگە ياخشىلاندى.

بۇ ئارلىقتا  سەبىرەنىڭ قانچىنچى قېتىم ئىشىك ئالدىدىن قايىتقانلىقىنى ساناپ تۈگەپ كەتكىلى بولمايتى.ئىشقىلىپ دىلنارمۇ ئۇنى قوغلاپ زىرىكىپ قالمىدى. سەبىرەمۇ كىلىۋىرىپ ھېرىپ قالمىدى . دىلنار ياخشى بولۇپ خېلى كۈنلەردىن كىيىن   سەۋىر قاچىسى تولۇپ ئۇنى كىرسە كىرسۇن نىمە دەيدىكىن قېنى دەپ ئويلاپ كىرىشكە رۇخسەت قىلدى. 

سەبىرە كېسەلخانىغا كىرىپ قىسقا چاچلىق دىلنارنى كۆرۈپ داڭ قېتىپ تۇرۇپ قېلىپ؛

-چېچىڭىزنى كەستۈردىڭىزمۇ؟-دېدى. 

دىلنار بۇ ۋاقىتتا كارىۋاتتىن چۈشۈپ ئېھتىيات بىلەن ئىككى ئۈچ قەدەم ئالايدىغان بولغان بولۇپ شۇ تاپتا    ئۇ ئۇچىسىغا چاپان كىيىپ دېرىزە تۈۋىدە تۇرۇپ، رىزۋان ھامما  ھەر كۈنى ئېلىپ كېلىدىغان گۈللەرنى قىرقىپ،  گۈل تەشتىكىگە قىستۇرۇۋاتاتتى.

بۇ مەزگىلدە ئۇنىڭ گۈل تىزىش ھۈنىرى خېلى يۇقىرى كۆتۈرۈلۈپ قالغانىدى.

  -  شۇنچە ئۇزۇن ۋاقىت مەن بىلەن كۆرۈشمەكچى بولۇپ قاتراپ يۈردىڭىز، پەقەت مۇشۇ سوئالنى سورىماقچىمۇ سىز؟  -دېدى دىلنار كەينىگە بۇرۇلماي تۇرۇپ.

گېپىنى دەپ بولۇپ   يېڭىلا قىرقىپ بولغان بىر تال ئاپتاپپەرەسنى لوڭقىغا سېلىپ ئورنىنى تەڭشىدى.

سەبىرە بىردەم تۇرۇۋالغاندىن كېيىن:   -   سىزنىڭ يارىڭىز قانداقراق؟  -دەپ سورىدى.

  -  كۆرۈپ تۇرۇپسىز.مەن تېخى ھايات. -دېدى دىلنار. 

سەبىرە دىلنارنىڭ جاۋابىغا   قانداق جاۋاب بېرىشنى بىلەلمەي قالدى.

كېسەلخانا جىمجىتلىققا چۆمگەن بولۇپ، ھاۋا ساپلاشتۇرغۇچنىڭ مەشغۇلات قىلىۋاتقان ئاۋازى ۋە دىلنارنىڭ گۈل شاخلىرىنى چاتاۋاتقان ئاۋازىدىن باشقا ئاۋاز يوق ئىدى.

سەبىرەنىڭ يۈرىكى سەۋەبسىزلا سەل جىددىيلەشتى، بۇ ھەر قېتىم دىلنارنى كۆرگەندە ئازدۇر-كۆپتۇر ھېس قىلىدىغان تۇيغۇ ئىدى، شۇنچە يىللاردىن بۇيان، ئۇ تۇيغۇ يوقاپ باقمىدى.

-بۇ قېتىمقى ئىشتا خاتالىقنىڭ ھەممىسى مەندە. ئەگەر مەن ئەينى ۋاقىتتا ئۇ يەرگە بارمىغان بولسام سىزمۇ ....دېدى سەبىرە.  

ئۇ بۇ گەپنى دەپ بولۇپ  تۇيۇقسىز توختاپ قالدى، بۇ ئۇنىڭ داۋاملىق سۆزلىيەلمىگەنلىكىدىن ئەمەس، بەلكى پۈتۈن كېسەلخانىنىڭ تېمپېراتۇرىسىنىڭ تۇيۇقسىز تۆۋەنلەۋاتقانلىقىنى ھېس قىلىپ، پۈتۈن بەدىنىگە توخۇ ئەت ئۆرلەپ كەتتى.

ئۇ ئىختىيارسىز ھالدا دىلنارغا قارىدى، ئەمما ئۇنىڭ يەنىلا ئۆزىگە دۈمبىسىنى قىلىپ تۇرغانلىقىنى كۆردى، ئۇ ھېچ ئىش بولمىغاندەك ئىشىنى داۋاملاشتۇرۇۋاتقاندەك قىلاتتى.

خاتا تۇيغۇمۇ؟

سەبىرە ئەمدى سەل تىنىۋېلىپ ؛

  -   سىز ھازىر شۇنچە كۆپ ئىشلارغا ئۇچراپسىز، ھەتتا بالىڭىزدىن ئايرىلىپ قاپسىز مېنىڭچە مەن كېلىپ سىزگە رەھمەت ئېيتىش ۋە كەچۈرۈم سوراشنى بەك زۆرۈر دەپ قارايمەن  -دېدى.

دىلنار قولىدىكى يەنە بىر تال ئاپتاپپەرەسنى تەشتەككە قىستۇرۇپ قويدى، گۈل شېخى بەك قىسقا كېسىلىپ كېتىپ، بىۋاسىتە بوتۇلكا ئېغىزىغا چاپلىشىپ قالدى.

   -  رەھمەت -دېدى دىلنار.

 ئۇنىڭ ئاۋازى سۇس بولۇپ   خۇشاللىق ۋە غەزەپنى ئاڭقىرغىلى بولمايتتى.

-بۇ ئىشتا ئەنسەر ئاكاممۇ ئامالسىز قالدى، مەن سىزنىڭ خاتالىقنىڭ ھەممىسىنى ئۇنىڭغا ئارتىپ قويماسلىقىڭىزنى ئۈمىد قىلىمەن، ئەينى چاغدىكى ئەھۋالدا   ئۇ پەقەت ئۆزىنىڭ ئۇسۇلى ئارقىلىق بىزنى قۇتقۇزماقچى بولدى.ئۇنىڭ ئۈستىگە، ئۇ سىزنىڭ ھامىلىدار ئىكەنلىكىڭىزنى بىلمەيتتى، ئەگەر ئۇ بىلسە، بەلكىم ئۇ ئۇنداق تاللىماسلىقى مۇمكىن ئىدى.ئۇنىڭغا ئۇنداق ئۆچلۈك قىلىپ كەتمىسىڭىز بولاتتى  -دېدى سەبىرە.

 بۇ چاغدا دىلنارنىڭ ئايىغىغا بىر نەچچە تال گۈل بەرگى چۈشۈپ كەتتى.

سەبىرە لەۋلىرىنى چىڭ چىشلەپ تۇرۇپ :   -  مەن پەقەت سىزنىڭ ئۇنى خاتا چۈشىنىپ قېلىشىڭىزنى خالىمايمەن، ئۇ ئەزەلدىن ئىككىمىزنىڭ ھېچقايسىمىزنى  يارىلاندۇرۇشنى ئويلاپ باقمىغان .-دېدى.

 سەبىرەنىڭ گېپى تۈگىشى ھامان دىلنار؛

   -  مەن ئەنسەرگە ئۆچمۇ؟ئۇ ئىككىلىمىزنى يارلاندۇرماسلىقنى ئويلىدىما -دېدى.   

ئەنسەر ھەر كۈنى دوختۇرخانىغا بىر قېتىم كېلەتتى،   كېسەلخانىغا كىرىپ دىلنارنى ئۆز كۆزى بىلەن كۆرۈشنى تەلەپ قىلسىمۇ كىرەلمەيدىغىنى ئېنىق بولسىمۇ   ئىشىك ئالدىدا تۇرۇپ  ئۇنىڭ   ئاۋازىنى ئاڭلىيالىسىمۇ تەسەللىي تاپاتتى..

شۇ تاپتا، ئۇ يەنىلا كېسەلخانا سىرتىدا توسۇلۇپ قالدى، كېسەلخانىدىن چىققان سەبىرەنىڭ ئاۋازىنى ئاڭلاپ، قوشۇمىسىنى تۈرۈپ، دەرھال كەتمەي شۇ يەردە ئاڭلاپ تۇردى .

دىلنارنىڭ ھەر بىر سۆزى ئۇنىڭ يۈرىكىنى تىترىتىۋەتتى.

دىلنارنىڭ ئاۋازى داۋاملىق ياڭراۋاتاتتى:

  -  ھېلىقى ئىككى ئادەمنىڭ مەقسىتى نېمە؟  ئېنىقكى سىزنى كۆزدىن يوقىتىش . ئۇلارمۇ ئەنسەرگە ئىككىسىدىن بىرنى تاللا دېگىنى بىلەن نېگىزىدىن سىزگە قول سېلىشقا كۈشكۈرىتكەن. بىراق  ئەنسەر ئويلىمىغان يەردىن ماڭا قول سالدى. بۇنداق بولارىنى ئۇ ئىككى ئەرلا ئەمەس سىزمۇ ئويلاپ باقمىغان بولغىيدىڭىز.  ھەتتا مەنمۇ شۇ.ئويلاپ باقمىغان.  بۇ ئۇنىڭ ئاغزى-ئاغزىغا تەگمەي مېنى ياخشى كۆرىمەن دېگىنىگە قارىغاندا، سىزنىڭ ئورنىڭىزنىڭ ئۇنىڭ قەلبىدە تېخىمۇ يۇقىرى ئىكەنلىكىنى ئىسپاتلايدۇ.بۇنىڭدىن  سىز بەك خۇشال بولۇشىڭىز كېرەك، سىز بىلەن ئەنسەر ھەقىقەتەن قالتىس، مەن  بولسام  ئۇتتۇرۇپ قويغۇچى بولدۇم، ئۇنىڭ ئۈستىگە بەك ئېچىنىشلىق ئۇتتۇرۇپ قويدۇم، ئەگەر مەن سىز بولغان بولسام مەنمۇ خۇشال بولاتتىم.

ئەمدى نەق گەپكە كەلسەك سىزنىڭ بۇ يەرگە كېلىشتىكى ئاساسلىق مەقسىتىڭىز، مېنىڭ ئاغزىمدىن بۇ گەپلەرنى ئاڭلاپ، ئاندىن مېنىڭ زادى قانداق مەغلۇپ بولىدىغانلىقىمنى كۆرۈپ بېقىش ئۈچۈنغۇ دەيمەن؟  -دېدى دىلنار

  -  مەن ئۇنداق قىلمىدىم مەن سىزنىڭ سالامەتلىك ئەھۋالىڭىزدىن بەك ئەنسىرەيمەن،مەن سىز  سەۋەبلىك قۇتۇلۇپ قالدىم.بۇنىڭغا  رەھمەت ئېيتىمەن.سىز ھەم مەن سەۋەبلىك يارلاندىڭىز.  بالىڭىزمۇ يوق بولدى.  بۇنىڭدىن   كەچۈرۈم سورايمەن، مەن پەقەت  چىن كۆڭلۈمدىن كەچۈرۈم سوراي دەپ كىردىم !  -دېدى سەبىرە.

دىلنار بولسا كۆزىنى قىسىپ سوغۇق دىمىقىنى قېقىپ قويۇپ

  -  رەھمەت ۋە كەچۈرۈڭ دېگەن ئىككى سۆزنى بىر يەرگە ئەكەلسەك، مەن پەقەت سىزنى مېنىڭ ئالدىمدا ھەيۋە قىلىۋاتىدۇ دەپ قارايمەن. رەھمىتىڭىزنى قوبۇل قىلمايمەن، كەچۈرۈم سورىشىڭىز   -دېدى ۋە   ئاستا كەينىگە بۇرۇلدى.  تاتىرىپ كەتكەن چىرايىدا چەكسىز سوغۇق ۋە نەپرەت بار ئىدى.

دىلنار ئاستا-ئاستا ئۇنىڭغا قاراپ ماڭغاچ؛ 

  -  كەچۈرۈم سورىشىڭىز بەدىنىمدىكى بۇ تۆشۈكنى ئېتىپ قويالامدۇ؟ بىلىمدىكى يارىنى    ساقايتالامدۇ.   يەنە بالامنى قايتۇرۇپ كېلەلەمسىز؟  -دېدى.

ئۇ ئاستا-ئاستا يېقىنلاپ كەلدى، سەبىرە بۇنى كۆرۈپ ئالاقزەدە بولۇپ كەتتى، ئۇ بىر نەچچە قەدەم كەينىگە چېكىندى، ئەمما ئۇ ئىختىيارسىز ھالدا دىلنارنىڭ قولىدىكى قايچىغا قاراپ؛

-سىز نېمە ئىش قىلماقچى؟ 

دىلنار سوغۇق كۈلۈپ قويۇپ:   -  مەن ھېلىمۇ بەرداشلىق بېرىپ كەلدىم.ئېنىقكى يوقاتقانلىرىمنىمۇ ماڭا قايتۇرۇپ بېرەلمەيسىز، شۇڭا بۇنداق قۇرۇق كەچۈرۈم سورىغىنىڭىزنىڭ نېمە ئەھمىيىتى؟ -دېدى ۋە  

 تۇيۇقسىز سەبىرەنىڭ بىلىكىنى تۇتۇپ تۇرۇپ:   -  سىز بۇ كۈنلەردە   كۆرەڭلەپ، مېنىڭ قانچىلىك ئىچى تار ئادەم ئىكەنلىكىمنى ئۇنتۇپ قالدىڭىزغۇ دەيمەن، مېنى ياخشى كۈن كۆرگىلى قويمىسىڭىز   مەن سىزنى  قانداقمۇ بوش قويۇۋېتەي. ! سىز مەندىن كەچۈرۈم سوراشتا چىڭ تۇرغان ئىكەنسىز، نېمىشقا ئازراقمۇ سەمىمىي بولمايسىز؟  -دېدى.

سەبىرەنىڭ كەينىدە كېسەل كارىۋىتى بار ئىدى، ئۇ ئالاقزەدە بولۇپ، كارىۋاتقا يىقىلىپ چۈشتى.

دىلنارنىڭ قولىدىكى  قايچىغا قاراپ، قورققىنىدىن چىرايى تاتىرىپ؛

- ياق، دىلنار ھەدە .مەن ھامىلىدار.. بالام...-دېدى .

-ئالدىمدا  بالىنى تىلغا ئالماڭ!

 دىلنارنىڭ ئاۋازى تولىمۇ  ئۆتكۈر ئىدى. بۇ بەلكىم ئۇ بۇ ئۆمرىدە ئىشلەتكەن ئەڭ يۇقىرى ئىنتوناتسىيە بولسا كېرەك.

ئەنسەر ئۇنىڭ ئاۋازىنى ئاڭلاپ، چىرايى بىردىنلا ئۆزگىرىپ كېسەلخانىنىڭ ئىشىكىنى ئېچىپ كىرىپ كەتتى.

شۇ تاپتا دىلنار ئۇنىڭغا قاراپ قويدى.

كۆزلىرىدىن سوغۇق، كىنايە ۋە تەسۋىرلىگۈسىز نەپرەت چىقىپ تۇراتتى.

پەقەت بىر دەقىقە، پەقەت بىر دەقىقە.

دىلنار ئەنسەرنى كۆردى بىراق ھەرىكىتىدىن توختاپ قالماي   قولىدىكى قايچىنى راستتىنلا كۆتۈردى ۋە ئىككىلەنمەستىن سەبىرەنىڭ مەيدىسىگە سانجىدى!

سەبىرەنىڭ چىرقىرىغان ئاۋازى كىسەلخانىنى بىر ئالدى.