گۈزەل ھايات 11-بۆلۈم9-قىسىم _ سىز مېنى ياخشى كۆرەمسىز؟

9-قىسىم

 سىز مېنى ياخشى كۆرەمسىز؟

دىلنار كۆزلىرىنى يېنىك چىمچىقلاتتى، ئاندىن سۇس كۈلۈمسىرەپ قويۇپ :

  -  يارىلانغىنى مەيدەم بىلەن بىلىم، قورسىقىمغا زىيان يەتمىدى... - دېدى. 

دوختۇر بېشىنى چايقاپ:

- خانقىز، سىزمۇ بىلىسىز، بالا چۈشۈپ كېتىشنىڭ  سەۋەبلىرى  كۆپ بولىدۇ، ھەتتا ئادەتتىكى كەيپىياتى تۇراقسىز ياكى تېنى ئاجىز بولسىمۇ،  بالىسىدىن ئايرىلىپ قالىدىغانلار ناھايىتى كۆپ... - دېدى. 

دىلنارنىڭ چىرايى قەغەزدەك تاتىرىپ ئۇدۇلغا قاراشقا چىداپ تۇرالماي، ئېڭىكى بىلەن كېكىردىكىدە بىر پەس ئېگىز-پەس كۆتۈرۈلۈشكە كۆرۈلدى، ئارقىدىنلا ئۇ دوختۇرنىڭ كىيىمىنى تۇتۇۋالغان  قولىنى ئاستا بوشاتتى.

ئەمەلىيەتتە ئۇ بۇ سوئالنى سورىغاندىن كېيىن كۆپچىلىكنىڭ ئىنكاسىدىن مۇشۇنداق بىر نەتىجىنىڭ چىقىدىغانلىقىنى ئاساسەن بىلىپ بولغانىدى.

پەقەت ئىشەنگۈسى كەلمىدى خالاس.

ئۇ ئۆزىنى ياخشى ئادەم ئەمەس دەپ قارايدۇ، لېكىن ئۇ باشقىلارغا زىيانكەشلىك قىلىپ باقمىدى، ئوچۇق-ئاشكارا ياشىدى، ۋىجدانى پاك، ھېچقانداق جازاغا ئۇچرىغۇدەك يامانلىق قىلمىدى.

كىچىكىدىن باشلاپ    ھەددىن ئاشقان ئارزۇ - تەلەپنىمۇ ئاغزىدىن چىقىرىپ باقمىغان.

ئۇ 20 نەچچە يىل ئارزۇ-ئارمانسىز ياشىدى، نېمىشقا بۇ قېتىم گۈزەل ئۈمىدكە ئېرىشكەندە،  نابۇت بولىدۇ؟

ئۇ  ئۆمەرنىڭ ئوغلى ئۈچۈن قىلغانلىرىنى كۆرۈپ بالىسىغا چوقۇم ئەڭ ياخشىسىنى بېرىدىغانلىقىنى، باشقىلاردا بار، يوق نەرسىلەرنىڭ ھەممىسىنى ئۇنىڭغا بېرىدىغانلىقىنى، ئۆزىنىڭ ئەپسۇسلىنىشىغا يول قويمايدىغانلىقىنى، بالىسىنىڭ ئەپسۇسلىنىشىغا  تېخىمۇ يول قويمايدىغانلىقىنى،  بالىسىنى  چوقۇم ئۆمەرنىڭ بالىسىدىن كۆپ بەختلىك قىلالايدىغانلىقىنى ئېيتقان.

ئۇ ھەتتا ئۆمەر ۋە ئۇنىڭ ئوغلىغا ھەقىقەتەن ئىچ ئاغرىتقان. لېكىن ھازىر  ئۆزىنىڭ باشقىلارغا ئىچ ئاغرىتىشقا  سالاھىيىتى يوقلۇقىنى ھېس قىلدى... 

ئۆمەرنىڭ ئوغلى ساپاقلىق كەمپۈت، مېۋە ئۇيۇتمىسىنى يەپ باققان، ھازىرغا نىسبەتەن  دەۋرى ئۆتۈپ كەتكەن ئۇششاق يېمەكلىكلەرنى يەپ باقتى.

ئۇنىڭ بالىسى بولسا   نېمىنىڭ تەم ئىكەنلىكىنىمۇ بىلمىدى.

ساپاقلىق كەمپۈت، مېۋە ئۇيۇتمىسى دېگەنلەرنى دېمەيلا قويايلى، ئۇنىڭ بىر يۇتۇم سۇمۇ ئىچكۈدەك پۇرسىتىمۇ بولمىدى.

ئۇنىڭ باشقىلارغا ئىچ ئاغرىتىشقا نېمە  سالاھىيىتى بار؟

يۈرىكى ئېچىشىپ ئاغرىدى، خۇددى باشقىلار چىڭ سىقىمداپ تۇتۇۋېلىپ قويۇۋەتمىگەندەك، نەپەس ئالسىمۇ جېنى چىقىپ كېتىدىغاندەك ئاغرىدى.

 قانداق بولۇپ بۇنداق ئېغىز ئازاب ئىچىدە شۇڭغۇپ كىرىپ، ئوسال ھالغا چۈشۈپ قالدى.

 گېلى ئېچىشىپ ھەم چىڭقىلىپ، كۆزلىرىمۇ قۇرغاقلىشىپ كەتكەندەك بىر تامچىمۇ ياش چىقمىدى،  ئاخىرىدا ئۇ يەنىلا ناھايىتى سۇس كۈلۈپ قويۇپ:

- ھە، رەھمەت.  - دېدى.

دوختۇر ئۇنىڭغا ئالاھىدە  قاراپ كەتتى، بىراق ئۇ خاتىرجەم بولغاندەك قىلسىمۇ، ئەپسۇسلىنىش ۋە ئازاب ھەقىقەتەن قويۇق ئىدى.

- سالامەتلىكىڭىزنى ياخشى ئاسراڭ، بالىلىق بولماقچى بولسىڭىز كېيىن پۇرسەت چىقىدۇ.  - دېدى دوختۇر.

دوختۇرلارنىڭ سىمۋول خاراكتېرلىك ھالدا  ئەپلەپ-سەپلەپ بېرىدىغان تەسەللىيسىنى بەردى، ئاندىن بىر توپ دوختۇر-سېسترالارنى باشلاپ كېسەلخانىدىن چىقىپ كەتتى.

دىلنار كۆزىنى ئاستا يۇمدى.

ئەڭ ئاخىرىدا چىقىپ كەتكەن ئادەمنىڭ كېسەلخانىنىڭ ئىشىكىنى يېپىپ قويغان ئاۋازىنى ئاڭلىدى.

كېسەلخانا يەنە جىمىپ قالدى، ھاۋا ئۆتۈشۈپ، نەپەس ئېلىشىمۇ راۋانلاشتى.

ئەنسەر ئاستا كېسەل كارىۋىتىنىڭ يېنىغا كېلىپ، ئۇنىڭ كۆزلىرى يۇمۇلۇپ، چىرايى تاتىرىپ كەتكەن بولسىمۇ، روھى ھالىتى ناھايىتى  تىنچ ، تەمكىن كۆرۈندى.

 ئەنسەر ئۇنىڭ شۇ چاغدىكى تىنچلىقى ئۈچۈن يەنە بىر قېتىم دەككە-دۈككىگە چۈشتى.

 ئادەم كۆز ئالدىدا تۇرسىمۇ، ئەمما ئىككىسىنىڭ ئارىسىدا ئاسمان بىلەن زېمىندەك كېلىدىغان ئارىلىقى باردەك ھېس قىلدى.

كېسەلخانىنىڭ قانچىلىك جىمىپ كەتكەنلىكىنى بىلگىلى بولمىدى،  ئەمما ئەنسەر نېمە قىلارىنى بىلەلمەي تەمتىرەپ قالدى، ئاخىرى بۇ خىل ئازابقا بەرداشلىق بېرەلمەي، ئېغىز ئېچىپ :

- دىلنار... - دېدى.

دىلنارنىڭ كىرپىكلىرى تىترەپ ، كۆزىنى ئاستا ئېچىپ، تەمكىنلىكىنى ساقلاپ تورۇسقا قاراپ:

  -  سەبىرەچۇ؟   - دەپ سورىدى.

ئەنسەر بىردەم گاڭگىراپ تۇرۇپ قالغاندىن كېيىن، بىر نەچچە سېكۇنت  ھېچقانداق داۋالغۇش يوق چىرايىغا قارىدى، كىچىككىنە ئۆزگرىشمۇ بولمىدى.

- ئۇ ناھايىتى ياخشى.  - دېدى ئەنسەر.

دىلنار ئاخىرى چىڭىغان لەۋلىرىنى بوشىتىپ:

   -  مېنىڭ سىزدىن سورايدىغان يەنە بىر قانچە سوئالىم بار.  - دېدى.

ئەنسەر خېلى ئۇزاققىچە جىمىپ كەتتى،  خېلى ئۇزۇن تىركىشىپ تۇرۇۋېلىپ، ئاخىرى  ئىلاجسىز ئېغىز ئېچىپ:

- قېنى سوراڭ.  - دېدى.

  -  سىز مېنىڭ سەبىرەگە قول سالغىنىمنى كۆرگەن شۇ دەقىقىدە مېنى توسۇشنى قارار قىلدىڭىزمۇ ياكى بۇنىڭدىن بۇرۇنلا تاللاش قىلىپ بولغانمۇ؟ - دېدى دىلنار. 

ئەنسەر يەنە سۈكۈت قىلدى.

دىلنارمۇ ئالدىرىمىدى، ئۇنىڭ يالغان سۆزلىشىدىن ئازراقمۇ ئەنسىرىمىدى.

چۈنكى، بۇ مەسىلىدە ئەنسەر ياكى سەبىرەگە ھېچقانداق چېكىنىش يولى قالدۇرمىدى.

ئەمەلىيەتتە، بۇ مەسىلە مۇتلەق پۇت تىرەپ تۇرالايدۇ.

شۇڭا  ئۇلارنىڭ ئارىسىدا، نەدىمۇ  چېكىنىش يولى بولسۇن؟

  -  ئەينى چاغدىكى ئەھۋالدا... سەبىرەنىڭ كەينىدىكى توختىنىڭ قولىدا ئادەم يارلاندۇرىدىغان نەرسە بار ئىدى، ئەگەر... ئەگەر سىز يارىلانسىڭىز، توختى ئىسىملىك ئەر  سەبىرەگە قول سالمايدۇ دەپ ئويلىغان ئىدىم... - دېدى ئەنسەر.

دىلنار ئاخىرى بۇرۇلۇپ ئەنسەرگە قاراپ:

   - شۇڭا سىز مېنى يارلاندۇرۇپ ھەممىمىزنى قۇتۇلدۇرماقچى بولدىڭىزمۇ. بىراق شۇنى بىلىشىڭىز كېرەك ئىدى ؟  توختى   سەبىرەگە ئۆچ ئەمەس، لېكىن سەبىرەگە سېلىشتۇرغاندا، ئۆمەرمۇ ماڭا ئۇنچە ئۆچ ئەمەس. ئەينى چاغدا سىز ئاۋۋال  سەبىرەنى يارىلاندۇرغان بولسىڭىز، ئۆمەرمۇ ماڭا قول سالمىغان بولاتتى.   ... - دېدى.

ئاندىن سوغۇققىنە كۈلۈپ قويۇپ:

  -  ئەڭ ئاخىرىدا يەنىلا سەبىرەنىڭ ھاياتىنى ساقلاپ قېلىش ھەممىدىن مۇھىم بوپتۇ، مەن بۇنى ئوبدان بىلىمەن، شۇڭا مەنمۇ سىزدىن سەبىرە بىلەن ئىككىمىزدىن زادى كىمنى بەكرەك ياخشى كۆرىدىغانلىقىڭىزنى سورىمايمەن. - دېدى. 

ئەنسەر بىر نەچچە سېكۇنت سۈكۈتتە تۇرۇۋېلىپ، ئازابلانغان ھالدا :

- مەن سىزنىڭمۇ ھامىلىدار بولۇپ قالغانلىقىڭىزنى بىلمەپتىمەن... - دېدى. 

دىلنار ئەسلىدە بۇرۇنقىغا ئوخشاش يەڭگىل، كىنايە كۈلكىسىنى كۆرسەتمەكچى ئىدى، لېكىن ھازىر  قىلالمايدىغانلىقىنى بايقىدى.

 كۆزىنى چىمىلدىتىپ، كۆزىدىن ئېتىلىپ چىققان ئاچچىقنى بېسىۋېلىپ:

- سىزنىڭمۇ...  شۇڭا، سىزنىڭ جاۋابىڭىز  كېيىنكىسى شۇنداقمۇ. سەبىرە ھامىلىدار بولغاچقا،  ھەرگىزمۇ مەن ئۇنىڭغا قول سالماقچى بولغانلىقىم ئۈچۈن ئەمەس، بەلكى باشتىلا مېنى تاللىدىڭىز، ياكى باشتىلا تاللاپ بولغانلىقىڭىز ئۈچۈن، مېنىڭ سەبىرەگە قول سالغىنىمنى كۆرۈپ، مېنى يېقىتىش پىلان ۋاقتىڭىزنى ئالدىغا سۈردىڭىز. - دېدى.

ئەنسەر پەقەت:

   -  مەن پەقەت ئىككىلىڭلارنى قۇتۇلدۇرماقچى بولغان.    ... - دېيەلىدى.

- ھىم، بىلدىم... - دېدى دىلنار بېشىنى لىڭشىتىپ، - بىراق  سەبىرەنى يارىلاندۇرۇشقىمۇ قىيمايسىز، شۇنداقمۇ. - دېدى. 

ئەنسەر ئامالسىز قېلىپ كۆزىنى يۇمۇپ:

  -  دىلنار، ئەينى چاغدىكى ئەھۋالدا، مەن پەقەت... - دېدى. 

  -  سەبىرەنىڭ يۈرەك كېسىلى بار، يەنە تېخى ھامىلىدار، ئۇ خەتەردە قالدى. بىراق سىزنىڭچە مەن ئۇنچە خەتەرلىك ئەھۋالدا ئەمەس شۇنداقمۇ. بىراق ئەمەلىيەتتىچۇ. سەبىرەگە ھېچ ئىش بولمىدى،مىنىڭ ئىككى يېرىم ئېغىر يارىلاندى،  ئاخىرىدا بالاممۇ يوق بولدى... - دېدى. 

ئەنسەرنىڭ پۈتۈن بەدىنى قاتتىق تىترەپ، ئازاب ئىچىدە:

   -  كەچۈرۈڭ  ... - دېدى.

دىلنار يەنە بىر قېتىم كۈلۈپ قويدى، ئاخىرى يەنە ئۆزىنىڭ ئادەتلەنگەن، ئۇستا مەسخىرە كۈلكىسىنى كۈلۈپ:

- ئەپسۇس، سىز مەڭگۈ مېنىڭ ئاغزىمدىن  <  ھېچقىسى يوق > دېگەن سۆزگە ئېرىشەلمەيسىز. - دېدى.

ئەنسەرنىڭ قوللىرى بارا-بارا چىڭىپ:

-  ماڭا ئۆچ بولسىڭىز بولىدۇ، لېكىن  ماڭا تولۇقلايدىغان پۇرسەت بېرىشىڭىز كېرەك... بالا... بالا بولمىسا...  بىز يەنە... - دېدى. 

  -  ئەنسەر. - دىلنار تەمكىنلىك بىلەن ئەنسەرنىڭ گېپىنى بۆلۈۋەتتى،  بېشىنى سەل-پەل قىيسايتىپ  ئەنسەرگە قاراپ، - سىز بايا ماڭا بەرگەن جاۋابتىن، مەن يەنىلا ئازراق خۇشال بولدۇم. سىز مېنىڭ سەبىرەگە قول سالغانلىقىمنى كۆرۈپ مېنى يارىلاندۇرۇشنى قارار قىلغىنىڭىزدىن كۆرە،  بۇرۇنلا قارار چىقىرىپ بولغانلىقىڭىزدىن  يەنىلا خۇشال بولدۇم.  - دېدى.

ئەنسەر ئۇنىڭغا جىمجىت قاراپ تۇرۇپلا قالدى.

دىلنار ئۆزى ئاڭلىغۇدەك ئاۋازدا:

  -  مېنىڭ مىجەزىم ياخشى ئەمەس، مەن دائىم باشقىلارنى كەچۈرمەيمەن،  كەچۈرۈشكىمۇ ئاساسىم يوق، كەڭ قۇرساقمۇ ئەمەس، ئاسان ئاداۋەت ساقلايمەن،  ئۆچۈمنى ئالمىغۇچە بولدى قىلمايمەن. سىز بىلەن شۇنچە ئۇزۇن تارتىشىپ يۈردۈم...  مەن ئەمەلىيەتتە مۇھەببەتلىشىۋاتقان ئاياللارنىڭ ھەممىسىنىڭ كاللىسى يوق، پەس ئورۇنغا چۈشۈپ قالىدۇ دېگەن پىكىرگە قوشۇلىمەن، چۈنكى مەنمۇ ھەقىقەتەن سىز ئۈچۈن نۇرغۇن ئەقىل يەتمەيدىغان ئىشلارنى ھەم پەسكەش ئىشلارنى قىلدىم، بولمىسا بىز بۇرۇنلا كەسكىن  ئايرىلىپ كەتكەن بولاتتۇق، سىزمۇ ئىككى ئوتتۇرىدا قېلىپ، ھازىرقى ھالغا چۈشۈپ قالمايتتىڭىز. 

   بۇ قېتىملىق ساۋاق يېتەرلىك بولدى. شۇڭا مەن بىلەن قانداق قىلىشىنى ئويلىماڭ، ئىككىمىزنىڭ ئارىسىدا، كۆڭلىڭىزدە ئويلىغاندەك كەلگۈسى بولمايدۇ... - دېدى.

ئەنسەر بەدىنىدىكى كۈچنىڭ تۈگىگەنلىكىنى ھېس قىلىپ، كارىۋاتنىڭ يېنىدىكى ئورۇندۇققا ئېڭىشىپ ئولتۇرۇۋالدى، ئاندىن  دىلنارنىڭ قولىنى تۇتماقچى بولدى، ئەمما دىلنار چىرايىنى ئۆزگەرتمەي، قولىنى قورسىقىغا قويۇپ:

  -  بۈگۈن سىزدىن سورىغان تۇنجى سوئالىم ئېسىڭىزدىمۇ؟ - دەپ سورىدى.

ئەنسەر بىر نەچچە سېكۇنت ئويلىنىپ:

   -  سەبىرە  ... - دېدى.

دىلنار پەس ئاۋازدا :

-   ئىلگىرى ھېچكىمگە زىيانكەشلىك قىلىپ باقمىغان تۇرۇپ، نېمە ئۈچۈن بۈگۈنكىدەك جازاغا ئۇچرىغىنىمنى زادىلا كاللامدىن ئۆتكۈزەلمەيتتىم، مېنىڭچە، مەن بىر كىمنىڭ  ئۆمۈرلۈك تويىنى بۇزۇپ قويغاندەك قىلىمەن، شۇڭا جازاغا تارتىلىپتىمەن. ئەمدى جاھىللىق قىلماڭ، سىز بىر-بىرلەپ، سەبىرە ئۈچۈن ھازىرقىدەك ئىشلارنى قىلدىڭىز، يەنە ئۇنى ياخشى كۆرمەيمەن دېيەلەمسىز؟ - دېدى. 

  -  ئۇنى ياخشى كۆرمەيمەن،  سىزنى سۆيىمەن!  - دېدى ئەنسەر.

دىلنار يېنىك كۈلۈپ قويۇپ، چوڭقۇر نەپەس ئېلىپ:

-  سىز مېنى ياخشى كۆرەمسىز؟  - دېدى.

ئەنسەر قەتئىيلىك بىلەن تەكرارلاپ:

   -  مەن سىزنى سۆيىمەن. - دېدى.

- ئەمىسە مەن ھازىر سىزنى مېنى ياخشى كۆرىدۇ دەپ بىلەي. ـ  دېدى دىلنار سۆزىنى داۋاملاشتۇرۇپ، ـ بىراق سىز ئۇنىڭ ئۈچۈن مېنى يارىلاندۇرۇپ، بالامنى يوق قىلدىڭىز، مەن سىزدىن نەپرەتلىنىمەن.

  مەن سىزگە ئۆچ، شۇڭا سىزنى ياخشى كۈن كۆرسۇن دېمەيمەن. شۇڭا ئەنسەر، سىز ئەڭ ياخشىسى  مېنى ياخشى كۆرۈڭ، بولمىسا مېنىڭ تۆۋەندىكى سۆزلىرىم سىزدىن ئۆچ ئېلىش رولىنى ئوينىيالمايدۇ. - دېدى.

 ئەنسەرنىڭ ئازابلىق كۆزلىرى يەنە بىر ئاز جىمىپ قېلىپ:

  -  مەن سىزنى سۆيىمەن.  - دېدى.

دىلنار كۈلۈپ تۇرۇپ بېشىنى لىڭشىتىپ:

   -  ماقۇل  ... - دېدى.

ئۇزاق تۇرۇپ كەتكەندىن كېيىن،  چوڭقۇر نەپەس ئېلىپ، يەنە سۆزىنى داۋاملاشتۇرۇپ:

   -   دوختۇرخانىدا  سەبىرەنى تۇغۇتتىن بۇرۇنقى تەكشۈرۈشكە ئېلىپ بارغىنىڭىزدا  ئۇچرىشىپ قالدۇق. بۇ چاغدا مەن  سىلەرنى توسۇۋالغىلى بارمىدىم. ئۆزۈم تەكشۈرىتكىلى بارغان. مەن يەنە ئىززەت-ھۆرمىتىمنى قويۇپ، بىر نەچچە كۈندىن كېيىن تەشەببۇسكارلىق بىلەن سىزگە تېلېفون قىلدىم، سىزنى تۇغۇت تەكشۈرتۈشىگە بىللە ئېلىپ بېرىپ ھەيران قالدۇرماقچى بولغانىدىم، لېكىن سىزنىڭ ۋاقتىڭىز چىقمىدى، ئەمما كېيىنچۇ. يەنە   سەبىرەنىڭ تەكشۈرتۈشكە بىللە كەلگەنلىكىڭىزنى، ئاندىن سەبىرەنىڭ ھوشىدىن كەتكەنلىكىنى كۆردۈم، سىز ھېچنېمە دېمەيلا ئۇنى كۆتۈرۈپ ئالدىراپ كېتىپ قالدىڭىز...  

ئۆمەر مېنى غەربى تاغقا  ئېلىپ باردى، ئوغلىنىڭ رەسىمىنى كۆرۈپ ئۇنىڭغا ئىچ ئاغرىتتىم، ئۇنىڭ ئوغلى ياقتۇرۇپ يەيدىغان ئۇششاق يېمەكلىكلەر پەقەت ئىككى خىللا ئىكەن، لېكىن بۇ دۇنيادا ساپلىق كەمپۈت ۋە مېۋە ئۇيۇتمىسىدىنمۇ يېيىشلىك ئۇششاق يېمەكلىكلەر بار، مېنىڭچە مەن بالامغا بۇ دۇنيادىكى ئەڭ ياخشى نەرسىلەرنى بېرەلەيمەن دەپ ئويلىدىم.

ئۇنىڭدىن كېيىن، بالامغا دادىسى كەم بولسا قانداق بولىدۇ.

شۇ ۋاقىتتا مەن نىمىنى ئويلىدىم بىلەمسىز .    ئەگەر مېنى قۇتقۇزغىلى كەلسىڭىز، سىز بىلەن ئۇرۇشمايمەن،  ياخشى ئۆتىمەن،  مىجەزىمنىمۇ ئۆزگەرتىمەن دەپ ئويلىدىم. - دېدى.

ئەنسەر بۇ بىر نەچچە كۈندىن بۇيان يۈرەك ئاغرىقىنىڭ قانداق بولىدىغانلىقىنى تولۇق ھېس قىلدى.

بۇغدىيى يۇقىرى - تۆۋەم دۇمىلىدى، كۆڭلىدىكى ئەنسىزلىك، ئۆكۈنۈش ۋە ئازاب ئۇنى نېمە قىلارىنى بىلەلمەس قىلىپ قويدى.

ئەسلىدە دىلنار بالىسىنىڭ كەلگۈسىنى دەپ، ئۇنىڭ بىلەن ياخشى تۇرمۇش كەچۈرۈشنى ئويلاپتىكەن...