སྐད་གྲགས་བཞག་འདུག བཀྲ་ཤིས་བདེ་ལེགས་ཞུ།

政务 2024-10-30 17:15 西藏

ཟླ་10ཚེས་28ཉིན། གསར་འགོད་པས་རང་སྐྱོང་ལྗོངས་ལུས་རྩལ་ཅུས་ནས་ཤེས་རྟོགས་བྱས་པར། ཉེ་དུས་སྤེལ་བའི་ལུས་རྩལ་འགྲན་བསྡུར་ཁག་ནང་རང་ལྗོངས་ཀྱི་ལུས་རྩལ་པར་ཕུལ་བྱུང་གི་གྲུབ་འབྲས་ཐོབ་ཡོད་པ་རེད།

རང་ལྗོངས་ཀྱི་རྒྱང་རྒྱུག་འབྲིང་མའི（སྨི་800ནས་10000བར）ལུས་རྩལ་པ་ཚེ་རིང་མཚོ་མོར（དཀྱིལ）ཨེ་ཤེ་ཡ་ཤར་མའི་བུད་མེད་ཀྱི་ལམ་ཕྱེད་མར་སུན་ལེགས་སྐྱེས་འགྲན་བསྡུར་གྱི་ཨང་དང་པོ་ཐོབ་པ།

ཟླ་10ཚེས་27ཉིན། 2024ལོའི་ཁྲེང་ཏུའི་མར་སུན་འགྲན་རྒྱུག་དང་ཨེ་ཤེ་ཡ་ཤར་མའི་ལམ་ཕྱེད་མར་སུན་འགྲན་རྒྱུག་གི་ལེགས་སྐྱེས་འགྲན་བསྡུར·རྒྱལ་ཡོངས་ཀྱི་ལམ་ཕྱེད་མར་སུན་ལེགས་སྐྱེས་འགྲན་བསྡུར（ས་ཚིགས་ལྔ་པ） སི་ཁྲོན་ཁྲེང་ཏུར་གཉེར་ཞིང་། རང་ལྗོངས་ཀྱི་ལུས་རྩལ་པ་ཚེ་རིང་མཚོ་མོ་དང་བཀྲ་ཤིས་ཚེ་རིང（རྒན་པ） རྒྱལ་ཁབ་རུ་ཁག་ནང་བདམས་ཐོན་བྱུང་ནས་ཀྲུང་གོའི་འཐུས་ཚབ་བྱས་ཏེ་འགྲན་བསྡུར་ནང་ཞུགས་པ་རེད། ཚེ་རིང་མཚོ་མོར་ཨེ་ཤེ་ཡ་ཤར་མའི་བུད་མེད་ཀྱི་ལམ་ཕྱེད་མར་སུན་ལེགས་སྐྱེས་འགྲན་བསྡུར་གྱི་ཨང་དང་པོ་ཐོབ་པ་དང་། བཀྲ་ཤིས་ཚེ་རིང（རྒན་པ）ལ་ཨེ་ཤེ་ཡ་ཤར་མའི་སྐྱེས་པའི་ལམ་ཕྱེད་མར་སུན་ལེགས་སྐྱེས་འགྲན་བསྡུར་གྱི་ཨང་གསུམ་པ་ཐོབ་པ་རེད།

རང་ལྗོངས་ཀྱི་རྒྱང་རྒྱུག་འབྲིང་མའི་ལུས་རྩལ་པ་བཀྲ་ཤིས་ཚེ་རིང（གཡས）ལ་ཨེ་ཤེ་ཡ་ཤར་མའི་ལམ་ཕྱེད་མར་སུན་ལེགས་སྐྱེས་འགྲན་བསྡུར་གྱི་སྐྱེས་པའི་ཚོགས་ཆུང་གི་ཨང་གསུམ་པ་ཐོབ་པ།

ཟླ་10ཚེས་26ཉིན་ནས་ཚེས་27ཉིན་བར། 2024ལོའི་Uརིམ་པའི་འདུར་འགྲོས་རྣམ་གྲངས་ཀྱི་ཚོགས་པའི་འགྲན་བསྡུར་ཧྲའན་ཞི་ཧན་ཀྲུང་དུ་གཉེར་ཞིང་། རྒྱལ་ནང་གི་ཞིང་ཆེན་རིམ་པའི་འཐུས་མིའི་རུ་ཁག་27གྱི་ལུས་རྩལ་པ་350ཞུགས་ཡོད་པ་དང་། རང་ལྗོངས་ནས་ལུས་རྩལ་པ་2འགྲན་བསྡུར་ནང་ཞུགས་ཤིང་། པད་མ་སྒྲོལ་མར་བུད་མེད་ཀྱི་U20ཚོགས་ཆུང་གི་སྤྱི་ལེ་10ཡི་ཨང་དང་པོ་དང་སྤྱི་ལེ་5ཡི་ཨང་གཉིས་པ་ཐོབ་པ་དང་། ཆོས་འཛིན་ཉི་མར་སྐྱེས་པའི་U20ཚོགས་ཆུང་གི་སྤྱི་ལེ་5ཡི་ཨང་གཉིས་པ་དང་སྐྱེས་པའི་སྤྱི་ལེ་10ཡི་ཨང་གསུམ་པ་ཐོབ་ཡོད་པ་རེད།

རང་ལྗོངས་ཀྱི་བྷོག་སིན་ལུས་རྩལ་པ་ཚེ་རིང་རྒྱ་མཚོར（དཀྱིལ）བྱ་དགའ་ཐོབ་རྗེས་རྩལ་འཁྲིད་པ་དང་རུ་མི་མཉམ་དུ་དྲན་རྟེན་མཉམ་པར་ལེན་བཞིན་པ།

ཟླ་10ཚེས་20ནས་ཚེས་28ཉིན་བར། 2024ལོའི“དམངས་ཡོངས་ཀྱི་སྤུས་ལེགས་འཚོ་བའི་བུམ་པའི”རྒྱལ་ཡོངས་ཀྱི་སྐྱེས་པའི་བྷོག་སིན་གྱི་མཐའ་བསྡུར་ཧའེ་ནན་པའེ་ཧྲ་རུ་གཉེར་ཞིང་། རྒྱལ་ནང་གི་ཞིང་ཆེན་རིམ་པའི་འཐུས་མིའི་རུ་ཁག་31གི་ལུས་རྩལ་པ་351ཞུགས་པ་དང་རང་ལྗོངས་ནས་ལུས་རྩལ་པ་3འགྲན་བསྡུར་ནང་ཞུགས་ཡོད་པ་རེད། ཚེ་རིང་རྒྱ་མཚོར་སྤྱི་རྒྱ་51ནས་54རིམ་པའི་ཨང་གསུམ་པ་ཐོབ་པ་རེད།

2025ལོའི་ཟླ་1ཚེས་1ཉིན་ནས་དངུལ་འདི་འདྲ་ཞིག་ལེན་རྒྱུ་འདུག

གཞིས་རྩེ་ནས་བུ་མོ་འདི་བཟུང་འདུག གང་ཡིན་ཟེར་ན……

འབྲས་སྤུངས་དགོན་ལ་མངོན་པར་བསྟོད་དོ།

རྩོམ་སྒྲིག་པ་གཙོ་བོ། བསྟན་འཛིན་རྒན་པ།

འགན་འཁུར་རྩོམ་སྒྲིག་པ། བསྟན་འཛིན་གཡུ་སྒྲོན།

ལག་བསྟར་རྩོམ་སྒྲིག་པ། ཚེ་རྡོར། ཕུན་ཚོགས་ཉི་སྒྲོན།

རྩོམ་ཡིག་སྐུར་ས་དང་འབྲེལ་གཏུག་བྱ་ཡུལ།

xzrbzwmt@163.com