جۇڭگو كوممۇنىستىك پارتىيەسى مەركىزىي كومىتېتى، گوۋۇيۈەننىڭ مۇھىم ئېلانى!
جۇڭگو كوممۇنىستىك پارتىيەسى مەركىزىي كومىتېتى، گوۋۇيۈەن يېقىندا «يېزا-كەنتلەرنى ئومۇميۈزلۈك گۈللەندۈرۈش يىرىك پىلانى (2024-يىلىدىن 2027-يىلىغىچە)»نى بېسىپ تارقاتتى.
يىرىك پىلاندا مۇنداق ئوتتۇرىغا قويۇلدى: 2027-يىلىغا بارغاندا، يېزا-كەنتلەرنى ئومۇميۈزلۈك گۈللەندۈرۈشتە ماھىيەتلىك ئىلگىرىلەش قولغا كەلتۈرۈلۈپ، يېزا ئىگىلىكى، يېزىلارنى زامانىۋىلاشتۇرۇش يېڭى پەللىگە كۆتۈرۈلىدۇ؛ 2035-يىلىغا بارغاندا، يېزا-كەنتلەرنى ئومۇميۈزلۈك گۈللەندۈرۈشتە ھەل قىلغۇچ ئىلگىرىلەش قولغا كەلتۈرۈلۈپ، يېزا ئىگىلىكىنى زامانىۋىلاشتۇرۇش ئاساسىي جەھەتتىن ئىشقا ئاشۇرۇلۇپ، يېزىلاردا زامانىۋى تۇرمۇش شارائىتى ئاساسىي جەھەتتىن ھازىرلىنىدۇ.
يىرىك پىلاندا شەھەر-يېزا تەرەققىيات ئەندىزىسىنى ياخشىلاش، يېزا-كەنتلەرنى ئومۇميۈزلۈك گۈللەندۈرۈشنى تۈرلەر بويىچە تەرتىپلىك ئالغا سىلجىتىش ئوتتۇرىغا قويۇلدى؛ زامانىۋى يېزا ئىگىلىكى قۇرۇلۇشى تېزلىتىلىپ، ئاشلىق بىخەتەرلىكى ئاساسى ھەر تەرەپلىمە پۇختىلىنىدۇ؛ يېزا-كەنت كەسىپلىرىنىڭ يۇقىرى سۈپەتلىك تەرەققىياتىغا تۈرتكە بولۇنۇپ، دېھقانلارنىڭ كىرىمىنىڭ ئېشىشى ئىلگىرى سۈرۈلىدۇ؛ يېزا-كەنت ئىختىساسلىقلىرىنى زور كۈچ بىلەن يېتىشتۈرۈپ، تۈرلۈك ئىختىساسلىقلار يېزا-كەنتلەرنى ئومۇميۈزلۈك گۈللەندۈرۈشكە ئاتلىنىشقا جەلپ قىلىنىدۇ؛ يېزا-كەنت مەدەنىيىتى گۈللەندۈرۈلۈپ، يېڭى دەۋردىكى مەدەنىي يېزا ئىستىلى يېتىلدۈرۈلىدۇ؛ يېزا ـ كەنتلەرنىڭ ئېكولوگىيە مەدەنىيلىكى قۇرۇلۇشى چوڭقۇر ئالغا سىلجىتىلىپ، تەرەققىيات ئۇسۇلىدا يېشىل تىپ ئۆزگەرتىش تېزلىتىلىدۇ؛ ئولتۇراقلىشىشقا، كەسىپ بىلەن شۇغۇللىنىشقا ماس كېلىدىغان ئىناق، گۈزەل يېزا-كەنت قۇرۇلۇپ، دېھقانلارنىڭ بەخت-سائادىتى ئاشۇرۇلىدۇ؛ يېزا ئىگىلىكى، يېزا ئىسلاھاتى چوڭقۇرلاشتۇرۇلۇپ، يېزىلارنىڭ تەرەققىيات ھاياتىي كۈچى ئۇرغۇتۇلىدۇ؛ يېزا ئاساسىي قاتلام تەشكىلاتلىرى قۇرۇلۇشى كۈچەيتىلىپ، يېزا-كەنتلەرنى ئىدارە قىلىشنىڭ زامانىۋىلىشىشى ئىلگىرى سۈرۈلىدۇ.
مەنبە: خەلق تورى
بېكىتكۈچى: مىجىت ئابلا، ئابلىمىت بارى
مۇھەررىر : مەلىكەم مەمەت
ئىلگىرىكى خەۋەرلەر:
شەخسلەر ياشانغاندا كۈتۈنۈش پۇلىغا كىم قاتنىشالايدۇ
ھەر يىلى ئەڭ يۇقىرى بولغاندا 19 مىڭ200 يۈەن ياردەم پۇلى بېرىلىدۇ
ۋاڭ شىڭ ئادەم توشۇپ-سېتىشتا زىيانكەشلىككە ئۇچرىغۇچى ئىكەن
جاڭ شيۇلۇڭنىڭ پارا ئېلىش دېلوسىغا 1-سوتتا ھۆكۈم ئېلان قىلىندى
بۇ يىل شىنجاڭ ئالتە تۈرلۈك نۇقتىلىق خىزمەتنى ياخشى تۇتىدۇ
تەيۋەننىڭ تەينەن شەھىرىدە 6.2 بال يەر تەۋرىدى
دۆلىتىمىزنىڭ نۇرغۇن جايلىرىدا چوڭ تىپتىكى ئالتۇن كان بايقالدى
بايا ئېلان قىلىندى! دۇنيا بويىچە بىرىنچى!
جۇڭگو پۇقرالىرىنىڭ تالاپەتكە ئۇچرىغانلىقى توغرىسىدا دوكلات يوق
ياپونىيەدە 6.6 بال يەر تەۋرىدى
مائاشلىق يىللىق دەم ئېلىشنى بايرام بىلەن بىرلەشتۈرۈش كېرەك
