![]()
ལྷོ་ཁ་གྲོང་ཁྱེར་ཆུ་བེད་ཅུད་ཀྱི་དགུན་དུས་ཞིང་འབྲོག་ཁུལ་གྱི་གྲོང་གསེབ་འཐུང་ཆུ་མཁོ་འདོན་སྒྲིག་བཀོད་ལ་འཁྱག་འགོག་དྲོད་སྲུང་ཡག་པོ་བྱེད་དགོས་པའི་སྐོར་གྱི་བརྡ་ཁྱབ།
རྒྱ་ཆེའི་ཆུ་བེད་སྤྱོད་གནང་མཁན་ཁྱིམ་དུད་ཁག་ལ། དགུན་ཁ་ཤར་ནས་དྲོད་ཚད་རིམ་བཞིན་ཆག་པ་དང་བསྟུན་ནས་དགུན་དུས་གྲོང་གསེབ་ཀྱི་འཐུང་ཆུའི་བདེ་འཇགས་སྒྲིག་བཀོད་ཀྱི་དྲོད་སྲུང་འཁྱག་འགོག་ལས་དོན་ལ་འགྲན་སློང་འཕྲད་ཡོད། ཆུ་མཁོ་འདོན་སྒྲིག་ཆས་ལ་འཁྱག་སྐྱོན་མི་ཕོག་པ་བྱས་ཏེ། ངེད་གྲོང་ཁྱེར་གྱི་གྲོང་གསེབ་ཀྱི་འཐུང་ཆུའི་བདེ་འཇགས་འགན་ལེན་ལས་དོན་ཏན་ཏིག་ངང་སྤེལ་ནས། རྒྱ་ཆེའི་ཞིང་འབྲོག་མང་ཚོགས་དང་ལྷག་པར་དུ་ས་བབ་མཐོ་བའི་ཞིང་འབྲོག་མང་ཚོགས་ལ་དགུན་དུས་སུ་རྒྱུན་གཏན་གྱི་འཐུང་ཆུ་འགན་ལེན་བཅས་ཡོང་ཆེད་གཤམ་གསལ་གྱི་འཁྱག་སྐྱོན་སྔོན་འགོག་དང་འཁྱག་སྐྱོན་སེལ་ཐབས་སྤྱོད་ཆོག་གི་ཡོད།གཅིག འཁྱག་འགོག་གི་བྱ་ཐབས།གཅིག སྦུག་ལམ་གྱི་འཁྱག་འགོག་ལ་ཕྱི་ཐུམ་ཡག་པོ་རྒྱག་དགོས། སྦུག་ལམ་གྱི་ཕྱི་ངོས་ལ་སྲིང་བལ་གྱི་ཕྱི་ཐུམ་རྒྱག་དགོས་པ་དང་། འགྱིག་སྲབ་སོགས་དྲོད་སྲུང་རྒྱུ་ཆ་སྤྱད་ནས་ཐུམ་རྒྱག་དགོས། ཆུ་ཀ་ལའི་ཆུ་སྒོ་དེ་གྲང་ངར་ཆེ་བའི་དགུན་དུས་སུ་ཅུང་ཕྱེ་ནས་ཆུ་ཐིགས་རྒྱག་ཏུ་བཅུག་ཐོག་ཆུ་རྒྱུན་མི་ཆད་པར་ཆུ་གློད་ནས་བཞག་དགོས།གཉིས། ཆུའི་ཆུ་ཚོད་ཀྱི་འཁྱག་འགོག་ཐད་ཕྱི་ནང་གཉིས་ཀར་ལྟ་རྟོག་བྱེད་དགོས། ཆུའི་ཆུ་ཚོད་ཡོད་སའི་ས་དོང་ནང་སོག་ཕྱེའམ་དེ་མིན་དྲོད་འཛིན་རྒྱུ་ཆ་གཞན་དག་བླུགས་དགོས་ཡོད་པ་མ་ཟད། སྲིང་བལ་རྙིང་པ་སོགས་ཀྱིས་ཆུའི་ཆུ་ཚོད་ལ་ཕྱི་ཐུམ་ཡག་པོ་བརྒྱབ་ནས་ཕྱི་ངོས་སྐམ་པོ་དང་གཙང་མ་ཡོང་བ་བྱེད་དགོས།གསུམ། ཆུ་འཐེན་འཕྲུལ་འཁོར་ལ་འཁྱགས་མི་ཤོར་བའི་སྲུང་སྐྱོབ་བྱེད་དགོས། ཆུ་འཐེན་འཕྲུལ་འཁོར་ལ་སྔ་ཙམ་ནས་འཁྱགས་མི་ཤོར་བའི་སྲུང་སྐྱོབ་བྱེད་དགོས། དཔེར་ན། ཆུ་འཐེན་འཕྲུལ་འཁོར་གྱི་ཕྱི་ངོས་དང་སྦུག་ལམ་ལ་ཨ་ཅོར་དང་རྩྭ་ཐག རས་ཚལ་སོགས་དཀྲི་བའམ་ཡང་ན་འཁྱགས་མི་ཐེབས་པའི་བཀྲག་རྩི་བྱུག་དགོས། ཆུ་འཐེན་འཕྲུལ་འཁོར་སྤྱོད་མཚམས་བཞག་རྗེས་འཕྲུལ་འཁོར་ནང་ལྷག་ཡོད་པའི་ཆུ་ཕྱིར་འབུད་དགོས།གཉིས། འཁྱགས་སྐྱོན་ཐག་གཅོད་བྱེད་ཐབས།གཅིག སྦུག་ལམ་གྱི་འཁྱགས་བཞུར་ལ'རྒྱུ་ཆར་བརྟེན་ནས་བཞུར་ཐབས'སྤྱོད་དགོས། སྦུག་ལམ་ལ་འཁྱགས་པ་རྒྱག་སྐབས། གལ་སྲིད་སྦུ་གུ་དེ་ལྕགས་(ལྕགས)ཀྱི་སྦུ་གུ་ཡིན་ན་ཆུ་དྲོན་མོས་(ཆུ་ཁོལ་སྤྱོད་མི་རུང)ཆུ་བཤལ་གཏོང་བའམ་གློག་ཆས་རླུང་གཡབ་ཆུང་ངུས་སྐམ་བསྲེག་གཏོང་དགོས། འོན་ཀྱང་ས་ཆ་གཅིག་ལ་དུས་ཡུན་རིང་པོ་སྐམ་བསྲོ་བྱེད་མི་རུང་། གལ་ཏེ་འགྱིག་སྦུག་ཡིན་ན། ཨ་ཅོར་ཚ་པོས་བཏུམ་རྗེས་ཆུ་དྲོན་མོས་ཆུ་བཤལ་གཏོང་དགོས།གཉིས། སྦུག་ལམ་འཁྱགས་གས་ཐེབས་ན'བཀག་སྒོ་བསྡམས་ནས་བཟོ་བཅོས་'རྒྱག་དགོས། སྦུག་ལམ་ལ་འཁྱག་ཐེབས་ནས་གས་ན། འཕྲལ་མར་ཆུ་བཀག་ས་ནས་ཆུ་བཀག་དགོས། གལ་སྲིད་ཆུ་བཀག་མ་ཐུབ་ན་ཨ་ཅོར་རམ་ཡང་ན་རས་ཐུམ་གྱིས་གས་ཡོད་སར་དམ་པོར་བསྡམ་དགོས་པ་མ་ཟད། དུས་ཐོག་ཏུ་སྦུ་གུ་བརྗེ་དགོས།གསུམ། ཆུ་འཐེན་འཕྲུལ་འཁོར་ལ་འཁྱག་པ་ཐེབས་ན་འཁྱགས་ཆུ་བསྒྱུར་ཐབས་བྱེད་དགོས། ཆུ་འཐེན་འཕྲུལ་འཁོར་ལ་འཁྱག་པ་ཐེབས་དུས་ཆུ་ཚ་པོ་ཆུ་འཐེན་འཕྲུལ་འཁོར་ནང་བླུགས་ནས་བཞུར་ཐབས་བྱེད་ཆོག་ལ། ཕྱི་ངོས་ཐོག་ཆུ་ཚ་པོ་གཏོར་དགོས། དེ་ནས་ཀླད་ཀོར་ཡན་གྱི་ཆུ་དྲོད་འཇམ་ནང་བཞག་ན་འགྲིགབཞི། རང་འབབ་ཆུ་སྤྱོད་མཁན་དང་ཁྱིམ་ཚང་ནང་འཁྲིད་པའི་སྦུག་ལམ་ལ་མཚོན་ན། ཉིན་གཉིས་པའི་གནམ་གཤིས་དྲོད་ཚད་ཀླད་ཀོར་འོག་གི་3℃མན་ཡིན་པ་སྔོན་ནས་ཤེས་ན། ས་སྲོད་མཚམས་སུ་ཆུ་ཀ་ལའི་ཆུ་སྒོ་ཅུང་ཙམ་ཕྱེ་ནས་ཆུ་ཐིགས་རྒྱག་ཐུབ་པ་བཟོས་ཏེ། རང་འབབ་ཆུ་ཀ་ལར་འཁྱགས་པ་མི་ཐེབས་པའི་སྔོན་འགོག་བྱ་དགོས།གསུམ། རྩ་འཛུགས་ཀྱི་དོ་དམ་ལ་ཤུགས་སྣོན་རྒྱག་དགོས།གཅིག གྲོང་མི་ཨུ་ཡོན་ལྷན་ཁང་གིས་གྲོང་མི་སྒྲིག་འཛུགས་བྱས་ཏེ་དུས་བཀག་ནང་ཆུ་རྩའི་ཉེ་འཁོར་གྱི་གད་སྙིགས་གཙང་སེལ་དང་། ཆུ་གསོག་རྫིང་བུ་གཙང་འཁྲུ་དུག་སེལ་བྱེད་དགོས་པ་དང་ཆབས་ཅིག་རྒྱུན་སྤྱོད་ཟད་གྲོན་ཆེ་བའི་སྒྲིག་ཆས་ཁག་གཅིག་གྲ་སྒྲིག་གང་ལེགས་བྱས་ཏེ་གནད་དོན་ཐོན་ཚེ་དུས་ཐོག་ཏུ་འགན་སྲུང་ཐུབ་པ་བྱེད་དགོས།གཉིས། ཆུ་སྦུག་དོ་དམ་བྱེད་མཁན་གྱིས་དུས་བཀག་ལྟར་འཐུང་ཆུའི་སྒྲིག་ཆས་ལ་སྐོར་གཡེང་ཞིབ་བཤེར་བྱས་ཏེ། གནད་དོན་ཆུང་གྲས་ཐོན་ཚེ་དུས་ཐོག་ཏུ་ཞིག་གསོ་དང་བདག་སྐྱོང་བྱས་ནས་དུས་ཐོག་ཏུ་འགན་སྲུང་ཡོང་བ་བྱ་དགོས།གསུམ། ཆུ་བེད་སྤྱོད་བྱེད་མཁན་ཁྱིམ་དུད་སོ་སོས་དགུན་དུས་ཀྱི་ཆུ་སྤྱོད་བདེ་འཇགས་ཆེད་དུ་རང་ཁྱིམ་གྱི་སྒྲིག་ཆས་དང་སྒྲིག་བཀོད་ལ་སྲུང་སྐྱོང་ཡག་པོ་བྱེད་དགོས་པ་དང་། ཐུན་མོང་ཐོག་སྤྱོད་པའི་ཆུའི་ཆུ་ཚོད་ཡོད་སའི་ས་སྡོང་ལ་དོ་དམ་ཡག་པོ་བྱས་ཏེ་འཐུང་ཆུའི་སྒྲིག་ཆས་ལ་ལྟ་རྟོག་ཡག་པོ་མ་བྱུང་ཚེ་རང་འགུལ་ངང་ལྟ་རྟོག་བྱེད་རྒྱུར་དྲན་སྐུལ་ཞུ་དགོས།བཞི། ཆུ་བེད་སྤྱོད་བྱེད་མཁན་ཁྱིམ་དུད་ཁག་གིས་དགུན་དུས་གནམ་གཤིས་གྲང་མོ་ཡོད་དུས་ཁྱིམ་ཚང་ནང་འཚོ་བའི་སྤྱོད་ཆུ་མི་ཉུང་བ་གསོག་འཇོག་བྱས་ཏེ་འཕྲལ་སྤྱོད་འཐུང་ཆུ་གྲ་སྒྲིག་ཡག་པོ་བྱེད་དགོས།བཞི། ཞབས་ཞུའི་ཐད་སྦྲེལ་ཁ་པར།གལ་སྲིད་ཁྱེད་ཀྱིས་ཞིང་འབྲོག་ཁུལ་གྱི་འཐུང་ཆུ་ནས་སྒེར་གྱིས་ཆུ་འཁྲིད་དེ་ཆུ་བརྐུས་པའམ་ཆུ་འདོན་མདོང་ལམ་ནས་ཆུ་འཛག་ནས། ཁྱིམ་དུ་ཆུ་མེད་པ་ཤེས་ཚེ། ས་ཁོངས་གྲོང་ཚོ་དང་སྡེ་ཁུལ་གྱི་ཆུ་སྤྱོད་མཐུན་ཚོགས་ལ་འབྲེལ་གཏུགས་བྱས་ཏེ་གནས་ཚུལ་གོང་ཞུ་བྱེད་དགོས་པ་དང་། 'ཆུ་སྤྱོད་དུད་ཚང་། → ཆུ་སྤྱོད་མཐུན་ཚོགས། → གྲོང་ཚོ་སྡེ་ཁུལ་ཁག → ཤང་ངམ་གྲོང་རྡལ་ཁག → རྫོང་ཆུ་བེད་ཅུད'བཅས་ལ་རིམ་པ་བཞིན་སྙན་སེང་ཞུས་ནས་ཐག་གཅོད་བྱེད་པའི་ལམ་ལུགས་དོན་འཁྱོལ་བྱེད་དགོས། གལ་ཏེ་ཐག་གཅོད་མ་ཐུབ་ཚེ། ལྷོ་ཁ་གྲོང་ཁྱེར་ཆུ་བེད་ཅུད་འཐུང་ཆུའི་བདེ་འཇགས་ཀྱི་ཞབས་ཞུའི་ཁ་པར་རྒྱག་དགོས།ལྷོ་ཁ་གྲོང་ཁྱེར་ཆུ་བེད་ཅུད། 0893-7835870ཚུལ་ཁྲིམས་བསྟན་འཛིན། 13889037227འཐུང་ཆུའི་བདེ་འཇགས་དེ་དུད་ཚང་ཁྲི་སྟོང་མང་པོ་དང་འབྲེལ་བ་ཡོད། ཆུ་བེད་སྤྱོད་བྱེད་མཁན་གྱི་གཞི་གྲངས་མང་བ་དང་། ཁྱབ་ཁྱོན་ཆེ་ལ་སྡོད་ཁུལ་ཁ་ཐོར་ཡིན་པ་བཅས་ལས་དགུན་དུས་ཀྱི་དྲོད་སྲུང་དང་དོ་དམ་ནི་ཧ་ཅང་གལ་འགངས་ཆེ་བ་ཞིག་ཡིན་རྐྱེན་ཆུ་བེད་སྤྱོད་བྱེད་མཁན་དུད་ཚང་ཁག་གིས་གཡས་གཞོགས་གཡོན་འདེགས་བྱས་ནས་དོ་དམ་ཡག་པོ་བྱེད་དགོས། དགུན་དུས་ཀྱི་འཐུང་ཆུ་བདེ་འཇགས་ཡོང་ཆེད། ཁྱེད་ཀྱིས་རང་ཁྱིམ་གྱི་སྒྲིག་ཆས་དང་སྒྲིག་བཀོད་ལ་སྲུང་སྐྱོང་ཡག་པོ་གནང་ནས་ཐུན་མོང་གི་སྤྱོད་ཆུའི་ཆུ་ཚོད་ཡོད་སའི་སྡོང་ཁུང་ལ་དོ་དམ་ཡག་པོ་བྱེད་དགོས། གལ་སྲིད་འཐུང་ཆུའི་སྒྲིག་ཆས་ལ་ལྟ་རྟོག་ཡག་པོ་མ་བྱུང་ཚེ་རང་འགུལ་ངང་ལྟ་རྟོག་དང་དྲན་སྐུལ་ཞུ་དགོས། རྒྱ་ཆེའི་མང་ཚོགས་ཀྱིས་དགུན་དུས་ཀྱི་འཐུང་ཆུ་མཁོ་འདོན་འགན་ལེན་ལས་དོན་ལ་གཞོགས་འདེགས་ཧུར་ཐག་གནང་རྒྱུའི་རེ་བ་ཞུ་རྒྱུ་ཡིན། ལྷོ་ཁ་གྲོང་ཁྱེར་ཆུ་བེད་ཅུད།
ཡོང་ཁུངས། ལྷོ་ཁའི་བོད་ཡིག་ཚགས་པར།
![]()
འགན་འཁུར་རྩོམ་སྒྲིག་པ། བསོད་ནམས་བསྟན་པ།
ལག་བསྟར་རྩོམ་སྒྲིག་པ། བསོད་ནམས་དོན་གྲུབ།
ཞུ་དག ཡེ་ཤེས་བཟང་མོ། བདེ་སྐྱིད་དཔལ་སྒྲོལ།
