![]()
ལྷོ་ཁ་གྲོང་ཁྱེར་གྱི་ཐབ་ཆས་གསར་རྙིང་བརྗེ་བའི་འཛད་སྤྱོད་ལ་སྐུལ་འདེད་གཏོང་བའི་བྱེད་སྒོ།
![]()
རང་སྐྱོང་ལྗོངས་ས་མཐོའི་ནུས་མང་ཐབ་ཆས་གསར་རྙིང་བརྗེ་བའི་ཁ་གསབ་རོགས་དངུལ་སྤྲོད་རྒྱུའི་སྐོར་གྱི་ལག་བསྟར་ཞིབ་སྲོལ་དོན་འཁྱོལ་ཡོང་ཆེད། ལྷོ་ཁ་གྲོང་ཁྱེར་དཔལ་འབྱོར་ཆ་འཕྲིན་ཅན་ཅུད་ཀྱིས་འཆར་གཞི་ལྟར་ས་མཐོའི་ཐབ་ཆས་གསར་རྙིང་བརྗེ་བའི་བྱེད་སྒོ་སྤེལ་རྒྱུ་རེད་འདུག འབྲེལ་ཡོད་ནང་དོན་གསལ་བསྒྲགས་བྱ་རྒྱུ་གཤམ་གསལ།
གཅིག གཙོ་གཉེར་ཚན་པ་དང་མཉམ་ལས་སྟེགས་བུ།མཛུབ་སྟོན་ཚན་པ།
བོད་རང་སྐྱོང་ལྗོངས་དཔལ་འབྱོར་དང་ཆ་འཕྲིན་ཅན་ཐིང་། བོད་རང་སྐྱོང་ལྗོངས་འཕེལ་རྒྱས་དང་བསྒྱུར་བཅོས་ཨུ་ཡོན་ལྷན་ཁང་།
གཙོ་གཉེར་ཚན་པ།
ལྷོ་ཁ་གྲོང་ཁྱེར་མི་དམངས་སྲིད་གཞུང་།
གཉེར་སྒྲུབ་ཚན་པ།
ལྷོ་ཁ་གྲོང་ཁྱེར་དཔལ་འབྱོར་དང་ཆ་འཕྲིན་ཅན་ཅུད། ལྷོ་ཁ་གྲོང་ཁྱེར་འཕེལ་རྒྱས་དང་བསྒྱུར་བཅོས་ཨུ་ཡོན་ལྷན་ཁང་།
ལག་རྩལ་འདེགས་སྐྱོར་ཚན་པ།
བོད་ལྗོངས་ཅཱ་ཧུའེ་ཏུའོ་ཏུའོ་ཧྲུའུ་ཀྲེ་ཚན་རྩལ་ཚད་ཡོད་ཀུང་སི།
ཞབས་ཞུ་འདེགས་སྐྱོར་ཚན་པ།
བོད་ལྗོངས་ཅཱ་ཧུའེ་ཏུའོ་ཏུའོ་ཧྲུའུ་ཀྲེ་ཚན་རྩལ་ཚད་ཡོད་ཀུང་སི།
གཉིས་པ། བྱེད་སྒོའི་བརྗོད་དོན་གཙོ་བོ།ལྷོ་ཁ་གྲོང་ཁྱེར་གྱི་ཐབ་ཆས་གསར་རྙིང་བརྗེ་བའི་འཛད་སྤྱོད་ལ་སྐུལ་འདེད་གཏོང་བའི་བྱེད་སྒོ།
གསུམ་པ། བྱེད་སྒོའི་དུས་ཚོད།2024ལོའི་ཟླ་11པའི་ཚེས་23ཉིན་གྱི་ཉིན་དགུང་ཆུ་ཚོད་12ཏག་ཏག་ནས་2024ལོའི་ཟླ་12པའི་ཚེས་31ཉིན་གྱི་དགོང་མོའི་ཆུ་ཚོད་12ཀྱི་བར་རམ། ཁ་གསབ་རོགས་དངུལ་མ་ལུས་དོན་འཁྱོལ་ཚར་ཚར་གྱི་བར་ཡིན།
བཞི་པ། བྱེད་སྒོའི་ནང་དོན།ལྷོ་ཁ་གྲོང་ཁྱེར་གྱི་ཡུལ་མི་དང་ལྷོ་ཁ་གྲོང་ཁྱེར་དུ་འཚོ་བ་བསྐྱལ་ནས་སྡོད་མཁན་གྲོང་མི།༢ བྱེད་སྒོར་ཞུགས་མཁན་གྱི་ཚོང་དུད།གཤམ་གྱི་རྩ་གཉིས་ཨང་རྟགས་བཤེར་ནས་ཚོང་དུད་ལ་རྒྱབ་སྐྱོར་བྱས་ཆོག་པ།![]()
༣ བྱེད་སྒོའི་ཚོང་ཟོག་དང་ཁ་གསབ་ཀྱི་ཚད་གཞི།རང་སྐྱོང་ལྗོངས་ཆ་འཕྲིན་ཐིང་གི་འབྲེལ་ཡོད་འགན་འཁུར་བའི་ངོ་སྤྲོད་ལྟར་ན། ཐབ་ཆས་རྙིང་པར་རིན་གོང་མཐོ་ཤོས་སྒོར་200སྤྲོད་ཀྱི་ཡོད། ཐབ་ཆས་དེ་དག་ནང་དབུགས་རྡིག་རྙིང་པ་དང་། ཀོག་ཧྥེའི་འཕྲུལ་ཆས་རྙིང་པ། སྲན་ཁུའི་འཕྲུལ་ཆས་རྙིང་པ། རླབས་ཐབ་རྙིང་པ། གློག་གི་ཆུ་བསྐོལ་ཆས་རྙིང་པ། གློག་ཐབ་རྙིང་པ། ཤིང་འབྲས་གཙག་ཆས་རྙིང་པ། མདོང་མོ་རྙིང་པ། གློག་གི་བག་སླང་རྙིང་པ། གློག་གི་རྒྱ་ཁོག་བཟོ་སྣོད་རྙིང་པ། གློག་ཕྲུ་རྙིང་པ། ཚལ་སླང་རྙིང་པ། འོ་མ་བསྐོལ་ཆས་རྙིང་པ་སོགས་ཚུད་ཡོད།ངོ་སྤྲོད་བྱས་པར་གཞིགས་ན། ཐབ་ཆས་གསར་པ་བརྗེ་སྐབས། སྔོན་ལ་ཉེ་འགྲམ་གྱི་ཚོང་ཁང་དུ་ཐབ་ཆས་རྙིང་པ་ཁྱེར་ནས་གོང་ག་ཚོད་ཁུག་མིན་ལྟ་བར་འགྲོ་དགོས་པ་དང་། རིན་གོང་བློ་ལ་བབས་རྗེས་ཁ་པར་ནས“ཅ་ཧུའེ་ཏུའོ་ཏུའོ”（嘉惠多多）ཞེས་པའི་བྱ་རིམ་ཆུང་གྲས་ནས་གློག་རྡུལ་འཛད་སྤྱོད་འཛིན་ཤོག་བླངས་ཏེ་ཐབ་ཆས་གསར་པ་ཉོ་ཆོག ཐབ་ཆས་གསར་པ་ཉོ་སྐབས་སྒོར་300ལོན་ཚེ་སྒོར་60གཅོག་པ་དང་། སྒོར་500ལོན་ཚེ་སྒོར་100གཅོག་པ། སྒོར་1000ལོན་ཚེ་སྒོར་200གཅོག་གི་ཡོད་པ་རེད། དེས་མ་ཚད། ད་དུང་ཚོང་ཁང་ནས་གཟིགས་སྐྱོང་རིན་གོང་བརྒྱ་ཆ་30ཡན་གཅོག་གི་ཡོད། ད་དུང་དྲ་ཐོག་ནས་འཛད་སྤྱོད་འཛིན་ཤོག་ལེན་ཆོག་གི་ཡོད་པ་རེད།གཤམ་གྱི་རྩ་གཉིས་ཨང་རྟགས་བཤེར་ནས་ཚོང་རྫས་གཟིགས་ཆོག![]()
དེ་མིན་བྱེད་སྒོའི་ཞིབ་ཕྲའི་སྒྲིག་སྲོལ་གཤམ་གྱི་རྩ་གཉིས་ཨང་རྟགས་བཤེར་ནས་བློ་འདྲི་བྱས་ཐོགཡོང་ཁུངས། ལྷོ་ཁའི་བོད་ཡིག་ཚགས་པར།
![]()
འགན་འཁུར་རྩོམ་སྒྲིག་པ། བསོད་ནམས་བསྟན་པ།
ལག་བསྟར་རྩོམ་སྒྲིག་པ། བསོད་ནམས་དོན་གྲུབ།
ཞུ་དག ཡེ་ཤེས་བཟང་མོ། བདེ་སྐྱིད་དཔལ་སྒྲོལ།
