བདེ་སྐྱིད་དང་མཛེས་སྡུག་ལྡན་པའི་བོད་ལྗོངས་འཛུགས་སྐྲུན་བྱས་ནས་ཐུན་མོང་ཐོག་བསྐྱར་དར་རླབས་པོ་ཆེའི་ཕུགས་འདུན་མངོན་འགྱུར་བྱེད།
སྤྱི་ཚེས་12ཉིན། གྲོང་ཁྱེར་ཡོངས་ཀྱི་ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་བརྟན་པོ་འཛུགས་པའི་སློབ་གསོའི་གཞི་རིམ་རྐང་འཛིན་སྒྲོག་འགྲེལ་པའི་གསོ་སྦྱོང་གཉེར་ཏེ། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་རྒྱལ་ཡོངས་མི་རིགས་མཐུན་སྒྲིལ་ཡར་ཐོན་གཟེངས་བསྟོད་ཚོགས་ཆེན་ཐོག་གནང་བའི་གསུང་བཤད་གལ་ཆེན་དགོངས་དོན་བརྒྱུད་བསྒྲགས་སློབ་སྦྱོང་བྱས་པ་རེད།
གྲོང་ཨུད་རྒྱུན་ཨུ། འཐབ་ཕྱོགས་གཅིག་གྱུར་པུའི་པུའུ་ཀྲང་། གྲོང་ཁྱེར་སྲིད་གྲོས་ཏང་ཙུའི་ཧྲུའུ་ཅི་གཞོན་པ་བསྟན་འཛིན་གྱིས་གསུང་བཤད་གནང་།
སྤྱི་ཚེས་12ཉིན། གྲོང་ཁྱེར་ཡོངས་ཀྱི་ལས་བྱེད་རྒན་གྲས་ལས་དོན་གྱི་བཞུགས་མོལ་སྐོང་འཚོགས་བྱས་ཏེ། ཏང་གི་སྐབས་ཉི་ཤུ་པའི་ཚང་གྲོས་ཐེངས་གསུམ་པའི་དགོངས་དོན་དང་། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་“དབུ་དཀར་བྱ་སྤྱོད”རྒན་རྒོན་དང་བླངས་པའི་འཐུས་མིར་བསྐུར་བའི་འཕྲིན་ལན་གྱི་དགོངས་དོན། རང་སྐྱོང་ལྗོངས་ཏང་ཨུད་སྐབས་བཅུ་པའི་ཚང་གྲོས་ཐེངས་དྲུག་པ་དང་གྲོང་ཨུད་སྐབས་གཉིས་པའི་ཚང་གྲོས་ཐེངས་བརྒྱད་པའི་དགོངས་དོན། རྒྱལ་ཡོངས་ལས་བྱེད་རྒན་གྲས་ཅུད་ཀྲང་གི་ཚོགས་འདུ་དང་། རྒྱལ་ཡོངས་ལས་བྱེད་རྒན་གྲས་ཅུད་ཀྲང་གསོ་སྦྱོང་འཛིན་གྲྭའི་དགོངས་དོན་བཅས་བརྒྱུད་བསྒྲགས་སློབ་སྦྱོང་བྱས་པ་དང་། 2024ལོའི་གྲོང་ཁྱེར་ཡོངས་ཀྱི་ལས་བྱེད་རྒན་གྲས་ལས་ཀར་ཕྱོགས་སྡོམ་དང་། གོམ་སྟབས་རྗེས་མའི་ལས་དོན་ལ་བཀོད་སྒྲིག་བྱས་པ་རེད།
གྲོང་ཨུད་རྒྱུན་ཨུ། རྩ་འཛུགས་པུའི་པུའུ་ཀྲང་ཧྥུང་ཞའོ་དབྱིས་གསུང་བཤད་གནང་།
ཧྥུང་ཞའོ་དབྱིས་ནན་བཤད་གནང་དོན། བསམ་བློ་ཆབ་སྲིད་འཛུགས་སྐྱོང་ལ་ཤུགས་སྣོན་རྒྱག་པར་ལས་བྱེད་རྒན་གྲས་ཀྱི་ཆབ་སྲིད་ཀྱི་དགེ་མཚན་འདོན་སྤེལ་ཡག་པོ་བྱས་ནས་འདུ་ཤེས་འཛིན་སྟངས་ཁྱབ་ཁོངས་ནང་རང་འགུལ་ངང་སྟངས་འཛིན་བྱེད་དགོས་ལ་བསམ་བློ་ཆབ་སྲིད་འཛུགས་སྐྱོང་ལ་དམ་འཛིན་ཏན་ཏིག་བྱས་ཏེ་ཆབ་སྲིད་ཐད་རྦད་དེ་བློས་འགེལ་ཆོག་པ་དང་ཏང་ལ་རྦད་དེ་བློ་དཀར་སེམས་དཀར་བྱེད་དགོས། རྩ་འཛུགས་འཛུགས་སྐྱོང་ལ་ཤུགས་སྣོན་བརྒྱབ་ནས་ལས་བྲལ་ལས་འཁྱུར་ངལ་གསོའི་གཞི་རིམ་ཏང་རྩ་འཛུགས་ཀྱི་ཆབ་སྲིད་ཀྱི་ནུས་པ་དང་རྩ་འཛུགས་ཀྱི་ནུས་པ་ཆེ་རུ་གཏོང་བའི་ཐབས་ལམ་གསར་པ་དང་བྱ་ཐབས་གསར་པ་འཚོལ་ཞིབ་ཧུར་ཐག་བྱས་ཏེ་ལས་བྲལ་དང་ལས་འཁྱུར་ངལ་གསོའི་ཏང་རྩ་འཛུགས་ཁྱོན་ཡོངས་ནས་ཡར་ཐོན་དང་ཁྱོན་ཡོངས་ནས་ཉམས་སད་ཐེག་པར་བྱེད་དགོས། ཞབས་ཞུའི་འགན་ལེན་ལ་ཤུགས་སྣོན་རྒྱག་པ་དང་། སྲིད་ཇུས་ཀྱི་ཐོབ་ཐང་ཁག་དོན་འཁྱོལ་ཡག་པོ་བྱེད་པ། གནད་སྨིན་དང་ཞིབ་ཚགས། རང་གཤིས་ཅན་བཅས་ཀྱི་ཞབས་ཞུ་མཁོ་འདོན་བྱས་ནས་ལས་བྲལ་ལས་འཁྱུར་ངལ་གསོ་རྒྱག་མཁན་ལས་བྱེད་པའི་ཐོབ་སྣང་དང་སྐྱིད་སྣང་ཆེ་རུ་ཏན་ཏིག་གཏོང་དགོས། ནུས་པ་འདོན་སྤེལ་བྱེད་ཤུགས་ཆེ་རུ་གཏོང་བ་དང་། ལས་སྟེགས་ཧུར་ཐག་སྐྲུན་པ། གཞི་རྟེན་གསར་གཏོད། ལམ་སྲོལ་འཐུས་ཚང་དུ་གཏོང་བ་བཅས་བྱས་ནས་བློ་མཐུན་རྒན་གྲས་ཚོར་རྒས་དུས་ལས་རྒྱུ་ཡོད་པ་དང་ཚེ་མཇུག་ནུས་པ་འདོན་སྤེལ་བྱ་རྒྱུར་ཁྲིད་སྟོན་བྱེད་དགོས། འགན་འཁྲི་དོན་འཁྱོལ་བྱེད་ཤུགས་ཆེ་རུ་གཏོང་བ་དང་། གཞུང་འཁྱོངས་གསར་འབྱེད་དང་འགན་འཁྲི་འཁུར་ཕོད་པ། དུས་རབས་གསར་པའི་ལས་བྱེད་པ་རྒན་གྲས་ཀྱི་ལས་ཀའི་སྤུས་ཚད་མཐོ་རུ་གཏོང་རོགས་བཅས་བྱས་ཏེ་ལས་བྱེད་པ་རྒན་གྲས་ཀྱི་ལས་ཀའི་རྣམ་པ་གསར་པ་རྒྱུན་ཆད་མེད་པར་གཏོད་དགོས།
ཚོགས་འདུའི་ཐོག རྩེད་ཐང་ལས་བྱེད་རྒན་གྲས་ཞབས་ཞུ་ས་ཚིགས་དང་། གོང་དཀར་རྫོང་། ལྷུན་རྩེ་རྫོང་། ཆུ་གསུམ་རྫོང་བཅས་ཀྱི་ལས་བྱེད་རྒན་གྲས་ཅུད་ཀྱི་འགན་འཁུར་བློ་མཐུན་གྱིས་གཏམ་བཤད་སྤེལ་བ་རེད།
ཡར་ཀླུང་བསྡུས་འཕྲིན།
ཉིན་ཤས་ཚུན་དུ། སྣེ་གདོང་ཆུས་དུས་རབས་གསར་པའི་ཤེས་དཔལ་ལག་ལེན་ལྟེ་གནས་ཀྱིས་སོ་དྲུག་ཤང་སོ་དྲུག་གྲོང་ཚོ་དང་། ཕོ་བྲང་ཤང་སྔགས་པ་གྲོང་ཚོ། ཡར་སྟོད་ཤང་ཆོས་སྡེ་འོག་གྲོང་ཚོ་བཅས་སུ་“གཤམ་སྤེལ་གསུམ”དང་“ཤེས་དཔལ་ལག་ལེན་ཁྱིམ་ཚང་ཁྲི་སྟོང་ལ་སྐྱེལ་བའི་”བྱེད་སྒོ་སྤེལ་བ།
ཉེ་ལམ། རྒྱལ་ཁབ་གློག་དྲ་ལྷོ་ཁ་གློག་འདོན་ཀུང་སིས་འཛུགས་སྐྲུན་དོ་དམ་བྱས་པའི་མཚོ་སྣ་སྒང་ས་ཕུག་ཆན་ཕུའུ་35ཡི་གློག་སྐྱེལ་གློག་སྒྱུར་ལས་གྲྭ་བདེ་བླག་ངང་བསྐྲུན་ནས་གློག་གཏོང་འགོ་ཚུགས་པ།
ཉེ་ཆར། ལྷུན་རྩེ་རྫོང་གནམ་གཤིས་ཅུད་ཀྱིས་རྫོང་འཕྲལ་སྡོམ་དོ་དམ་ཅུད་དང་མཉམ་འབྲེལ་ཐོག་2024ལོའི་ལྷུན་རྩེ་རྫོང་གི་གནམ་གཤིས་ཆ་འཕྲིན་ལས་སྒོའི་གསོ་སྦྱོང་གཉེར་བ།
ཡོང་ཁུངས། ལྷོ་ཁའི་བོད་ཡིག་ཚགས་པར།
འགན་འཁུར་རྩོམ་སྒྲིག་པ། བསོད་ནམས་བསྟན་པ།
ལག་བསྟར་རྩོམ་སྒྲིག་པ། བདེ་སྐྱིད་དཔལ་སྒྲོལ།
ཞུ་དག ཡེ་ཤེས་བཟང་མོ། བསོད་ནམས་དོན་གྲུབ།
