ལོ་མཇུག་དང་ལོ་འགོའི་ལས་དོན་ཐད་བཀོད་སྒྲིག་འདི་ལྟར་བྱས་འདུག

ཚོགས་འདུའི་ཐོག   སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཧུའུ་པེར་རྟོག་ཞིབ་གནང་སྐབས་གནང་བའི་གསུང་བཤད་གལ་ཆེན་གྱི་དགོངས་དོན་སློབ་སྦྱོང་ནན་ཏན་དང་གོ་བ་གཏིང་ཟབ་ལེན་དགོས་པ་དང་། ལྷོ་ཁའི་དོན་དངོས་དང་ཟུང་འབྲེལ་བྱས་ཏེ་ཚན་རྩལ་གསར་གཏོད་དང་ཐོན་ལས་གསར་གཏོད་མཉམ་འདྲེས་གཏིང་ཟབ་བྱ་རྒྱུར་མགྱོགས་མྱུར་སྐུལ་འདེད་གཏོང་བ། དེང་རབས་ཞིང་ལས་དང་། སྒྲིག་བཀོད་འབྲོག་ལས། ལྗང་མདོག་བཟོ་ལས། མཐོ་གསར་གྲངས་འཛིན། ས་མཐོའི་སྐྱེ་དངོས། དྭངས་གཙང་ནུས་རྒྱུ། བོད་ལུགས་གསོ་རིག་དང་བོད་སྨན་སོགས་ཁྱབ་ཁོངས་སུ་ཚན་རྩལ་ཁྱབ་གདལ་བེད་སྤྱོད་གཏོང་ཤུགས་ཆེ་རུ་གཏོང་བ་བཅས་བྱས་ནས་ཐོན་ལས་འཕེལ་རྒྱས་ཀྱི་ལེགས་ཆ་གསར་པ་རྒྱུན་ཆད་མེད་པར་གཏོད་དགོས། ཆུ་ཚད་མཐོ་བའི་སྒོ་དབྱེ་བྱེད་རྒྱ་ཆེ་རུ་བཏང་ནས་ཁྲོན་བོད་མཚོ་བོད་ལྕགས་ལམ་གྱི་དཔལ་འབྱོར་ཁུལ་དང་། བོད་དབུས་ལྷོའི་གཙོ་གནད་གསར་སྤེལ་ཁུལ། ལྗོངས་ཡོངས་ཀྱི“ལྟེ་བ་གཅིག་དང་། སྐོར་གཅིག རྒྱུད་གཉིས། ཁུལ་གསུམ”བཅས་ཀྱི་འཛུགས་སྐྲུན་ནང་ཧུར་ཐག་ཞུགས་པ་དང་ཞབས་ཞུ་བྱས་ཏེ་ལྷ་ས་དང་ལྷོ་ཁ་གཞི་གཅིག་ཅན་གྱི་འཕེལ་རྒྱས་ལ་སྐུལ་འདེད་མགྱོགས་སུ་གཏོང་དགོས་པ་དང་། མཁའ་འགྲུལ་ཁུལ་གསར་དང་དཔལ་འབྱོར་གསར་སྤེལ་ཁུལ་སོགས་ཀྱི་སྒོ་དབྱེའི་ལས་སྟེགས་སྟོབས་ཆེར་གཏོང་དགོས། གྲོང་ཁྱེར་དང་གྲོང་གསེབ་མཉམ་འདྲེས་འཕེལ་རྒྱས་དང་གྲོང་གསེབ་ཕྱོགས་ཡོངས་ནས་དར་རྒྱས་འགྲོ་རྒྱུར་སྐུལ་འདེད་བཏང་སྟེ་གྲོང་ཁྱེར་དང་གྲོང་གསེབ་འཆར་འགོད་དང་། འཛུགས་སྐྲུན། བཅོས་སྐྱོང་བཅས་མཉམ་འདྲེས་ཀྱི་ཆུ་ཚད་མཐོ་རུ་བཏང་ནས་གྲོང་ཁྱེར་དང་གྲོང་གསེབ་ཐུན་མོང་ཐོག་དར་རྒྱས་གོང་འཕེལ་ཡོང་རྒྱུར་སྐུལ་འདེད་གཏོང་དགོས། ལོ་རྒྱུས་རིག་གནས་སྲུང་སྐྱོང་དང་རྒྱུན་འཛིན་འཕེལ་རྒྱས་ལ་ཤུགས་སྣོན་བརྒྱབ་སྟེ་རིག་དངོས་གནའ་ཤུལ་དང་རིག་གནས་ཤུལ་བཞག་གི་སྤྱི་ཡོངས་རང་བཞིན་གྱི་སྲུང་སྐྱོང་དང་བརྒྱུད་རིམ་རང་བཞིན་གྱི་རྒྱུན་འཛིན་ཐད་ཤུགས་སྣོན་བརྒྱབ་སྟེ་གཏིང་ཟབ་པའི་རིག་གནས་ཀྱིས་ཕྱུག་པའི་ཕུལ་བྱུང་རིག་གནས་སྲུང་སྐྱོང་དང་རྒྱུན་འཛིན་ཡག་པོ་བྱེད་དགོས། ཏང་གི་ཕྱོགས་ཡོངས་འཛུགས་སྐྱོང་ལ་ཤུགས་སྣོན་རྒྱག་པ་དང་། བརྗོད་དོན་གཙོ་བོའི་སློབ་གསོའི་གྲུབ་འབྲས་རྒྱུན་མཐུད་ངང་སྲ་བརྟན་དང་རྒྱ་སྐྱེད་གཏོང་བ། ཏང་གི་སྒྲིག་ཁྲིམས་ཀྱི་སློབ་སྦྱོང་སློབ་གསོ་རྒྱུན་རྣམ་ཅན་དང་ཕུགས་ཕན་ཅན་དུ་འགྱུར་བར་སྐུལ་འདེད་གཏོང་བ། སྲོལ་བཟང་སྤྱོད་བཟང་གི་ཆབ་སྲིད་སྣང་ཚུལ་རྒྱུན་ཆད་མེད་པར་སྲ་བརྟན་དང་འཕེལ་རྒྱས་གཏོང་དགོས་པ་བཅས་ཀྱི་ནན་བཤད་བྱས་ཡོད།

ཚོགས་འདུའི་ཐོག    ཀྲུང་གུང་ཀྲུང་དབྱང་དང་རྒྱལ་སྲིད་སྤྱི་ཁྱབ་ཁང་གི་འབྲེལ་ཡོད་ཡིག་ཆའི་དགོངས་དོན་བརྒྱུད་བསྒྲགས་དང་སློབ་སྦྱོང་བྱས་ཏེ། ཡིག་ཆའི་དགོངས་དོན་སློབ་སྦྱོང་ནན་ཏན་དང་གོ་བ་གཏིང་ཟབ་ལེན་དགོས་པ་དང་། སྲིད་ཇུས་ཁོང་དུ་ཆུད་པ། སྲིད་ཇུས་ལ་ཞིབ་འཇུག་བྱེད་པ། སྒུག་བརྟེན་མི་བྱེད་པ། སྲིད་ཇུས་ཀྱི་གོ་སྐབས་དམ་འཛིན། སྔོན་ཚུད་ནས་འཆར་འགོད་དང་འབྲེལ་མཐུད་ལ་ཤུགས་སྣོན། གྲ་སྒྲིག་ཨང་གསར། ཆེད་དོན་སྟོབས་ཤུགས་སྒྲིག་འཛུགས། ཆེད་སྒྲུབ་མི་སྣ་སྒྲིག་འཛུགས་བཅས་བྱས་ཐོག   རྒྱལ་ཁབ་ཀྱི་སྲིད་ཇུས་ཁྲིད་སྟོན་དང་འཚམ་པའི་རྣམ་གྲངས་ཡག་པོ་དང་རྣམ་གྲངས་ཆེ་གྲས་དེ་བས་མང་བ་བརྩོན་ལེན་བྱེད་དགོས་པ། སྐུལ་འདེད་ཤུགས་ཆེན་གཏོང་བ་དང་། དོན་འཁྱོལ་ལ་དམ་འཛིན་ནན་པོ་བྱས་ནས་ལས་དོན་ཁག་ལ་གྲུབ་འབྲས་གསར་པ་རྒྱུན་ཆད་མེད་པར་ཐོབ་རྒྱུའི་འགན་ལེན་བྱེད་དགོས་པའི་ནན་བཤད་བྱས་ཡོད།

ཚོགས་འདུའི་ཐོག   གསར་དུ་བཟོ་བཅོས་བརྒྱབ་པའི《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་བསྡོམས་རྩིས་བཅའ་ཁྲིམས》བརྒྱུད་བསྒྲགས་དང་སློབ་སྦྱོང་བྱས་པ་དང་འབྲེལ་གྲོང་ཁྱེར་ཡོངས་ཀྱི་བསྡོམས་རྩིས་ལས་དོན་གྱི་སྙན་ཞུ་གསན་པ་མ་ཟད། གསར་དུ་བཟོ་བཅོས་བརྒྱབ་པའི《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་བསྡོམས་རྩིས་བཅའ་ཁྲིམས》སློབ་སྦྱོང་དང་དྲིལ་བསྒྲགས་བྱ་རྒྱུར་དམ་འཛིན་ཡག་པོ་བྱས་ཏེ་གཞི་རིམ་དང་ས་གནས་ས་ཐོག་ཏུ་ཟབ་འཇུག་གིས་ཚན་རིག་དང་། གནད་འཁེལ། རང་འགུལ་བཅས་ཀྱི་སྒོ་ནས་བསྡོམས་རྩིས་ལས་དོན་ཡག་པོ་བསྒྲུབས་ཏེ་བསྡུ་འཇུག་བྱེད་དགོས་པ་ཚང་མ་བསྡུ་འཇུག་བྱེད་པ་དང་། གཅིག་གྱུར་བྱེད་དགོས་པ་ཚང་མ་གཅིག་གྱུར་ཐུབ་པ་བྱས་ནས་བསྡོམས་རྩིས་གྲངས་གཞི་ཡང་དག་དང་གནད་ལ་འཁེལ་བའི་འགན་ལེན་བྱས་ཐོག་གྲོང་ཁྱེར་ཡོངས་ཀྱི་དཔལ་འབྱོར་དང་སྤྱི་ཚོགས་སྤུས་མཐོའི་ངང་གོང་འཕེལ་འགྲོ་རྒྱུར་སྤུས་ལེགས་ཀྱི་བསྡོམས་རྩིས་ཞབས་ཞུ་འགན་ལེན་བྱེད་དགོས། ཡང་དག་པའི་སྲིད་སྐྱོང་ལས་རྗེས་ཀྱི་ལྟ་བ་བརྟན་དུ་གཏོང་བ་དང་། དངོས་ཐོག་བདེན་འཚོལ་མཐའ་འཁྱོངས་བྱེད་པ། བསྡོམས་རྩིས་གྲངས་གཞི་ཁུངས་བཙན་བརྟན་སྲུང་བཅས་བྱས་ནས་བསྡོམས་རྩིས་རྫུན་བཟོ་བྱེད་རིགས་མཐའ་གཅིག་ཏུ་སྔོན་འགོག་བྱེད་དགོས་པའི་ནན་བཤད་བྱས་ཡོད།