ཟླ་11ཚེས་21ཉིན་གྱི་ཕྱི་དྲོ། གྲོང་ཨུད་ཀྱི་ཧྲུའུ་ཅི་ལི་ཧྥུའུ་ཀྲུང་གིས་གྲོང་ཨུད་རྩ་འཛུགས་པུའུ་དང་གྲོང་ཁྱེར་མི་ཤུགས་ཐོན་ཁུངས་དང་སྤྱི་ཚོགས་འགན་སྲུང་ཅུས་སུ་རྟོག་ཞིབ་གནང་ཞིང་། ཁོང་གིས་ཏང་འཛུགས་སྐྱོང་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་དགོངས་པ་གལ་ཆེན་དང་མི་ཤུགས་ཐོན་ཁུངས་དང་སྤྱི་ཚོགས་འགན་སྲུང་ལས་དོན་སྐོར་གྱི་རྣམ་བཤད་གལ་ཆེན་སློབ་སྦྱོང་གཏིང་ཟབ་བྱེད་དགོས་པ་དང་། ཏང་ཀྲུང་དབྱང་དང་ལྗོངས་ཏང་ཨུད་ཀྱི་ཐབས་ཇུས་བཀོད་སྒྲིག་དོན་འཁྱོལ་ནན་ཏན་བྱེད་པ། ཚན་པའི་འགན་ནུས་ལ་གཞི་ཚུགས་པ། རང་འགུལ་ངང་ལས་དོན་སྒྲུབ་པ་བཅས་བྱས་ནས་གྲོང་ཁྱེར་ཡོངས་ཀྱི་རྩ་འཛུགས་དང་མི་ཤུགས་ཐོན་ཁུངས་དང་སྤྱི་ཚོགས་འགན་སྲུང་ལས་དོན་ཐད་གོམ་སྟབས་གསར་པ་ཞིག་དང་གྲུབ་འབྲས་གསར་པ་ཐོབ་རྒྱུར་སྐུལ་འདེད་ཧུར་ཐག་གཏོང་དགོས་པའི་ནན་བཤད་གནང་བ་རེད།
གྲོང་ཨུད་འགོ་ཁྲིད་ཉི་མ་བསྟན་འཛིན་དང་། ཧྥུང་ཞའོ་དབྱི། ཨན་ཤིན་གོ་བཅས་ཀྱིས་ལྷན་དུ་རྟོག་ཞིབ་ནང་ཞུགས་ཡོད་པ་རེད།
ས་ཆ་གང་དུ་ཕེབས་ཀྱང་། ལི་ཧྥུའུ་ཀྲུང་གིས་ལས་བྱེད་ལས་བཟོར་འཚམས་འདྲི་གནང་བ་དང་། ཚང་མ་དང་བྱམས་བརྩེའི་ངང་སྤེལ་རེས་གནང་བ་མ་ཟད། ལས་དོན་དང་། སློབ་སྦྱོང་། འཚོ་བ་སོགས་ཀྱི་གནས་ཚུལ་མཁྱེན་རྟོགས་ཞིབ་ཕྲ་གནང་རྗེས། གྲོང་ཨུད་ཀྱི་ཚབ་ཞུས་ཏེ་གྲོང་ཁྱེར་ཡོངས་ཀྱི་རྩ་འཛུགས་དང་མི་ཤུགས་ཐོན་ཁུངས་དང་སྤྱི་ཚོགས་འགན་སྲུང་ཚན་པ་ཁག་ཏུ་འབད་འཐབ་གནང་མཁན་ལས་བྱེད་ལས་བཟོར་སྙིང་དབུས་ནས་ཐུགས་རྗེ་ཆེ་དང་ལྷག་བསམ་ཟོལ་མེད་ཀྱི་འཚམས་འདྲི་ཞུས་གནང་བ་རེད།
གྲོང་ཁྱེར་མི་ཤུགས་ཐོན་ཁུངས་དང་སྤྱི་ཚོགས་འགན་སྲུང་ཅུས་སུ། ལི་ཧྥུའུ་ཀྲུང་གིས་ལས་ཞུགས་ལས་གཏོད་དང་། སྤྱི་ཚོགས་འགན་སྲུང་། མི་དོན་ཤེས་ལྡན་པ། ངལ་རྩོལ་འབྲེལ་བའི་ཁྱབ་ཁོངས་སོགས་ཀྱི་ལས་དོན་སྤེལ་ཚུལ་མཁྱེན་རྟོགས་ཞིབ་ཕྲ་གནང་བ་རེད། ཁོང་གིས་ལས་ཞུགས་བྱ་རྒྱུ་དེ་དམངས་འཚོའི་རྩ་བར་འཛིན་རྒྱུ་མཐའ་འཁྱོངས་བྱས་ནས་ལས་ཞུགས་སྔོན་ལ་སྤེལ་རྒྱུ་མངོན་གསལ་དོད་པོ་ཡོང་བ་བྱེད་དགོས་པ་དང་། ལས་ཞུགས་ཀྱི་བོད་སྐྱོར་ལས་དོན་གཏིང་ཟབ་ཏུ་གཏོང་བ། ལྗོངས་ཕྱིར་“ཚོགས་སྒྲིག་རྣམ་པའི”ལས་ཞུགས་བྱ་རྒྱུ་དམ་འཛིན་ཏན་ཏིག་བྱེད་པ། ལས་ཞུགས་ཐབས་ལམ་རྒྱ་ཆེར་བཏང་ནས་མཐོ་སློབ་སློབ་ཐོན་སློབ་མ་དང་ཞིང་འབྲོག་མང་ཚོགས་སོགས་གཙོ་གནད་མི་ཚོགས་སྤུས་ཚད་མཐོ་བའི་སྒོ་ནས་ལས་ཞུགས་གང་ལེགས་ཐུབ་རྒྱུར་སྐུལ་འདེད་གཏོང་དགོས། ལས་དོན་སྤེལ་སྟངས་གསར་གཏོད་བྱས་ཏེ་ཆ་འཕྲིན་མཉམ་སྤྱོད་ལ་ཤུགས་སྣོན་རྒྱག་དགོས་པ་དང་། ལས་སྒྲུབ་དུས་བཅད་མཐོ་རུ་གཏོང་བ། “མི་སྤྱི་ཡན་ལག་རུ་ཁག”སྒྲིག་འཛུགས་བྱེད་པ་སོགས་བརྒྱུད་མི་དམངས་མང་ཚོགས་ལ་དེ་བས་ཕྱོད་ཆེ་དང་སྟབས་བདེའི་སྤྱི་པའི་ཞབས་ཞུ་ལོངས་སུ་སྤྱོད་དུ་འཇུག་དགོས། སྤྱི་ཚོགས་འགན་བཅོལ་ཐེབས་རྩའི་དོ་དམ་ཆུ་ཚད་ཕྱོགས་ཡོངས་ནས་མཐོ་ཏུ་གཏོང་དགོས་པ་དང་། ལྟ་སྐུལ་དོ་དམ་ལ་ཤུགས་སྣོན་བརྒྱབ་སྟེ་སྤྱི་ཚོགས་འགན་བཅོལ་ཐེབས་རྩ་བདེ་འཇགས་ངང་འཁོར་སྐྱོད་བྱེད་པར་འགན་སྲུང་བྱ་དགོས། ལྟ་སྐུལ་མཛུབ་ཁྲིད་དང་ཞིབ་བཤེར་བྱེད་རྒྱུར་ཤུགས་སྣོན་བརྒྱབ་སྟེ་འཁོར་རྒྱུག་མ་དངུལ་དང་། འགན་ལེན་མ་དངུལ། མིང་ངོ་མ་འགོད་པའི་ལམ་ལུགས་བཅས་ཀྱི་ཚབ་གཏོང་ནུས་པ་འདོན་སྤེལ་གང་ལེགས་བྱས་ནས་གླ་ཕོགས་འགྱངས་ཆད་རྩ་བཅོས་བྱེད་རྒྱུའི་ལས་དོན་ཏན་ཏིག་ངང་ཡག་པོ་སྒྲུབ་དགོས། མང་ཚོགས་ཀྱི་རེ་འབོད་རྒྱུས་ལོན་ནན་ཏན་བྱས་ཏེ། ཞིང་པ་ལས་མིའི་གླ་ཕོགས་ཆད་འགྱངས་གནད་དོན་དུས་ཐོག་ཏུ་ཐག་གཅོད་འོས་འཚམ་བྱེད་དགོས་པ་དང་། འཁོར་རྒྱུག་འདུམ་གཅོད་བྱེད་ཤུགས་ཆེ་རུ་གཏོང་བ། གླ་ཕོགས་འགྱངས་ཆད་ཀྱི་བྱ་སྤྱོད་སྣ་ཚོགས་ལ་ཁྲིམས་ལྟར་ཆད་པ་ནན་པོ་གཅོད་པ་བཅས་བྱས་ཐོག་ངལ་རྩོལ་པའི་ཁྲིམས་མཐུན་ཁེ་དབང་འགན་སྲུང་ཏན་ཏིག་བྱ་དགོས་པའི་ནན་བཤད་གནང་།
འདི་ནི་ལི་ཧྥུའུ་ཀྲུང་གིས་གྲོང་ཨུད་རྩ་འཛུགས་པུའུ་རུ་ཏང་གི་ཚོགས་ཆེན་བཅོ་བརྒྱད་པ་འཚོགས་ཚུན་གྲོང་ཁྱེར་ཡོངས་ཀྱི་རྩ་འཛུགས་ལས་དོན་དང་། གྲོང་ཁྱེར་ཡོངས་ཀྱི་གཞི་རིམ་ཏང་འཛུགས་སྐྱོང་། གྲོང་ཚོར་བཅའ་སྡོད་ལས་དོན་སྤེལ་ཚུལ་སོགས་ཀྱི་གནས་ཚུལ་ལ་བརྟག་ཞིབ་དང་ཤེས་རྟོགས་གནང་བཞིན་པ།
འདི་ནི་བཞུགས་མོལ་ཚོགས་འདུའི་ཟུར་ཞིག་ཡིན་པ།
ཡོང་ཁུངས། ལྷོ་ཁའི་བོད་ཡིག་ཚགས་པར།
འགན་འཁུར་རྩོམ་སྒྲིག་པ། བསོད་ནམས་བསྟན་པ།
ལག་བསྟར་རྩོམ་སྒྲིག་པ། ལོ་ཡག་མཚམས་གཅོད།
ཞུ་དག ཡེ་ཤེས་བཟང་མོ། བསོད་ནམས་དོན་གྲུབ། བདེ་སྐྱིད་དཔལ་སྒྲོལ།
