سوغۇق ھاۋا ھۇجۇم قىلغاندا، بەزى ئوتتۇرا ياش ۋە ياشانغانلار، تېنى ئاجىزلار دائىم پۇت-قولى مۇزلاش، قورسىقى مۇزلاپ ئاغرىش قاتارلىق ئالامەتلەرنى ھېس قىلىدۇ. غىزالىنىش ئارقىلىق بەدەننى قۇۋۋەتلەپ، بەدەننىڭ كېسەللىككە قارشى تۇرۇش كۈچىنى ئاشۇرۇپ، كېلەر يىللىق« ئەتىيازدا تۇغۇلۇپ، يازدا ئۆسۈپ يېتىلىش» ئۈچۈن تەييارلىق قىلىش كېرەك.
بىراق، قىشلىق قۇۋۋەت تولۇقلاشتا ئالدى بىلەن«قۇۋۋەت تولۇقلاش»،يەنى« تال ۋە ئاشقازاننى ساغلاملاشتۇرۇش»ئاشقازان ۋە ئۈچەيگە ماسلىشىش جەريانى بولۇپ، قىشلىق قۇۋۋەت تولۇقلاشقا ياخشى ئاساس سېلىش كېرەك. تال ۋە ئاشقازاننىڭ ئىقتىدارى ياخشى بولسا، ئوزۇقلۇقنىڭ سۈمۈرۈلۈشىگە كاپالەتلىك قىلغىلى بولىدۇ.
كۆزنى يۇمۇپ-ئاچقۇچە قىش پەسلى چىقىپ كېتەيلا دەپ قالدى تال ۋە ئاشقازاننى ساغلاملاشتۇرىدىغان«تۆت چوڭ»يېمەكلىكنى كۆپچىلىك قولدىن بېرىپ قويماڭ.
يەر ياڭىقى(花生)
خاسىڭ_ ماينى يوقىتىپ يۈرەكنى ئاسراش
خاسىڭ«گۆشسىز گۆشلۈك قورۇما» دەپ تەرىپلىنىدۇ، ئۇنىڭ تەمى مەززىلىك، ئۇنىڭ ئۈستىگە سەل قاراشقا بولمايدىغان دورىلىق ۋە ساقلىق ساقلاش قىممىتى بولغاچقا، يېمەكلىك ساھەسىدە ئىزچىل مۇھىم ئورۇننى ئىگىلەپ كەلمەكتە.
ھازىرقى زامان تەتقىقاتىدىن بايقىلىشىچە، خاسىڭىنى كۆپ يەيدىغانلارنىڭ تاجىسىمان يۈرەك كېسىلىگە گىرىپتار بولۇش خەۋپى% 35 ئازلايدىكەن.
بۇنىڭ سەۋەبى، دائىم خاسىڭ يەپ بەرگەندە« ناچار خولېستېرىن» تۆۋەن زىچلىقتىكى ياغ ئاقسىلىنىڭ مىقدارىنى تۆۋەنلىتىپ، يۈرەكنى تېخىمۇ ساغلام قىلىدۇ.
خاسىڭ تەركىبىدە كالتسىيمۇ ناھايىتى مول بولۇپ، مەيلى بالىلار، ھامىلىدار ئاياللار ياكى ياشانغانلار بولسۇن، ھەر كۈنى بەلگىلىك مىقداردا خاسىڭ يەپ بەرسە، سۆڭەكنى چىڭىتىشقا ياردەم بېرىدۇ ھەمدە خاسىڭ، چىلان، قىزىل پۇرچاق، تەسۋىقوناق بىلەن شوۋىگۈرۈچ قاينىتىپ بەرسە، تالنى ساغلاملاشتۇرۇپ، ياغنى يوقىتىش ئۈنۈمىگە ئېرىشكىلى بولىدۇ.
دىققەت قىلىشقا تېگىشلىك كىشلەر:
يەللىك بوغۇم ئاغرىقى، ئاشقازان يارىسى، سوزۇلما ئاشقازان، ئۈچەي ياللۇغى بىمارلىرى ئورۇقلاۋاتقان ۋە يىقىلىپ بەدەن ئىششىپ ئاغرىغانلار، شۇنداقلا ئۆت خالتىسىنى كېسىپ ئېلىۋېتىش ئوپېراتسىيەسى قىلغان بىمارلار ئەڭ ياخشىسى يېمەسلىك كېرەك؛
پىچەكگۈل
پىچەكگۈل __ تالنى ساغلاملاشتۇرۇپ قۇۋۋەت تولۇقلاش
«شېننۇڭ دورا ئۆسۈملۈكلىرى دەستۇرى» دا پىچەكگۈل قۇۋۋەت تولۇقلاشتىكى ئېسىل مەھسۇلات قاتارىغا كىرگۈزۈلگەن بولۇپ، « كىچىك ئادەمگىياھ» دېگەن چىرايلىق نامى بار.
پىچەكگۈلنىڭ تەركىبىدە ئامىلازا، پولىفېنول ئوكسىدازا بار بولۇپ، يېمەكلىكنىڭ ھەزىم بولۇشىنى ئىلگىرى سۈرۈپ، ئاشقازان، ئۈچەينىڭ سۈمۈرۈش ئىقتىدارىنى يۇقىرى كۆتۈرىدۇ، تال، ئاشقازان ئاجىزلارغا تېخىمۇ ماس كېلىدۇ.
ئۇنىڭدىن باشقا، پىچەكگۈل ئۇمىچى ياخشى بولغان يېمەكلىك بىلەن داۋالاش ئۇسۇلى بولۇپ، پىچەكگۈلنىڭ پوستىنى بىۋاسىتە يالپاقلاپ توغراپ، شوۋىگۈرۈچ قاينىتىپ ياكى پىچەكگۈلنىڭ پوستىنى سويۇۋېتىپ، ئۇماچنى قاينىتىپ ئىچسە بولىدۇ.
دائىم پىچەكگۈل ئۇمىچى ئىچىپ بەرسە، ماغدۇرسىزلىنىش، ئاسان تەرلەش، قورساقنى ئاسان تارتىپ كېتىش قاتارلىق ئالامەتلەرنى پەسەيتىش رولىنى ئوينايدۇ.
دىققەت قىلدىغان ئىشلار:
1.پىچەكگۈلنى ئەڭ ياخشىسى كاۋا، سەۋزە، بامبۇك كاۋىسى قاتارلىقلار بىلەن بىللە پىشۇرماسلىق كېرەك. بۇ يېمەكلىكلەرنىڭ تەركىبىدە ۋىتامىن C نى پارچىلىغۇچى ئېنزىم بولۇپ، پىچەكگۈلنىڭ ۋىتامىن C تەركىبى بۇزغۇنچىلىققا ئۇچرايدۇ.
2.پىچەكگۈل تەركىبىدە شىلىمشىق ئاقسىل، كۆپ مىقداردا كراخمال بولىدۇ، دىيابېت بىمارلىرى، قەۋزىيەت بىمارلىرى ئاز ئىستېمال قىلىشى كېرەك؛
3.ئاچچىق-چۈچۈك يەل قازان شورپىسى، سودا تابلېتكىسى قاتارلىق ئىشقارلىق دورىلارنى ئىستېمال قىلغاندا، پىچەكگۈل ئىستېمال قىلىشقا بولمايدۇ، ئىسسىقى ئېشىپ كېتىش ۋە ئامىلازا ئېقىپ كېتىشنىڭ ئالدىنى ئېلىش كېرەك.
كاشتان (板栗)
كاشتان ــ بۆرەك زەئىپلىشىش، تال زەئىپلىشىشنى تەڭشەيدۇ.
كاشتان« بۆرەكنىڭ مېۋىسى» دەپ ئاتىلىدۇ، ئۇنىڭ ئوزۇقلۇق تەركىبى ئىنتايىن مول بولۇپ، تەركىبىدە ئاقسىل، ۋىتامىن A، كاروتىن ۋە مىنېرال ماددا قاتارلىقلار بار.
جۇڭگو تېبابىتىدە كاشتاننىڭ تەمى تاتلىق، مۆتىدىل بولۇپ، تال، ئاشقازان، بۆرەك تومۇرلىرىغا كىرىدۇ، ئاشقازاننى قۇۋۋەتلەپ، تالنى ساغلاملاشتۇرۇش، بۆرەكنى قۇۋۋەتلەپ، بەلنى كۈچەيتىش رولى بار، دەپ قارىلىدۇ.
كاشتاننى خام يېگەندە بۆرەك ئاجىزلىقتىن كېلىپ چىقىدىغان بەل-پۇت ئاغرىش، كىچىك تەرەت كۆپ كېلىش قاتارلىق ئالامەتلەرنىڭ ئالدىنى ئالغىلى بولىدۇ. ئەكسىچە، پىشۇرۇپ يېسە تال ۋە ئاشقازانغا پايدىلىق بولۇپ، تال زەئىپلىشىشنى پەسەيتىدۇ.
كاشتان مېغىزىنى دۈملەپ پىشۇرۇپ، ئۇن تارتىپ، پېچىنە-پىرەنىك پىشۇرغاندا، يېمەك-ئىچمىكى ئاز، تېنى ئاجىز بالىلارغا مۇۋاپىق كېلىدۇ، ئىشتىھانى ئېچىپ، ئۈچەي ۋە ئاشقازاننى تەڭشەيدۇ؛ كاشتان ۋە يۇمىلاق گۈرۈچتە ئۇماچ قايناتسا، تال ۋە ئاشقازان زەئىپلىشىپ، سوغۇقى ئېشىپ كېتىشتىن كېلىپ چىقىدىغان ئاستا خاراكتېرلىك ئىچ سۈرۈشكە پايدىلىق، شۇنداقلا ياشانغانلارنىڭ ھەزىم قىلىشى ناچار، ماغدۇرسىزلىنىشىدىكى يېمەكلىك ئارقىلىق داۋالاش رېتسېپىدۇر.
دىققەت قىلدىغان ئىشلار:
1.كاشتان تەركىبىدە يۇمشاق يېمەكلىك تالاسى مول بولۇپ، دىيابېت بىمارلىرىمۇ مۇۋاپىق مىقداردا ئىستېمال قىلسا بولىدۇ؛
2.كاشتاننى خام يېسە ئاسان ھەزىم بولمايدۇ، پىششىق يېسە ئاسان يەل تۇرۇپ قالىدۇ، شۇڭا بىر قېتىمدا كۆپ ئىستېمال قىلىشقا بولمايدۇ، ھەر كۈنى ئەڭ ياخشىسى 10 دانىدىن ئېشىپ كەتمەسلىكى كېرەك؛
3.ئەڭ ياخشىسى ئىككى ۋاق تاماق ئارىلىقىدا كاشتان (كاشتان) نى ئۇششاق يېمەكلىك ئورنىدا يېيىش ياكى تاماقتىن كېيىن كۆپ مىقداردا يېمەسلىك كېرەك.
نېلۇپەر ئۇرۇقى (莲子)
نېلۇپەر ئۇرۇقى_ ئىچ سۈرۈشنى توختىتىپ، ئىسسىقنى ياندۇردۇ.
نېلۇپەر ئۇرۇقىدا كالتسىي، فوسفور، كالىي ۋە كۆپ خىل ۋىتامىنلار مول بولۇپ، سۆڭەكنىڭ زىچلىقىنى ئاشۇرۇپ، يۈرەك رېتىمىنى تۇراقلاشتۇرىدۇ. جۇڭيى تېبابىتى نۇقتىسىدىن ئېيتقاندا، نېلۇپەر ئۇرۇقى تالنى ساغلاملاشتۇرۇپ، ئىچ سۈرۈشنى توختىتىش، يۈرەكنى تازىلاپ، ئىسسىقنى ياندۇرۇش قاتارلىق ئۈنۈمگە ئىگە، ئوتتۇرا ياش ۋە ياشانغانلار كۆپ ئىستېمال قىلسا بولىدۇ.
نېلۇپەر ئۇرۇقىنىڭ ئۆزىكىنى ئېلىۋېتىش كېرەكمۇ يوق، شەخسنىڭ تاللىشىغا قاراش كېرەك: نېلۇپەر ئۇرۇقىنىڭ ئۆزىكىنى ئېلىۋەتكەندە، تەمى تېخىمۇ ياخشى بولىدۇ، ئۆزەك ئېلىۋېتىلمىسە، دورىنىڭ ئۈنۈمى تېخىمۇ كۈچلۈك بولىدۇ. بىراق، ئوتتۇرا ياش ۋە ياشانغانلارنىڭ ئامال بار ئۆزىكىنى يەپ بەرمەسلىكىنى، ئەسلىدىكى دورا ئۈنۈمىنى ساقلىشىنى تەۋسىيە قىلىمىز.
كۆپچىلىك سېرىق ئىسپېرمىنى قاينىتىپ تىرىپىنى ئېلىۋېتىپ، ئاندىن نېلۇپەر ئۇرۇقى، تەسۋىقوناق بىلەن بىللە شوۋىگۈرۈچ قاينىتىپ بەرسە، قۇۋۋەت تولۇقلاش، يۈرەكنى تازىلاپ، تالنى ساغلاملاشتۇرۇش ئۈنۈمىگە ئېرىشكىلى بولىدۇ، تال ۋە ئاشقازىنى ئاجىزلارغا تېخىمۇ ماس كېلىدۇ.
دىققەت قىلىشقا تېگىشلىك كىشلەر:
1.ئاستا خاراكتېرلىك ئاشقازان كېسىلى بىمارلىرى، قان قەنتى يۇقىرىلار، چوڭ تەرىتى قۇرغاقلار، تۇغۇتتىن كېيىنكى ئاياللار نېلۇپەر ئۇرۇقىنى ئىستېمال قىلىشتا ئېھتىيات قىلىشى لازىم؛
2.نېلۇپەر ئۇرۇقى خام يېيىش، پىشۇرۇپ يېيىش دەپ ئايرىلىدۇ، نېلۇپەر ئۇرۇقىنىڭ ئۈنۈمىنى تېخىمۇ تولۇق قوبۇل قىلىش ئۈچۈن، ئۇنى خام يېيىش تەۋسىيە قىلىنىدۇ؛
3.نېلۇپەر ئۇرۇقىنى كۆپ ئىستېمال قىلىشقا بولمايدۇ، بولمىسا ئىچ سۈرۈش قاتارلىق بىئاراملىقنى كەلتۈرۈپ چىقىرىدۇ.
ئاخىرىدا، كۆپچىلىككە شۇنى ئەسكەرتىمىزكى، قىش پەسلىدە قۇۋۋەت تولۇقلىغاندا، ئۆزىنىڭ بەدەن ئەھۋالىغا ئاساسەن مۇۋاپىق ئوزۇقلۇق تولۇقلاش كېرەك؛ قۇۋۋەت بۇيۇمى قانچە قىممەت بولسا شۇنچە ياخشى بولمايدۇ، مۇھىمى كېسەلگە قاراپ قۇۋۋەت تولۇقلاش، كېسەلگە ماس كەلمەيدىغان قىممەتلىك قۇۋۋەت بۇيۇمى، كۆپ يېسىمۇ ياخشى ئىش بولۇشى ناتايىن.
يىقىنلىرىڭىزغا يوللاشنى ئۇنۇتماڭ
بىزنى قوللاپ ئاستىدىكى ئېلاننى چىكىپ قويسىڭىز
