گۈزەل ھايات 10-بۆلۈم53-قىسىم _ قېنى دەڭە

53-قىسىم 

قېنى دەڭە

ئىلزات تۇيۇقسىز قولىنى ئۇنىڭ بوينىغا ئۇزاتتى، چىرايى قارىداپ:

 -  مېنى ياخشى كۆرىمەن دەڭ، بولمىسا قولۇم ئۆزۈمگە بۇيسۇنماي قالىدۇ،- دېدى.

پەرىدە تېخىمۇ گاڭگىراپ:

 - تەھدىت سېلىۋاتامسىز؟ - دېدى.

ئىلزات قولىنى چىڭ سىقىپ، ئۇنىڭ ئىنچىكە بوينىنى تۇتۇپ:

 - شۇنداق تەھدىت سېلىۋاتىمەن ... مېنى ياخشى كۆرىمەن دەڭ، - دېدى.

 -   سىزگە ھېچ ئىش بولمىغاندۇ، مۇشۇ دېگىنىم يېتەرلىك بولمىدىمۇ؟  -   دېدى پەرىدە ئۇنىڭغا غەلىتە قاراپ .

ئىلزاتنىڭ كۈچى سەل چىڭىغاندىن كېيىن، پەرىدە ئاخىر مۇرەسسە قىلىپ:

 -  ئۇنداق قىلماڭ.  مەن سىزنى سۆيىمەن، سۆيىمەن دېسەممۇ بولمامدۇ؟ - دېدى.

ئىلزاتنىڭ چىرايى بىر ئاز ئېچىلىپ، كۈلۈپ قويۇپ:

 -  مەن سىزنى زورلاپ دېگۈزگەندەك، خالىماي كەتتىڭىز، - دېدى.

 -  بۇ مەجبۇرلىغانلىق ئەمەسمۇ؟ -  دېدى پەرىدە.

ئىلزاتنىڭ قاپاقلىرى تۈرۈلۈپ:

- نېمە دەۋاتىسىز؟ - دېدى.

پەرىدە بېشىنى چايقاپ:

  -  ياق، مېنىڭ دېگەنلىرىمنىڭ ھەممىسى راست، مەن ئۆز رازىلىقىم بىلەن دېدىم، مەن سىزنى سۆيىمەن، - دېدى .

ئىلزات ئۇنىڭغا بىردەم تىكىلىپ قاراپ تۇرغاندىن كېيىن، ئېڭىشىپ  يېقىنلىشىپ:

 -   سىز بەك ناچار بولسىڭىزمۇ، لېكىن مەن سىزدىن ئۇنچە بىزار ئەمەس، نېمىلا دېگەن بىلەن ئادەم مۇكەممەل بولمايدۇ، بەزى ئىشلار ئەپلەپ-سەپلەپ ئۆتكۈزۋېتىشكە بولىدۇ، مەنمۇ تەلەپنى يۇقىرى قويۇۋالسام بولمايدۇ. ئاتا-ئانام، مومام، ئاكام، يەڭگەمنىڭ سىزگە بولغان تەسىرىمۇ يامان ئەمەس، ئۇنىڭ ئۈستىگە ئاجرىشىپ كەتسەم يەنە قايتىدىن بىرسىنى تېپىپ توي قىلسام بولىدۇ،  ئاۋارىچىلىك، پەرغانەنىمۇ ياخشى كۆرىمەن. يەنە بىر گەپ ، ئۆزۈم ياخشى كۆرىدىغاننى تاپقاندىن مېنى ياخشى كۆرىدىغان ئادەم بىلەن ئۆتكىنىم ياخشى.  سىز مېنى ياخشى كۆرگەندىن كېيىن،  مەنمۇ بوپتۇلا دەپ سىز بىلەن ئەپلەپ - سەپلەپ ئۆتەي، - دېدى.

پەرىدە ئۇنىڭ بۇ گەپلىرىنى ئاڭلاپ، ئاۋۋال قاپاقلىرى تۈرۈلدى، ئاندىن كۈلۈپ تۇرۇپ:

  -  سىزگە راستتىنلا ئۇۋال بولدى، شۇنچە يىللاردىن بېرى سىزگە ئۇۋال قىلغىنىمدىن مەنمۇ بەك خىجىل، مەن قانداقمۇ ۋاپاغا جاپا قىلىپ، سىزنى قىينىيالايمەن.  مەن بىلەن ئۆي تۇتۇپ قىينىلىپمۇ يۈرمەڭ، ئاجرىشىپلا كېتەيلى، - دېدى .

 -  يەنە بىر ئېغىز گەپ قىلىپ سىناپ بېقىڭە، - دېدى ئىلزات.

پەرىدە لەۋلىرىنى چىڭ يۇمۇپ، ئىلزاتغا قارىدى، قولىنى ئاستا كۆتۈرۈپ، ئۇنىڭ مۈرىسىگە قويدى.

ئىلزات مۈرىسىگە چىقىپ قالغان قولغا قاراپ، قېشىنى ئېتىپ قويدى، ئەمما گەپ قىلمىدى.

كۆزلىرى  پەرىدەنىڭ يۈزىگە قايتىدىن مۇقىملىشىپ، ئۇنىڭ  سەل - پەل دەككە-دۈككە بولۇۋاتقانلىقىنى كۆردى.

 پەرىدە لېۋىنى يالاپ قويۇپ، خېلى ئۇزاق ئىككىلەنگەندىن كېيىن پەس ئاۋازدا :

- شۇڭا سىز... ئەمەلىيەتتە ئاجرىشىشنى خالىمايسىز شۇنداقمۇ ؟ - دېدى.

ئىلزات دىمىقىنى قېقىپ قويۇپ:

-  ئاجرىشىپ،  شىرئەلىگە بېرەمدىم، - دېدى.

پەرىدە كۈلۈمسىرىدى، ئاندىن بېشىنى لىڭشىتىپ:

 -  شۇنداق، شىرئەلى، ئۇ مېنىڭ ئالدىمدە بەك خىجىل، ئۇنىڭ يېنىغا بارسام، ھېچ بولمىغاندا ماڭا  ياخشى مۇئامىلە قىلىدۇ، قانداقلا بولمىسۇن، ئاجرىشىپ كەتكەندىن  يەنىلا باشقا ئادەم بىلە توي قىلىمەن، شىرئەلىنىڭ ھەر جەھەتتىكى شارائىتىمۇ يامان ئەمەس، مەنمۇ ئاۋارە بولۇپ يۈرمەيمەن، ئۆھۈ... ئۆھۈ...- دېدى .

سۆزلەۋېتىپ بوينىدىكى ئىككى قولىنىڭ بارغانسېرى كۈچىۋاتقانلىقىنى ھېس قىلدى، ئاخىرىدا گەپ قىلالماي قالدى.

ئۇ يەنە بىر قولىنى سوزۇپ ئىلزاتنىڭ بىلىكىگە ئۇردى، يۆتىلىپ كەتكەن كۆزلىرىدىن ياش چىقىپ كېتەيلا دەپ قالدى.

ئىلزات قولىنى سەل بوشىتىپ، ئۇنىڭغا  تىكىلىپ قاراپ:

- پەرىدە، ئەگەر  ئاغزىڭىزدىن يەنە شىرئەلى دېگەن ئىسىمنى ئاڭلاپ قالسام،  ئەتىكى قۇياشنى كۆرەلمەيسىز ئىشىنەمسىز؟ - دېدى.

پەرىدە يېنىك يۆتىلىپ، ئۇنىڭغا قاراپ تۇيۇقسىز كۈلۈپ كېتىپ:

- ئىلزات، كۈندەشلىك قىلىۋاتىسىز، - دېدى. 

ئىلزاتنىڭ كېلىشكەن چىرايى قېتىپ قېلىپ:

- نېمە دەۋاتىسىز...  ئارتۇقچە ئويلاپ كېتىپسىز، مېنىڭ پەقەت شىرئەلى دېگەن ئىسىمنى ئاڭلىغۇم يوق، ئۇ قانچە ئېرىشمەكچى بولغانسېرى، مەن ئۇنى شۇنچە ئېرىشتۈرمەيمەن.  سىز ... - دېدى.

پەرىدە قېشىنى ئېتىپ:

  -  بولىدۇ، ئىشقىلىپ شىرئەلىمۇ بوپقالىدۇ، ئۇ بولمىسا،   باشقىلارنى ئىزدەپ كۆرسەم بولىدۇ، مەن قانداقلا بولمىسۇن بىر ئايال كىشى، چىرايىممۇ ھەر ھالدا چىرايلىق، بەدەن قۇرۇلۇشۇم ۋە بۇ تېرىسىمۇ بوپقالىدۇ، يامان ئەمەس ئەر كىشىنى تېپىشىم تەسمۇ ئەمەس...  ھەي، نېمە قىلىۋاتىسىز؟  بىئارام  قىلىپ، ئۆھۈ... ئۆھۈ... - دېدى. 

بۇ گەپنى ئاڭلاپ ئىلزات ئاچچىقتىن كېسىلىپ قالايلا دەپ قالدى.

پەرىدەنىڭ ھەقىقەتەن قابىلىيىتى بار، بىرنەچچە ئېغىز گەپ بىلەنلا ئىلزاتنىڭ  ئۆزىمۇ سەزمىگەن سەزگۈر نۇقتىسىغا  توغرا تەگكۈزۈپ قويدى.

شىرئەلى بولمايدۇ، باشقا ئەرلەرمۇ ئوخشاشلا بولمايدۇ.

 ئىلزات بۇ ئايالنىڭ قەستەن قىلىۋاتقانلىقىنى ئېنىق بىلەتتى، لېكىن  ئۇنىڭ باشقا ئەرلەر بىلەن تۇرغان ھالىتىنى  تەسەۋۋۇر قىلىپ چىدىيالماي قالدى.

- پەرىدە، قەستەن جىلە قىلىۋاتامسىز، - دېدى ئىلزات.

پەرىدە ئۇنىڭ قولىنى ئازراق بوشىتىپ:

 -  مەن قانداق جىلە قىلدىم، ئۆزىڭىز شىرئەلى بولمىسىلا بولدى دېدىڭىزغۇ؟ شىرئەلىنىڭ يېنىغا بارمىساملا بولىدىغۇ؟ نېمىلا دېگەن بىلەن ھاياتلىق دېگەن ئۇزۇن بولىدۇ، كىشىلىك ھاياتتا ھامان پىلان بولۇشى كېرەك، پىلان بولغاندا ئاندىن ئەگرى يولدا ماڭمايدۇ، - دېدى.

 بۇ ۋاقىتتىكى ئىلزاتنىڭ چىرايى ھەقىقەتەن تەسۋىرلىگۈسىز دەرىجىدە سەتلىشىپ :

 -  پىلان تۈزەمسىز تېخى، سىزنىڭ پىلانىڭىز باشتىلا ئەگرى-توقايلىققا تولغان، - دېدى.

 ‐ قەيەرى ئەگرى - توقايكەن؟ - دېدى پەرىدە قوشۇمىسىنى تۈرۈپ.

مىنى قەسىتلەپ چاپلىشىۋالغاندىن   باشلاپ ئەگرى-بۈگرى يول مېڭىپ،  يىراققا كەتتىڭىز، ئەمدى قايتىپ كېتىشىڭىزنىڭ  ھاجىتى يوق، مۇشۇ بويىچە ئاخىرغىچە مېڭىڭ، - دېدى ئىلزات.

پەرىدە بىر پەس تۇرۇپ قالدى، ئالىقىنى ئاستا-ئاستا ئىلزاتنىڭ بوينىغا چۈشۈپ، بەش بارمىقىنى  چاچلىرى ئارىسىغا كىرگۈزۈپ، ئىلزاتنىڭ كۆزىگە تىكىلدى، كۆزلىرى ئەنسىز تىترەپ:

- ئىلزات، بىز ئاخىرىغىچە بىللە ماڭامدۇق؟ - دېدى.

ئىلزات ئىككى قولىنى تارتىۋېلىپ، بىر قولىدا پەرىدەنىڭ بېشىنىڭ بىر تەرىپىنى تىرەپ تۇرۇپ:

  -   قارىسىغا ئىش قىلمىسىڭىزلا بولدى.- دېدى. 

پەرىدە لەۋلىرىنى يۇمۇپ، سەل-پەل قەددىنى رۇسلاپ، ئىلزاتنىڭ ئالدىغا كەلدى.

ئىلزات مىدىرلىماي، قاپقارا كۆزلىرىنى ئۇنىڭغا تىكىلدى،  تەمكىنلىك بىلەن ئۆزىنى تۇتۇۋالدى، ھېچ بولمىغاندا، دەسلەپتە  كۆرگەندەك بىزار بولمىدى.

پەرىدە بىردەم تۇرۇۋالغاندىن كېيىن، ئىككى پۇتىنىڭ ئۇچىدا دەسسەپ، ئىلزاتنىڭ لېۋىگە يېنىك سۆيۈپ قويدى.

دەسلەپتە سىناپ باقماقچى بولدى، چوڭرەك ھەرىكەت قىلىشقا جۈرئەت قىلالمىدى، ئىككى ئادەم شۇنداق يېقىن تۇرۇپمۇ، ئىلزاتنىڭ كۆزىلىرىدىن باشقىچە كەيپىياتنى كۆرمىدى.

 پەرىدە يۈرەكلىك ھالدا  سۆيۈشكە باشلىدى، ئەمما ئېھتىيات بىلەن ئىش كۆردى.

ئەمدى بولدى قىلاي دېيىشىگە، ئىلزاتنىڭ قۇشۇمىسى بىردىنلا تۈرۈلدى.

پەرىدە بىردىنلا سوغۇق ئەندىكىپ،  شەرتلىك رېفلېكسلىق ئۆزىنى چەتكە ئالماقچى بولدى، ئەمما ئىلزات ئۇنى تارتىپلا چىڭڭىدە قۇچاقلىۋالدى. 

پەرىدە  ئىنكاس قايتۇرۇشقا ئۈلگۈرمەيلا قالدى.

ئۇنىڭ بايىقى قىزىقتۇرۇشى ۋە دەككە-دۈككىگە بولۇشىغا سېلىشتۇرغاندا، ئىلزات يەنىلا بۇرۇنقىدەك كەسكىن بولدى.

بۇنداق ئىشتا، ئىلزاتنىڭ مۇلايىم بولغان ۋاقىتلىرى بەك ئاز.

 روشەنكى، قايسى قېتىمدا بولسىمۇ، ئۇ مەڭگۈ شۇنداق ئالدىراقسان.

 -  سىز ماڭا ئۆچ ئىدىڭىزغۇ؟ يېقىنلىشىشىمنى ياقتۇرمايتتىڭىزغۇ؟ - دېدى پەرىدە .  نەپەس ئېلىشى سەل قالايمىقان بولسىمۇ، لېكىن يەنىلا پۇرسەت تېپىپ ئۆزى ئەڭ بىلمەكچى بولغان سوئالنى سورىدى.

ئۇ بۇرۇن ئېنىقلا ئىلزاتنىڭ كۆزىدىن يىرگىنىشنى كۆرگەن، لېكىن ئىلگىرى ياكى ھازىر بولسۇن، ئىلزاتنىڭ يادىدا يوقتەك قىلاتتى.

ئۇ زادى نېمە ئويلاۋاتىدۇ ؟

 -  كىم بىلىپتۇ؟ سىزدىن بىزار، لېكىن يەنىلا كۆرگۈم كېلىدۇ. -دېدى ئىلزات. 

پەرىدە يەنە لېۋىنى چىڭ چىشلىۋالدى.

يۈزى قىزىرىپ:

  -  ماڭا راستلا ئۆچمۇ؟ - دەپ سورىدى.

  -  ياق، مەن سىزنى سۆيىمەن،  ئۆزۈمدىنمۇ بەكرەك ياخشى كۆرىمەن! - دېدى ئىلزات .

پەرىدە ئىللىق كۈلۈمسىرىدى،  بۇنى كۆڭلىدە ئوبدان بىلەتتى.

ئۇنىڭ ئىلگىرى ئوغۇل دوست تۇتقانلىقىنى، ھەتتا بالا تۇغقانلىقى ئىلزاتلا ئەمەس، ھەرقانداق بىر ئەر كىشى كۆڭلىگە ئالىدۇ.

ئۇمۇ ئىلزاتنىڭ ھەر خىل قالايمىقان خىياللاردا بولۇشىدىن ئاغرىنمايدۇ.

ئەمما ئىلزاتنىڭ بۇرۇن نۇرغۇن ئاياللار بىلەن مۇشۇنداق يېقىن مۇناسىۋەتتە بولغانلىقىنى ئويلىسىلا، كۆڭلى باشقىچە بىئارام بولىدۇ.

 شۇنداق بولسىمۇ،  ئۇنىڭغا كۆڭلى بولغاچقا چىداپ كەلدى.

- ياۋاشراق بولۇڭ، - دېدى ئىلزات.

پەرىدە سەل ئەندىكتى، ئەمما يەنىلا ئۇنىڭدىن مۇھىم سوئالىنى سورىۋالماقچى بولۇپ  :  

 -  ساقلاپ تۇرۇڭ، - دېدى.

- تازىمۇبىر، مۇشۇ ۋاقىتتىمۇ مېنى ساقلاپ تۇر دېمەكچىمۇ؟  - دېدى .

پەرىدەنىڭ  قىزارغان يۈزلىرى تېخىمۇ قىزىرىپ  ئوت بولۇپ ياندى.

لېۋىنى چىشلىگىنىچە پەسكە سەل-پەل تارتىنىپ:

- سوراپ باقاي دېگەنتىم، سىز ئىلگىرى زادى قانچە ئايال مۇھەببەتلىشىپ باققان؟ - دېدى.

ئىلزاتنىڭ كېلىشكەن چىرايى بىردەمدىلا قارىداپ ، پېشانىسىدىكى كۆك تومۇرلار كۆپۈپ ، سۇس تەرلەپ:

- ئۆلگۈر، قاچانلا سورىسىڭىز بولىدىغان ئىشنى مۇشۇنداق چاغدا سوراپ تۇرۇۋالامسىز؟ - دېدى.

پەرىدە قولىنى ئۇنىڭ مۈرىسىدىن سىيرىپ تۇرۇپ:

 -  بۇرۇن سورىغۇدەك مەيدانىم يوق ئىدى...  ھازىر بۇنداق بولغاندىكىن سوراپ باققۇم كەلدى، - دېدى.

ئىلزات خاپا بولۇپ تۇرىۋالسىمۇ پەرىدە ئىرادىسىدىن قايىتماي سوراپ تۇرۇۋالدى.

ئىلزات ئەمدى ئامالسىز چىشىنى چىشلەپ، پېشانىسى پېشانىسىگە تىرەپ.  غەزەپ بىلەن:

 -  بىرسىلا بار، -  دېدى.

پەرىدە بىردەم تۇرۇپ قالغاندىن كېيىن، ئۇنىڭ گېپىگە ئىشەنمەي :

 -  يالغان سۆزلىشىڭىزنىڭ  ھاجىتى يوق ، - دېدى.

- مەن نېمىشقا  يالغان سۆزلەيمەن؟ بىرسى بولسا نېمىشقا ئىشەنمەيسىز، - دېدى ئىلزات.

 -  بىراق سىزنىڭ بۇرۇنقى سەتچىلىكىڭىز پەقەت بىرلا ئەمەس،  مېنى ئەخمەق چاغلاپ قالدىڭىزمۇ؟  - دېدى پەرىدە.

ئىلزات بىئارام بولۇپ، بىر قولى بىلەن ئۇنىڭ پۇتىنى تۇتۇۋېلىپ:

 -  ھەممىسى پىتنە-ئىغۋا ، شۇنىڭغىمۇ ئىشىنەمسىز؟ - دېدى.

پەرىدە قوشۇمىسىنى تۈرۈپ:

  -  تۈنۈگۈن ئاخشام باشقا بىر ئايالنىڭ بارلىقى ئېنىققۇ، - دېدى.

- ئۇنداق ئىش بولمىدى،  - ئايرىم ئۇخلىدۇق، - دېدى.

 -   دېگىنىڭىز راستمۇ، راست بولسا، كىملىكى ئېسىڭىزدە باردۇ؟ - دېدى پەرىدە.

 -  بولدى قىلامسىز - قىلمامسىز؟  - دېدى ئىلزات.

- دېگەندىكىن ھەممىنى دېۋېتىڭە، تېز بولۇڭ، - دېدى پەرىدە.

 ئىلزات  ئۆزىنى سەل بېسىۋالغاندىن كېيىن، چىشىنى چىشلەپ تۇرۇپ :

 -   بىلمىدىم، ئۇ كۈنى كۆپ ئىچىۋاپتىمەن، كىم ئىكەنلىكىنىمۇ بىلمەيمەن، پاكىزە قىزكەنتۇق.   كېيىن ئۇ ئايال بىلەن زادىلا كۆرۈشمىدىم، شۇنىڭدىن كېيىن پەيدا بولۇپ باقمىدى، - دېدى.

ئىلزات گېپىنى تۈگىتىپ، قاپىقىنى تۈرۈپ ئۇنىڭغا تىكىلىپ:

- رازى بولدىڭىزمۇ؟ كاللىڭىزدا بىرەر چاتاق بارمۇ قانداق؟ مۇشۇ ۋاقىتتىمۇ يەنە مەندىن باشقا ئاياللار بىلەن بولغان ئىشنى سورىسىڭىز، بىنورمال ھېس قىلمامسىز؟  - دېدى.

پەرىدە سەل تېڭىرقاپ قالدى، خېلى بىر ھازاغىچە ئۇنىڭغا تىكىلىپ قاراپ تۇرۇپ:

 -  پەقەت بىرلا ئايال بار،  .. يەنە تېخى ئەتىسى يوقاپ كەتتى ... - دېدى.

 -   شۇنداق، يوقاپ كەتتى، قىزىقىپ قالدىڭىزمۇ؟ - دېدى ئىلزات. 

- ئۇنى ئىزدەشنى ئويلاپ باقمىدىڭىزمۇ ؟ - دېدى پەرىدە.

 -  ئۇ ئۆزى قېچىپ كەتكەن تۇرسا، مەن يەنە ئۇنى نەدىدىن ئىزدەيمەن، ئەينى چاغدا W شەھەردە ئىدىم، ئۇ يەردە تۇرىدىغان ۋاقتىم ئۇزۇن ئەمەستى، - دېدى ئىلزات.

پەرىدەنىڭ كۆزلىرى يېنىك تىترەپ، بىر سېكۇنت سۈكۈتكە چۆكتى، يەنە نىيىتىدىن يانماي :

  -  راستتىنلا ھېلىقى بىرلا ئايال بارمۇ؟ - دەپ سورىدى.

ئىلزات ئۇنىڭغا تىكىلىپ تۇرۇپ:   

-  يەنە قانچىسى بولۇشىنى ئۈمىد قىلىسىز؟ - دەپ سورىدى.

پەرىدە بېشىنى چايقاپ:

  -  ياق، بىرسى بولسىلا بولدى،  ياخشى بولدى، - دېدى.

پەرىدە لېۋىنى چىشلەپ، كۈلۈمسىرەپ قويۇپ، گەپ قىلمىدى.

ئۆسەك سۆزلەرنىڭ ھەممىسى يالغان...  ھاياتىدا پەقەت بىرلا ئايال بار ... ئىككىنچى كۈنى قېچىپ كەتكەن...   W شەھەردە... ھى... پەرىدە مۇشۇلارنى ئويلاپ  تېخىمۇ خۇش بولدى.